ଜଳ ହିଁ ଜୀବନ । ପାଣି ଆମ ଶରୀର ପାଇଁ ଖୁବ୍ ଆବଶ୍ୟକ । କାହିଁକି ନା ଗୋଟିଏ ଲୋକ ଖାଦ୍ୟ ବିନା ବଞ୍ଚିବା ସମ୍ଭବ ହୋଇପାରେ କିନ୍ତୁ ପାଣି ବିନା ବଞ୍ଚିବା ସହଜ ନୁହେଁ । ପାଣି ଯଦି ଶରୀର ରୁ କମିଯାଏ ତେବେ ଅନେକ ସମସ୍ୟା ଦେଖା ଯାଇଥାଏ । ଆମେ ବିଶେଷ ଭାବରେ ଶୋଷ ଲାଗିଲେ ପାଣି ପିଇ ଥାଉ , ନଚେତ୍ କୌଣସି ଜିନିଷ ଖାଇ ସାରିବା ପରେ ପାଣି ପିଉ , କିନ୍ତୁ ପ୍ରକୃତ ରେ ସକାଳୁ ଉଠି ଖାଲି ପେଟରେ ପାଣି ପିଇବା ସ୍ବାସ୍ଥ୍ୟ ପକ୍ଷରେ ଖୁବ୍ ହିତକର ।
ଆଜି ଆସନ୍ତୁ ଜାଣିବା ସକାଳୁ ଖାଲି ପେଟରେ ପାଣି ପିଇବା ର ୮ଟି ଚମତ୍କାର ଲାଭ :-
* ନିୟମିତ ସକାଳୁ ଖାଲି ପେଟରେ ପାଣି ପିଇବା ଦ୍ଵାରା ଶରୀର ସହିତ ତ୍ଵଚା ଉପରେ ମଧ୍ୟ ଭଲ ପ୍ରଭାବ ପଡିଥାଏ । ସକାଳୁ ଖାଲି ପେଟରେ ପାଣି ପିଇବା ଦ୍ଵାରା ତ୍ୱଚା ରେ ଚମକ୍ ଆସିଥାଏ । ତ୍ୱଚା ର ଡେଡ୍ ସ୍କିନ ମେଣ୍ଟେନ ହୋଇଥାଏ । ଶୀଘ୍ର ବାର୍ଦ୍ଧକ୍ୟ ଆସି ନଥାଏ ।
* ସକାଳୁ ଖାଲି ପେଟରେ ପାଣି ପିଇବା ଦ୍ଵାରା ଆମ ଶରୀର ବିଷାକ୍ତ ପଦାର୍ଥ କୁ ବାହାର କରିଥାଏ । ଏହାଦ୍ବାରା ଆମ ପାଚନ ତନ୍ତ୍ର ସୁରକ୍ଷିତ ରଖିବାରେ ସାହାଯ୍ୟ କରିଥାଏ । ଯାହା ଆମକୁ ସାରା ଦିନ ସତେଜ ରଖିବାରେ ସାହାଯ୍ୟ କରେ । ଗ୍ୟାସ୍ ଏସିଡିଟି ସମସ୍ୟା ଦୂର ହୋଇ ଖାଦ୍ୟ ହଜମ ହେବାରେ ସାହାଯ୍ୟ କରିଥାଏ ।
* ଖାଲି ପେଟରେ ପାଣି ପିଇବା ଦ୍ଵାରା ମାଇଗ୍ରେନ୍ ସମସ୍ୟା ଠିକ୍ ରହିଥାଏ । ଯାହାକି ମୁଣ୍ଡ ବିନ୍ଧା ଜନିତ ସମସ୍ୟା ଦୂର କରିଥାଏ ।
* ଖାଲି ପେଟରେ ପାଣି ପିଇବା ଦ୍ଵାରା ଆମ ମେଟା ବୋଲିଯିମ୍ ରେଟ ବୃଦ୍ଧି ହୋଇଥାଏ । ଏହାଦ୍ବାରା ଓଜନ ହ୍ରାସ କରିବାରେ ସାହାଯ୍ୟ ମିଳିଥାଏ । ୟୁରୀକ ଏସିଡ ସମସ୍ୟା ମଧ୍ୟ ଠିକ୍ ରହିଥାଏ ସକାଳୁ ଖାଲି ପେଟରେ ପାଣି ପିଇବା ଦ୍ଵାରା ।
* ସ୍ବାସ୍ଥ୍ୟ ବିଶେଷଜ୍ଞ ଙ୍କ ମତରେ ସକାଳୁ ଖାଲି ପେଟରେ ପାଣି ପିଇବା ଦ୍ଵାରା ଇମ୍ୟୁନିଟି ବୁଷ୍ଟ ହୋଇଥାଏ , ଆମେ ଅନେକ ପ୍ରକାର ରୋଗ ଠାରୁ ନିଜକୁ ଦୂରେଇ ରଖିଥାଉ ।
