ଖଇରା : ବାଲେଶ୍ୱର ଜିଲା ଖଇରା ବ୍ଲକ ଶ୍ୟାମସୁନ୍ଦରପୁର ଗ୍ରାମ ପଞ୍ଚାୟତ ଅଧୀନ ଶ୍ରୀରାମପୁର ଅଙ୍ଗନୱାଡି କେନ୍ଦ୍ର ଅଧୀନରେ ୯ ପରିବାର ରେ ଖାଦ୍ୟାଭାବ ଦେଖା ଦେଇଥିବା ବେଳେ ସେମାନଙ୍କ ପାଖରେ ପ୍ରଶାସନ ପହଞ୍ଚିନାହିଁ । ତୁରନ୍ତ ସେମାନଙ୍କ ପାଇଁ ରନ୍ଧାଖାଦ୍ୟର ବ୍ୟବସ୍ଥା କରିବାକୁ ଗ୍ରାମବାସୀ ମାନେ ଦାବୀ କରିଛନ୍ତି ।
ଶ୍ୟାମସୁନ୍ଦରପୁର ପଞ୍ଚାୟତର ଶ୍ରୀରାମପୁର ଗ୍ରାମର ବିଶ୍ୱନାଥ ସାହୁ,ଭଗବାନ ପାତ୍ର,ଦୟାନିଧି ପାତ୍ର,ଜୟନ୍ତ ଦାସଙ୍କ ସମେତ ୯ପରିବାର ଦୈନିକ ମଜୁରୀ ଲାଗି ଗୁଜୁରାଣ ମେଣ୍ଟାଉଥିବା ବେଳେ ଏବେ ପରିବାରରେ ଖାଦ୍ୟାଭାବ ଏହି ପରିବାର ଗୁଡିକୁ ଚିନ୍ତାରେ ପକାଇଛି । ଏ ସମ୍ପର୍କରେ ବିଡିଓ ଦେବେନ୍ଦ୍ର ପ୍ରସାଦ ବଳଙ୍କୁ ଯୋଗାଯୋଗ କରିବାରେ ସମସ୍ତଙ୍କୁ ରେସନକାର୍ଡ ରେ ୩ମାସର ଖାଉଟିସାମଗ୍ରୀ ପ୍ରଦାନ କରାଯାଇଛି । ଯଦି ଆବଶ୍ୟକ ପଡେ ତେବେ ତାଙ୍କ ପାଇଁ ଖାଦ୍ୟର ବ୍ୟବସ୍ଥା କରାଯିବ ବୋଲି କହିଛନ୍ତି । ଫଟୋ-ଖଇରା୪-ଭୋକ ଉପାସରେ ଥିବା ପରିବାର
