ଦୀପାବଳୀ ଦିନ ମାତା ଲକ୍ଷ୍ମୀଙ୍କ ସହିତ ଭଗବାନ ବିଷ୍ଣୁଙ୍କ ପୂଜା କାହିଁକି ହୁଏ ନାହିଁ, ଜାଣନ୍ତୁ କଣ ରହିଛି ଏହା ପଛର ରହସ୍ୟ

ଏମିତିରେ ଦେବୀ ଦେବତାଙ୍କୁ ପ୍ରାୟ ସବୁଦିନ ପୂଜା କରାଯାଇଥାଏ l କିନ୍ତୁ ସେମାନଙ୍କ ନାମରେ ସମର୍ପଣ ହୋଇଥିବା ଦିନରେ ବିଶେଷ ପୂଜା କରାଯାଇ ଥାଏ l କୁହାଯାଏ ଯେ ଭଗବାନ ଶୀଘ୍ର ପ୍ରସନ୍ନ ହୋଇ ଥାଆନ୍ତି ଓ ସମସ୍ତ ମନ ସ୍କାମନା ପୂରଣ କରନ୍ତି l ସେହିଭଳି ଦୀପାବଳୀ ଦିନ ମାତା ଲକ୍ଷ୍ମୀଙ୍କୁ ପୂଜା କରାଯାଇ ଥାଏ l ଦୀପାବଳୀ କୁ ଅନ୍ଧକାର ଉପରେ ଆଲୋକର ବିଜୟ ପର୍ବ ବୋଲି କୁହାଯାଏ l ମାନ୍ୟତା ରହିଛି ଯେ ଦୀପାବଳୀ ଦିନ ମାତା ଲକ୍ଷ୍ମୀଙ୍କୁ ପୂଜା କରିବା ଦ୍ୱାରା ବର୍ଷ ସାରା ଜୀବନରେ ସଫଳତା ଓ ଉନ୍ନତି ମିଳିଥାଏ l ଏହିଦିନ ଲକ୍ଷ୍ମୀଙ୍କ ସହିତ ଅଗ୍ରଦେବ ଗଣପତିଙ୍କୁ ମଧ୍ୟ ପୂଜା ଅର୍ଚନା କରାଯାଏ l

କାହିଁକି ଦୀପାବଳୀ ଦିନ ମାତା ଲକ୍ଷ୍ମୀଙ୍କ ସହିତ ଭଗବାନ ବିଷ୍ଣୁଙ୍କୁ ପୂଜା କରାଯାଏ ନାହିଁ –
ଦୀପାବଳୀ ଦିନ ପ୍ରଭୁ ଶ୍ରୀହରି ଙ୍କୁ ମାତା ଲକ୍ଷ୍ମୀଙ୍କ ସହିତ ପୂଜା କରାଯାଏ ନାହିଁ l ବିଶେଷ ଭାବରେ କାର୍ତିକ ମାସରେ ବିଷ୍ଣୁଙ୍କୁ ପୂଜା କରାଯାଇଥାଏ , କିନ୍ତୁ ଦୀପାବଳୀ ଦିନ ମାତା ଲକ୍ଷ୍ମୀଙ୍କୁ କେବଳ ପୂଜା କରାଯାଏ l କାରଣ ସ୍କନ୍ଦ ପୁରାଣ ଅନୁସାରେ ଦୀପାବଳି ଦିନ ବିଶେଷ ଭାବରେ ଧନ ସମ୍ପତି ପାଇଁ ମା ଲକ୍ଷ୍ମୀଙ୍କୁ ତାଙ୍କ ପୂଜା କରି ଥାଆନ୍ତି , କିନ୍ତୁ ବିଷ୍ଣୁ ହେଲେ ସର୍ବ ବ୍ୟାପି ସର୍ବ ଦୁଃଖର ବିନାଶକ, ପୌରାଣିକ ମାନ୍ୟତା ଅନୁସାରେ ଏହିଦିନ ଧନର ସମୃଦ୍ଧି ପାଇଁ ଲକ୍ଷ୍ମୀଙ୍କ ଆରାଧନା କରାଯିବା ସମୟରେ ଦୁଃଖ ଓ କଷ୍ଟ ବିଷୟରେ ଚିନ୍ତା କରାଯାଏ ନାହିଁ l କିନ୍ତୁ କାର୍ତିକ ପୁର୍ଣିମା ଦିନ ସର୍ବ ପ୍ରଥମେ କାର୍ତିକ ଙ୍କୁ ପୂଜା କରିବା ପରେ ବିଷ୍ଣୁ ଲକ୍ଷ୍ମୀଙ୍କୁ ପୂଜା କରାଯାଇ ଥାଏ l

