ଗ୍ରୀଷ୍ମ ଋତୁରେ ଏସିଡିଟି ସମସ୍ୟା ରେ ଆକ୍ରାନ୍ତ ରହୁଛନ୍ତି କି ? ଏସିଡିଟି ରୁ ରକ୍ଷା ପାଇବା ପାଇଁ ଆପଣାନ୍ତୁ ଏହି ୪ଟି ପ୍ରାକୃତିକ ଉପାୟ

ଦିନକୁ ଦିନ ଗ୍ରୀଷ୍ମ ର ପ୍ରକୋପ ବଢ଼ି ବଢ଼ି ଚାଲିଛି। ଏହି ଗ୍ରୀଷ୍ମ ପ୍ରବାହ ଆମ ଶରୀର ପାଇଁ ଖୁବ୍ ଖରାପ୍ ପ୍ରଭାବ ପକାଇଛି । ବିଶେଷ ଭାବରେ ଏହା ପେଟ ର ବିଭିନ୍ନ ସମସ୍ୟା ଦେଖିବାକୁ ମିଳିଥାଏ । ଏଥି ମଧ୍ୟରୁ ଏସିଡିଟି ଗୋଟିଏ । କାରଣ ଗ୍ରୀଷ୍ମ ଋତୁରେ ଅପଚ ଗୋଟିଏ ବଡ଼ ସମସ୍ୟା ।

ତେଣୁ କିଛିଟା ପ୍ରାକୃତିକ ଉପାୟ ଦ୍ଵାରା ଏସିଡିଟି ସମସ୍ୟା ରୁ କିପରି ଆରାମ ପାଇବା ଆସନ୍ତୁ ଜାଣିବା।

୧) ପଇଡ ପାଣି :-

ପଇଡ଼ ପାଣି ଗୋଟିଏ ପ୍ରାକୃତିକ ଉପଚାର ଏସିଡିଟି ପାଇଁ। ପଇଡ଼ ପାଣି ଆମ ଶରୀର ର ବିଷାକ୍ତ ପଦାର୍ଥ କୁ ବାହାର କରିବାରେ ସାହାଯ୍ୟ କରିଥାଏ। ପଇଡ଼ ପାଣି ରେ ଫାଇବର ର ମାତ୍ରା ଅଧିକ ରହିଥାଏ ଓ ନିୟମିତ ମଳ ତ୍ୟାଗ ପାଇଁ ସାହାଯ୍ୟ କରିଥାଏ ଓ ଏସିଡିଟି ରୁ ଆରାମ ମିଳିଥାଏ।

୨) ଥଣ୍ଡା ଦୁଗ୍ଧ :-

ଥଣ୍ଡା ଦୁଗ୍ଧ ମଧ୍ୟ ଏସିଡିଟି ସମସ୍ୟା ପାଇଁ ଖୁବ୍ ହିତକର। ଥଣ୍ଡା ଦୁଗ୍ଧ ପେଟ ରେ ଏସିଡ ପ୍ରସ୍ତୁତ ହେବାକୁ ଅଟକାଇ ଥାଏ। ଜେବେବି ଆପଣ ଛାତିରେ ଏସିଡିଟି ହେଉ ଥିବାର ଅନୁଭବ କରୁଛନ୍ତି ସେହି ସମୟରେ ଆପଣ ଆରାମ ପାଇବା ପାଇଁ ଗୋଟିଏ ଗ୍ଲାସ୍ ଥଣ୍ଡା ଦୁଗ୍ଧ ସେବନ କରନ୍ତୁ।

୩) ଘୋଳ ଦହି :-

ଘୋଳ ଦହି ଏସିଡିଟି ର ଉପଚାର ପାଇଁ ଗୋଟିଏ ପ୍ରାକୃତିକ ଉପଚାର। ଏହି ଉପାୟ କୁ କେଉଁ ପୁରୁଣା ଯୁଗରୁ ଆୟୁର୍ବେଦ ରେ ଗ୍ରହଣ କରାଯାଇଛି । ଘୋଳ ଦହି ଏସିଡିଟି କୁ କମ କରିବା ସହିତ ପ୍ରାକୃତିକ ଭାବରେ ପେଟ କୁ ସୁସ୍ଥ ରଖିଥାଏ । ଘୋଳଦହି ରେ ଥିବା ପ୍ରାକୃତିକ ବ୍ୟାକ୍ଟେରିଆ ଏସିଡିଟି ହେବାକୁ ଅଟକାଇ ଥାଏ। ସମଗ୍ର ପାଚନ ତନ୍ତ୍ର କୁ ସୁସ୍ଥ ରଖିବା ରେ ସାହାଯ୍ୟ କରିଥାଏ। ଗ୍ରୀଷ୍ମଋତୁ ରେ ଏସିଡିଟି ରୁ ରକ୍ଷା ପାଇବା ପାଇଁ ନିୟମିତ ଭୋଜନ ପରେ ଘୋଳଦହି ସେବନ କରନ୍ତୁ।

୪) କଦଳୀ :-

ପାଚିଲା କଦଳୀ ଏସିଡିଟି ପାଇଁ ରାମବାଣ ଅଟେ । କଦଳୀ ରେ ଥିବା ପୋଟାସିୟମ ପ୍ରାକୃତିକ ଭାବରେ ପେଟ କୁ ଆରାମ ଦେଇଥାଏ । କଦଳୀ ରେ ଫାଇବର ମାତ୍ରା ଅଧିକ ରହିଥାଏ, ତେଣୁ ପେଟ ପାଇଁ କଦଳୀ ଖୁବ୍ ହିତକର ଅଟେ ।