ସାକ୍ଷୀଗୋପାଳ : ପୁରୀ ଜିଲ୍ଲା ସତ୍ୟବାଦୀ ଥାନା ଅନ୍ତର୍ଗତ ଓଡିଶା ଗ୍ରାମ୍ୟ ବ୍ୟାଙ୍କ ସାରଙ୍ଗଯୋଡ଼ି ଶାଖା ରୁ ଗତକାଲି ବିଳମ୍ବିତରାତିରେ ଲୁଟ ଉଦ୍ୟମ ହୋଇଥିଲା l ଚୋର ମାନେ ବ୍ୟାଙ୍କ ର ମୁଖ୍ୟ ଦୁଆରେ ଥିବା ଗ୍ରିଲ ଓ ପ୍ରବେଶ ଦ୍ୱାର କବାଟ ତାଲା ବ୍ୟାଙ୍କ ଭିତରେ ଥିବା ଲକର ଦୁଆର ତାଲା ଭାଙ୍ଗି ପ୍ରବେଶ କରିଥିଲେ l ଏହା ସହିତ ସିସିଟିଭି ତାର କୁ କାଟି ବ୍ୟାଙ୍କ ରେ ଚୋରି କରିବା ପାଇଁ ଉଦ୍ୟମ କରିଥିଲେ l ସକାଳେ ସ୍ଥାନୀୟ ଜନସାଧାରଣ ବ୍ୟାଙ୍କର ସାଇରନ ବାଜୁଥିବା ଓ ବ୍ୟାଙ୍କ ଅଛି ସମ୍ପୂର୍ଣ ଖୋଲା ଥିବା ଦେଖିଥିଲେ l ସ୍ଥାନୀୟ ଜନସାଧାରଣଙ୍କ ଠାରୁ ଖବର ପାଇ ସତ୍ୟବାଦୀ ଥାନା
ଆଇ ଆଇ ସି ଆସି ବିଜୟ କେତନ ବେହେରା ସଦଳବଳେ ଘଟଣା ସ୍ଥଳରେ ପହଞ୍ଚି ଅନୁସନ୍ଧାନ କରିଥିଲେ l ପରେ ପରେ ବ୍ୟାଙ୍କ ମ୍ୟାନେଜର ସ୍ପଷ୍ଟ କରିଥିଲେ କି, ଚୋର ମାନେ ବ୍ୟାଙ୍କ ଲକର ଖୋଲିବା ନିମନ୍ତେ ଉଦ୍ୟମ କରିଥିଲେ l ଚୋରି କରିବା ପାଇଁ ଲକର ଖୋଲିବା ଉଦ୍ୟମ ବିଫଳ ହେତୁ ଚୋର ମାନେ ପଳାଇଛନ୍ତି l ସାଇଣ୍ଟିଫିକ ଟିମ ଓ ସନ୍ଧାନୀ କୁକୁର ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିଲେ l ସିସିଟିଭି ରୁ ଜଣା ପଡୁଛି 2 ଜଣ ବ୍ୟକ୍ତି ମୁହଁ ରେ ମୁଖା ପିନ୍ଧି ବ୍ୟାଙ୍କ ରେ ପଶିଥିଲେ l ଏହି ଗ୍ରାମ୍ୟ ବ୍ୟାଙ୍କ ଶାଖା ପରିଚାଳକ ଏମ ହରିନାଥଙ୍କ ଅଭିଯୋଗକୁ ଭିତ୍ତି କରି ସତ୍ୟବାଦୀ ଥାନାରେ 457,380 ଓ 511 ଦଫାରେ ଏକ ମୋକଦ୍ଦମା ରୁଜୁ ହୋଇଅଛି l ମୋକଦ୍ଦମା ନମ୍ବର 23/2024 ଅଟେ l ପ୍ରକାଶ ଥାଉ କି, ଗତ 2014 ମସିହା ରେ ଏହି ବ୍ୟାଙ୍କରୁ ଏହିପରି ଏକ ଚୋରି ଉଦ୍ୟମ ହୋଇଥିଲା l
