ଅନୁଗୁଳ/ବଅଁରପାଳ: ବଅଁରପାଳ ଥାନା ବଉଳିଗଡ ଓଭରବ୍ରିଜ ନିକଟରେ ଏକ ଭୟଙ୍କର ସଡକ ଦୁର୍ଘଟଣା ଘଟି ୧ ମୃତ ୨ ଗୁରୁତର ଥିବା ଜଣାପଡିଛି । ଘଟଣାରୁ ପ୍ରକାଶ ଯେ, ମହିଧରପୁର ଆଡୁ ଏକ କାର ଓଡି୦୨ବିଡି-୪୨୫୭ ବିଳମ୍ବିତ ରାତିରେ ବଉଳିଗଡକୁ ଆସୁଥିଲା । ହଠାତ୍ ଭାରସାମ୍ୟ ହରାଇ କାରଟି ଏକ ଗଛକୁ ଖୁବ୍ ଯୋରରେ ଧକ୍କା ଦେଇଥିଲା ।
ଦୁର୍ଘଟଣା ଏତେ ଭୟଙ୍କର ହୋଇ ଥିଲା ଯେ ଗାଡିର ବଡିରୁ ଇଜିଂନ ଅଲଗା ହୋଇଯାଇଥିଲା । ଘଟଣା ସ୍ଥଳରେ ବି.ଜେ.ଡି ନେତା ଭାବେ ଜଣାଶୁଣା ଜ୍ୟୋତିନ୍ଦ୍ର କୁମାର ସାହୁ (୪୯) ଙ୍କର ମୃତ୍ୟୁ ଘଟିଥିବା ବେଳେ ଗୁରୁତର ଆହତ ଗାଡି ଚାଳକ ତ୍ରିଲୋଚନ ସାହୁଙ୍କୁ କଟକ ବଡ ମେଡିକାଲ ଓ ସୁବାସ ପରିଡା (୫୬) ଙ୍କୁ ଭୁବନେଶ୍ୱର ଡାକ୍ତର ଖାଦନା କୁ ଚିକିତ୍ସା ପାଇଁ ନିଆଯାଇଛି ।
ଘଟଣା ସ୍ଥଳକୁ ମହିଧରପୁର ଫାଣ୍ଡି ଅଧକାରୀ ଓ ଗ୍ରାମବାସୀ ମିଶି ଆହତ ମାନଙ୍କୁ ଉଦ୍ଧାର କରି ଅନୁଗୁଳ ଡାକ୍ତର ଖାନାକୁ ପଠାଇଥିଲେ । ଅବସ୍ଥା ଗୁରୁତର ହେବାରୁ ଆହତ ମାନଙ୍କୁ କଟକ ଓ ଭୁବନେଶ୍ୱର ପଠାଯାଇଥିବା ଥାନା ସୂତ୍ରରୁ ପ୍ରକାଶ ।
