ପିପିଲି ନିର୍ବାଚନମଣ୍ଡଳୀରେ ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂହଦେଓଙ୍କ ପ୍ରଚାର

 ପିପିଲିର ଉନ୍ନତି କିପରି ହେବ ସେନେଇ ପୂର୍ବତନ ବିଧାୟକଙ୍କର କୋଣସି ରୋଡ ମ୍ୟାପ ନଥିଲା
 ନିର୍ବାଚନ ସରିଗଲେ ଶାସକ ବିଜେଡି ‘ଯଥା ପୂବଂ ତଥା ପରଂ’ ଭଳି ଆଚରଣ ଦେଖାଏ
 କେନ୍ଦ୍ର ସରକାର ବ୍ୟାପକ ଅର୍ଥ ପଠାଉଥିଲେ ମଧ୍ୟ ପିପିଲିବାସୀଙ୍କ ପାଖରେ ପହଂଚାଇବାରେ ବିଜେଡି ବାଧକ ସାଜିଛି
 ମୋଦିଜୀଙ୍କ ବିକାଶଧାରାରେ ନିଜକୁ ସାମିଲ କରାଇବେ ବୋଲି ପ୍ରତିଶୃତି ଦେଲେ ପିପିଲିବାସୀ
ଭୁବନେଶ୍ୱର,ପିପିଲି-ଡେଲାଙ୍ଗ,ତା.୧୦/୦୪: ପିପିଲିରେ ରାସ୍ତାଘାଟ ସଂପୂର୍ଣ୍ଣଭାବେ ବିପର୍ଯ୍ୟସ୍ତ ହୋଇଛି । ମୁଁ ରାଜସ୍ଥାନରେ ବିବାହ କରିଛି । ସେଠାରେ ଲୋକମାନେ ଓଟ ପିଠିରେ ବସିକି ଗଲେ ଯେପରି ଅନୁଭବ ହୁଏ ପିପିଲି ରାସ୍ତାରେ ଗାଡିରେ ଆସିବା ସମୟରେ ମୁଁ ସେମିତି ଅନୁଭବ କଲି । ପିପିଲି ରାସ୍ତାରେ ଆସିଲେ ରାଜସ୍ଥାନର ଓଟ ପିଠିରେ ବସିବାର ଅନୁଭବ ମିଳୁଛି ବୋଲି ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂହଦେଓ ଆକ୍ଷେପ କରି କହିଛନ୍ତି ।
ପିପିଲିର ଉନ୍ନତି କିପରି ହେବ ସେନେଇ ପୂର୍ବତନ ବିଧାୟକଙ୍କର କୋଣସି ରୋଡ ମ୍ୟାପ ନଥିଲା । ପିପିଲିବାସୀ ବାରମ୍ବାର ଭୋଟ ଦେଉଛନ୍ତି, କିନ୍ତୁ ସେମାନେ ବିକାଶ ଧାରାରେ ସାମିଲ ହୋଇପାରୁନାହାଁନ୍ତି । କେବଳ ନିର୍ବାଚନ ସମୟରେ ଶାସକ ଦଳ ବଡ ବଡ ପ୍ରତିଶୃତି ଦେଇଥାଏ କିନ୍ତୁ ନିର୍ବାଚନ ସରିଗଲେ ‘ଯଥା ପୂବଂ ତଥା ପରଂ’ ଭଳି ଆଚରଣ ଦେଖାଏ ବୋଲି ଶ୍ରୀ ସିଂହଦେଓ ଅଭିଯୋଗ କରିଛନ୍ତି ।
ଗତ ୨୫ ବର୍ଷ ଧରି ଶାସକ ବିଜେଡିର ନେତା ଦିବଙ୍ଗତ ପ୍ରଦୀପ ମହାରଥୀ ପିପିଲିରେ ଯେଉଁ ଭଳି ବିକାଶ କରିବା କଥା ସେପରି କରିନାହାଁନ୍ତି । କେନ୍ଦ୍ର ସରକାର ବ୍ୟାପକ ଅର୍ଥ ପଠାଉଥିଲେ ମଧ୍ୟ ପିପିଲିବାସୀଙ୍କ ପାଖରେ ପହଂଚାଇବାରେ ବିଜେଡି ବାଧକ ସାଜିଛି । ଗତ ୨୦୧୯ ଫନିିବାତ୍ୟାରେ ପୁରୀ ଜିଲ୍ଲାର ପିପିଲି-ଡେଲାଙ୍ଗ ନିର୍ବାଚନମଣ୍ଡଳୀ ସବୁଠୁ ଅଧିକ କ୍ଷତିଗ୍ରସ୍ତ ହୋଇଥିଲା । ବାତ୍ୟା ପୂର୍ବରୁ ଏବଂ ପରେ କେନ୍ଦ୍ରରୁ ମୋଦି ସରକାର ପ୍ରଚୁର ମାତ୍ରାର ଆର୍ଥିକ ସହାୟତା ପ୍ରଦାନ କରିଥିଲେ । ଫନି ବାତ୍ୟାକୁ ୨ ବର୍ଷ ବିତିଲା ପରେ ମଧ୍ୟ ବାତ୍ୟା କ୍ଷତିଗ୍ରସ୍ତ ଲୋକଙ୍କ ପାଖରେ ସହାୟତା ନପହଂଚିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ଶ୍ରୀ ସିଂହଦେଓ ଅଭିଯୋଗ କରିଛନ୍ତି ।
ଶ୍ରୀ ସିଂହଦେଓ ପିପିଲି-ଡେଲାଙ୍ଗ ନିର୍ବାଚନମଣ୍ଡଳୀର ବିଭିନ୍ନ ଗ୍ରାମ ପଂଚାୟତ ବୁଲି ଦଳୀୟ ପ୍ରାର୍ଥୀ ଶ୍ରୀ ଆଶ୍ରିତ ପଟ୍ଟନାୟକଙ୍କ ସପକ୍ଷରେ ପଦ୍ମ ଫୁଲ ଚିହ୍ନରେ ଭୋଟ ଦେବା ପାଇଁ ଅନୁରୋଧ କରିଥିଲେ । ପିପିଲିବାସୀ ଶ୍ରୀ ସିଂହଦେଓଙ୍କୁ ଫୁଲ ଚନ୍ଦନ ଦେଇ ସ୍ୱାଗତ କରିବା ସହ ମୋଦିଜୀଙ୍କ ବିକାଶଧାରାରେ ନିଜକୁ ସାମିଲ କରାଇବେ ବୋଲି ପ୍ରତିଶୃତି ଦେଇଥିଲେ । ଏହି ପ୍ରଚାର ସମୟରେ ପୂର୍ବତନ ମନ୍ତ୍ରୀ ସୁରମା ପାଢୀଙ୍କ ସମେତ ସ୍ଥାନୀୟ ନେତୃବୃନ୍ଦ ଓ ବିଜେପି କାର୍ଯ୍ୟକର୍ତା ପ୍ରମୁଖ ଉପସ୍ଥିତ ଥିଲେ ।