ଆର,ଉଦୟଗିରି : ଆର,ଉଦୟଗିରି ଥାନା ନିକଟସ୍ଥ ରାୟଗଡା ବ୍ଲକ୍ ଅନ୍ତର୍ଗତ ବୋଲଡାଗୁମା ଛକ ନିକଟରେ ଏକ ଟ୍ରାକଟର ଓଲଟି ୬ଜଣ ଆହତ ହେବାସହ ଘଟଣା ସ୍ଥଳରେ ଟ୍ରାକଟର ଚାଳକ ମୁତ୍ୟୁ ବରଣ କରିଛି । ମୁତକ ଜଣକ ବାଲିଡି ଗ୍ରାମର ମଣ୍ଟୁ ପ୍ରଧାନ ମିଳିଥିବା ସୁଚନା ପ୍ରକାରେ ବଡପୁତାର ଗ୍ରାମରୁ ବାହାରି ଏକ ବିଦ୍ୟୁତ ପୋଲ ବୋଝେଇ ଟ୍ରାକଟର ଗାଡିରେ ୬ ଜଣ ଶ୍ରମିକକୁ ନେଇ ମଣ୍ଡଳ ସାହି ଗ୍ରାମ ଠାରୁ ଅଳପ ଦୂର ବୋଲଡା ଗୁମା ଛକ ନିକଟରେ ଭାରସାମ୍ୟ ହରାଇ ରାସ୍ତା କଡରେ ଓଲଟି ପଡିଥିବା ତେବେ ଘଟଣାସ୍ଥଳରେ ଟ୍ରାକଟରର ତଳେ ୭ଜଣ ଚାପି ହୋଇ ରହିଥିବା ବେଳେ ସ୍ଥାନିୟ ଲୋକେ ଘଟଣା ସ୍ଥଳରୁ ଆହତ ମାନଙ୍କୁ ଉଦ୍ଧାର କରି ୧୦୮ ଆମ୍ବୁଲାନସ ଯୋଗେ ରାମଗିରି ସ୍ବାସ୍ଥ୍ୟ କେନ୍ଦ୍ରକୁ ନେଇ ଥିଲେ । କିନ୍ତୁ ସେଠାରେ ଡାକ୍ତର ଚାଳକଙ୍କୁ ମୁତ୍ୟୁ ବରଣ ଘୋଷଣା କରିଥିଲେ ।
ଆହତ ଥିବା ୬ଜଣ ମଧ୍ୟରୁ ୩ ଜଣଙ୍କ ଅବସ୍ଥା ସଙ୍କଟାପୁନ୍ନ ଥିବା ହେତୁ ଜଣଙ୍କୁ ବ୍ରହ୍ମପୁର ବଡ ମେଡିକଲକୁ ଓ ଅନ୍ୟ ୨ ଜଣ ଗୁରୁତରଙ୍କୁ ପାରଳାଖେମଣ୍ଡି ଚିକିତ୍ସା ପାଇଁ ପଠାଯାଇଥିଲା । ଘଟଣା ସ୍ଥଳରେ ରାମଗିରି ପୋଲିସ ପହଞ୍ଚି ତଦନ୍ତ ଆରମ୍ଭ କରିବା ସହ ମୁତଦେହ ଜବତ କରି ଶବ ବ୍ୟବଛେଦ ନିମନ୍ତେ ଆରମ୍ଭ କରବା ସହ ପାରଳାଖେମଣ୍ଡି ପଠାଯାଇଥିବା ରାମଗିରି ଥାନା ତରଫରୁ ସୁଚନା ମିଳୁଛି । ଏ ନେଇ ରାମଗିରି ଥାନାରେ ୧୫\୨୦ ରେ ମାମଲା ରୁଜୁ କରାଯାଇ ଏହା ଅଧିକ ତଦନ୍ତ ଚାଲିଛି ବୋଲି ଆର,ଉଦୟଗିରି ଏସଡିପିଓ ଅଶୋକ କୁମାର ମହାନ୍ତି କହିଛନ୍ତି ।
