ସାଲେପୁର : କରୋନା ସଂକ୍ରମଣକୁ ଆଖିଆଗରେ ରଖି ଆଜି ସାଲେପୁର ଅଞ୍ଚଳର ବିଭିନ୍ନ ପଞ୍ଚାୟତରେ ପ୍ରାୟ ୯୫ଜଣଙ୍କର ସ୍ୱାବ୍ ପରୀକ୍ଷା ପାଇଁ ସଂଗ୍ରହ କରାଯାଇଥିବାବେଳେ ସାଲେପୁର ଥାନାର ଥାନାଅଧିକାରୀଙ୍କ ସମେତ ୧୨ଜଣ ଓ ସାଲେପୁର ଅଗ୍ନିଶମ ବିଭାଗର ୨ଜଣଙ୍କ ସ୍ୱାବ୍ ପରୀକ୍ଷା ନିମନ୍ତେ ସଂଗ୍ରହ କରାଯାଇଥିବା ଜଣାଯାଇଛି ।
ଆଜି ସାଲେପୁର ପ୍ରଶାସନ ପକ୍ଷରୁ ବିବେକାନନ୍ଦ ବିଦ୍ୟାପୀଠ ବହୁଗ୍ରାମଠାରେ ଏକ ସ୍ୱତନ୍ତ୍ର କ୍ୟାମ୍ପ୍ କରାଯାଇ ସାଲେପୁର ବ୍ଲକ୍ର ବିଭିନ୍ନ ପଞ୍ଚାୟତରେ ଥିବା କ୍ୱାରେଣ୍ଟାଇନ୍ ସେଣ୍ଟର ଓ ହୋମ୍ କ୍ୱାରେଣ୍ଟାଇନ୍ରେ ଥିବା ବ୍ୟକ୍ତି ଓ ପଜିଟିଭ୍ଙ୍କ କଣ୍ଟାକ୍ଟ ଟ୍ରେସିଂରେ ଥିବା ବ୍ୟକ୍ତିମାନଙ୍କର ସ୍ୱାବ୍ ସଂଗ୍ରହ କରାଯାଇ ପରୀକ୍ଷା ନିମନ୍ତେ ପଠାଯାଇଛି । ସେହିପରି ସାଲେପୁର ଥାନାର ଅଧିକାରୀଙ୍କ ସମେତ ବହୁ କର୍ମଚାରୀଙ୍କ ସ୍ୱାବ୍ ସଂଗ୍ରହ କରାଯାଇଥିବା ସାଲେପୁର ବିଡ଼ିଓ ଦେବରାଜ ସେଠୀ ପ୍ରକାଶ କରିଛନ୍ତି ।
