ଗୋପ : ଗୋପ ଥାନା ଅନ୍ତର୍ଗତ ରାହଁଗୋରଡ଼ା ପଂଚାୟତର ଏକ ଗ୍ରାମରେ ଜଣେ ମାନସିକ ଅନଗ୍ରସର ଯୁବତୀଙ୍କୁ ଦୁଷ୍କର୍ମ ହୋଇଥିବା ନେଇ ଦୁଷ୍କର୍ମର ଶିକାର ହିଇଥିବା ଯୁବତୀଙ୍କ ବାପା ଗୋପ ଥାନାରେ ଅଭିଯୋଗ କରିଛନ୍ତି। ଅଭିଯୋଗ କୁ ଭିତ୍ତିକରି ଗୋପ ପୋଲିସ ପକ୍ଷରୁ ଥାନାରେ କେଶ ନମ୍ବର ୩୮୩/୨୦୨୩ ରେ ମାମଲା ରୁଜୁ ହେବାସହ ପୁରୀ ଜିଲ୍ଲା ସଦର ଡି ଏସ ପି ତାରା ଗୁରିଆ ତଦନ୍ତ କରୁଥିବା ଗୋପ ଥାନା ଅଧିକାରୀ ମହେଶ୍ୱର ସେଠୀ କହିଛନ୍ତି।ଅଭିଯୋଗ ଅନୁସାରେ ଦୁଷ୍କର୍ମର ଶିକାର ହିଇଥିବା ଯୁବତୀ ଜଣକ ମାନସିକ ଅନଗ୍ରସର ହୋଇଥିବାବେଳେ ସେ କଥା କହିପାରୁନଥିବା ବେଳେ ଶୁଣି ପାରନ୍ତି ନାହିଁ।ତେବେ ଉକ୍ତ ଯୁବତୀ ଜଣଙ୍କ କେବଳ ପଟୋ ଦେଖି ଅଭିଯୁକ୍ତ ସିଲୁ ନାୟକଙ୍କୁ ଚିହ୍ନିଟ କରିଥିବା ପରିବାର ପକ୍ଷରୁ ଗୋପ ଥାନାରେ ଅଭିଯୋଗ କରିଛନ୍ତି।ତେବେ ଉକ୍ତ ଯୁବତୀ ଜଣକ ୮ ମାସର ଗର୍ଭବତୀ ଥିବା ବେଳେ ପରିବାର ଲୋକେ ଜାଣିବା ପରେ ଗାଁ ସଭାପତିଙ୍କୁ ଜଣାଇଥିଲେ।ଗାଁରେ କୌଣସି ସମାଧାନ ନହେବାରୁ ଗୋପ ପୋଲିସ ସହାୟତାରେ ପରିବାର ଲୋକେ ଯୁବତୀଙ୍କୁ ପୁରୀ ସୁଧାର ଗୃହରେ ଛାଡିଥିଲେ।ଏବେ ଯୁବତୀ ଜଣଙ୍କ ଗୋଟିଏ କନ୍ୟା ସନ୍ତାନ ଜନ୍ମ ଦେଇଛନ୍ତି।ତେବେ ପୁରୀ ଜିଲ୍ଲା ସଦର ଡି ଏସ ପି ତାରା ଗୁରିଆ ତଦନ୍ତ କରୁଥିବା ବେଳେ ଅଭିଯୁକ୍ତ ସିଲୁ ନାୟକ ଫେରାର ଥିବା ଗୋପ ଥାନା ଅଧିକାରୀ ମହେଶ୍ୱର ସେଠୀ କହିଛନ୍ତି।
