ମହାକାଳପଡ଼ା : ୨୮/0୯ କେନ୍ଦ୍ରାପଡା ଜିଲ୍ଲା ମହାକାଳପଡ଼ା ବ୍ଲକ ଜମ୍ବୁ ସାମୁଦ୍ରିକ ଥାନା ଅଧୀନ ଖରିନାସି ଜେଠିରୁ ବୁଧବାର ରାତ୍ରିରେ ଅନ୍ନପୂର୍ଣ୍ଣା ବୋଟ ଚୋରି ହୋଇଯାଇଥିଲା l ଖବରପାଇ ବୋଟ ସଙ୍ଘ ର ଅନ୍ୟ ବୋଟ କର୍ମଚାରୀ ମାନଙ୍କ ସହାୟତା ରେ ଚୋରି ହୋଇଥିବା ବୋଟ ଓ ଚୋର କୁ ଗୁରୁବାର ସୁଦୂର ଧାମରା ମୁହାଣରୁ ଜବତ କରାଯାଇଛି l ଜବତ ଚୋର ଓ ବୋଟ ଉଭୟ କୁ ଖରିନାସି ବୋଟ ଜେଠି କୁ ଅଣାଯାଇଛି l ଉଲ୍ଲେଖ ଥାଉକି ଚୋର ତିନି ଜଣ ଚୋରି ବୋଟ ର ଷ୍ଟାଫ ଓ ସେମାନଙ୍କ ଘର ବାହାର ରାଜ୍ୟର ବୋଲି ଜଣାପଡିଛି l ଏଭଳି ଘଟଣା ପରେ ଜମ୍ବୁ, ରାମନଗର, ବତୀଘର, ଶାସନପେଟା ଜେଠି ଆଦିରେ ରହଣି କରୁଥିବା ବୋଟ ମାଲିକ ଓ ଷ୍ଟାଫ ମାନଙ୍କ ଭିତରେ ଭୟ ସୃଷ୍ଟି ହୋଇଛି l ଖରିନାସି ଜେଠିରେ ଶତାଧିକ ବୋଟ ଫିସିଂ ବ୍ୟାନ ସମୟରେ ଓ ମାଛଧରି ଫେରିବା ରେ ରହଣି କରିଥାନ୍ତି l ଅଧିକାଂଶ ସ୍ଥାନୀୟ ବୋଟ ଷ୍ଟାଫ ରାତିରେ ଘରେ ବିଶ୍ରାମ କରୁଥିବା ବେଳେ ଅଳ୍ପ କିଛି ବାହାର ଷ୍ଟାଫ ଜେଠିରେ ରହିଥିବା ବୋଟ ରେ ବିଶ୍ରାମ କରିଥାନ୍ତି l ରହଣି ସମୟରେ ବୋଟ ର ସୁରକ୍ଷା ନେଇ ମାଲିକ ଓ ଷ୍ଟାଫ ଉଭୟ ପ୍ରଶ୍ନ ଉଠାଇଛନ୍ତି l
