କୃଷି ବିଭାଗ ତରଫରୁ ଜୈବିକ ସାର କାରଖାନା ଉପରେ ଚଢ଼ାଉ

ରାଜ୍ୟ ସରକାରଙ୍କ କୃଷି ବିଭାଗ ତରଫରୁ ଏହି ଚଢ଼ାଉ ଅନୁଷ୍ଠିତ ହୋଇଥିଲା l କୃଷି ଓ କୃଷକ ସଶକ୍ତିକରଣ ବିଭାଗ ପ୍ରମୁଖ ଶାସନ ସଚୀବ ଡକ୍ଟର ଅରବିନ୍ଦ ପାଢ଼ୀ, ନିର୍ଦ୍ଦେଶକ ପ୍ରେମଚନ୍ଦ୍ର ଚୌଧୁରୀ  (I A S ), ପୁରୀ ଜିଲ୍ଲା  ମୁଖ୍ୟ କୃଷି ଅଧିକାରୀ ରମେଶ ଚନ୍ଦ୍ର ରାୟ, ସାକ୍ଷୀଗୋପାଳ କୃଷି ଜିଲ୍ଲା ଅଧିକାରୀ  ସୁବାସ  ଚନ୍ଦ୍ର ବେହେରା, ସହକାରୀ କୃଷି ଅଧିକାରୀ ହୃଦାନନ୍ଦ ସାମନ୍ତରାୟ, ବ୍ଲକ  କୃଷି ଅଧିକାରୀ କଲ୍ୟାଣ କୁମାର ରାୟ ଓ ସହକାରୀ କୃଷି ଅଧିକାରୀ ହୃଦାନନ୍ଦ ରାୟ ପ୍ରମୁଖ ଏହି ଚଢ଼ାଉ କରିଥିଲେ l

ଜୈବିକ ସାର କାର୍ଯ୍ୟାଳୟ, ଭୁବନେଶ୍ୱରର ଅଧିକାରୀ ସରୋଜ କୁମାର ଦାସ ଓ ପୁରୀ ଜିଲ୍ଲା କୃଷି କାର୍ଯ୍ୟାଳୟ ତରଫରୁ ଭାରତୀ ମଲ୍ଲ ଓ ହୃଦାନନ୍ଦ ସାମନ୍ତରାୟ ପ୍ରମୁଖ କାରଖାନା ପରିସରରେ ପ୍ରସ୍ତୁତ ହୋଇଥିବା ଜୈବିକ ସାରର ନମୁନା ସଂଗ୍ରହ କରିଥିଲେ l ଏହି ଜବତ ସାର ପରୀକ୍ଷାଗାରରେ ପରୀକ୍ଷା କରାଯିବ l ପରୀକ୍ଷା ପରେ ରିପୋର୍ଟ ଆସିବା ପରେ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ ବୋଲି ଉପସ୍ଥିତ ଅଧିକାରୀ ମାନେ ସୂଚନା ପ୍ରଦାନ କରିଥିଲେ l

ପ୍ରକାଶ ଥାଉ କି, ଦୀର୍ଘ ଦିନ ହେଲାଣି ଏଠାରେ ଜୈବିକ ସାର ପ୍ରସ୍ତୁତ ହୋଇ କେନ୍ଦ୍ର ଓ ରାଜ୍ୟ ସରକାରଙ୍କ ମାଧ୍ୟମରେ କୃଷକ ମାନଙ୍କୁ ବିକ୍ରୟ କରା ଯାଉଅଛି l କୃଷି ବିଭାଗ ତରଫରୁ ଏହି ଚଢ଼ାଉ ଅନୁଷ୍ଠିତ ହୋଇଥିଲା l ଫଟୋ ୧ l ଚଢ଼ାଉ ଜାରି ରହିଅଛି l ଅବଶିଷ୍ଟ ଖବର ପରେ ଦିଆଯିବ l