ପୂର୍ବତଟ ରେଳପଥର ମହାପ୍ରବନ୍ଧକ ଶ୍ରୀ ବିଦ୍ୟା ଭୂଷଣ ଆଜି ପୂର୍ବାହ୍ନ ରେ ଭୁବନେଶ୍ୱର ସ୍ଥିତ ରେଳବାଇ ଅଡିଟୋରିୟମ ନିକଟରେ ଏକ ସହିଦ ସ୍ମାରକକୁ ଉନ୍ମୋଚନ କରିବା ସହିତ ମହାନ ସହିଦ ମାନଙ୍କ ବଳିଦାନ ପାଇଁ ପୁଷ୍ପମାଲ୍ୟ ଅର୍ପଣ କରିଥିଲେ |
ସହିଦ ମାନଙ୍କ ବଳିଦାନକୁ ସ୍ମରଣ କରିବା ପାଇଁ ସହିଦ ସ୍ମାରକ ନିର୍ମାଣ କରାଯାଇଛି | ଏହା ମଧ୍ୟ ସାହସିକତା ଏବଂ ସାହସର ଅସଂଖ୍ୟ କାହାଣୀର ସାକ୍ଷୀ ହେବ | ଉଦ୍ଘାଟନୀ ଉତ୍ସବରେ ସମସ୍ତ ସହିଦଙ୍କୁ ରେଳ ସୁରକ୍ଷା ବଳ (ଆରପିଏଫ) ସମ୍ମାନ ସହିତ ଗାର୍ଡ ଅଫ୍ ଅନର ପ୍ରଦାନ କରାଯାଇଥିଲା | ମହାପ୍ରବନ୍ଧକ ମଧ୍ୟ ସହିଦ ସ୍ମାରକ ଉପରେ ପୁଷ୍ପମାଲ୍ୟ ଅର୍ପଣ କରିଥିଲେ ଏବଂ ରାଷ୍ଟ୍ରର ସମ୍ମାନ ଏବଂ ପ୍ରତିଷ୍ଠା ରକ୍ଷା କରିବା ପାଇଁ ନିଜ ଜୀବନକୁ ଉତ୍ସର୍ଗ କରିଥିବା ସମସ୍ତ ସହିଦ ମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ |
ସହିଦ ସ୍ମାରକ ଉଦ୍ଘାଟନୀ ଉତ୍ସବରେ ରେଳପଥର ଅତିରିକ୍ତ ମହାପ୍ରବନ୍ଧକ ଶ୍ରୀ ସୁଧୀର କୁମାର, ମୁଖ୍ୟ ସୁରକ୍ଷା କମିଶନର ତଥା ଆଇଜି ଆରପିଏଫ ଶ୍ରୀ ରାଜା ରାମ ଏବଂ ପୂର୍ବ ତଟ ରେଳପଥର ସମସ୍ତ ବିଭାଗୀୟ ପ୍ରମୁଖ ଅଧିକାରୀ ମାନଙ୍କ ସହିତ ଖୋର୍ଦ୍ଧା ରୋଡ ରେଳ ମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ଶ୍ରୀ ରିଙ୍କେଶ ରୟ ଉପସ୍ଥିତ ଥିଲେ |
Comments are closed.