ଦୀପାବଳୀ ଦିନ ଏହିଭଳି କରାଯାଏ ବିଶେଷ ପୂଜା –
ଏହିଦିନ ଭଗବାନ ଗଣେଶ ଓ ମା ଲକ୍ଷ୍ମୀଙ୍କ ସହିତ ଧନର ଦେବତା କୁବେର, ମାତା କାଳୀ ଓ ମା ସରସ୍ୱତୀଙ୍କୁ ମଧ୍ୟ ପୂଜା କରାଯାଇଥାଏ l ଏହିଦିନ ଅମାବାସ୍ୟା ରହିଥିବା କାରଣରୁ ଯମ ଦେବଙ୍କୁ ବିଶେଷ ଭାବରେ ପୂଜା କରାଯାଏ l
-ମାନ୍ୟତା ରହିଛି ଯେ ଏହିଦିନ ଶ୍ରୀ ଗଣେଶଙ୍କୁ ପୂଜା କରାଗଲେ ସମସ୍ତ ବିଘ୍ନ ଦୂର ହୋଇଥାଏ l ଗଣେଶଙ୍କ ନିକଟରେ ଗୋଟା ନଡ଼ିଆ ଅର୍ପଣ କରାଯାଏ l
– ଦୀପାବଳୀ ଦିନ ଲକ୍ଷ୍ମୀଙ୍କ ନିକଟରେ ଦୁଗ୍ଧରେ ତିଆରି ବିଶେଷ ମିଷ୍ଟାନ୍ନ ଅର୍ପଣ କରାଯାଏ l କାରଣ ଲକ୍ଷ୍ମୀ ସନ୍ତୁଷ୍ଟ ହୋଇ ଆଶୀର୍ବାଦ ଅର୍ପଣ କରି ଥାଆନ୍ତି l ତା ସହିତ କଉଡ଼ି ମଧ୍ୟ ଅର୍ପଣ କରାଯାଏ l
– ଦୀପାବଳୀ ଦିନ କୁବେରଙ୍କ ନିକଟରେ ଧାନ ଓ ଚାଉଳର ପୂର୍ଣ୍ଣ ପାତ୍ର ଅର୍ପଣ କରାଯାଏ l ଏପରି କଲେ ବର୍ଷ ଯାକ ଶସ୍ୟର ବୃଦ୍ଧି ହୋଇଥାଏ l
– ମା କାଳୀଙ୍କର ଏହିଦିନ ବିଧିବଧ ଭାବରେ ପୂଜା କରାଯାଏ l ଏହା କେବଳ ମଧ୍ୟରାତ୍ରର ପୂଜା ହୋଇଥିବା କାରଣରୁ ବ୍ରାହ୍ମଣ ମାନେ ବିଧିବଦ୍ଧ ଭାବରେ କରି ଥାଆନ୍ତି l
– ଜ୍ଞାନର ଦେବୀ ମାତା ସରସ୍ବତୀଙ୍କ ନିକଟରେ ଲେଖନୀ ଅର୍ପଣ କରାଯାଏ l ଏପରି କରିବା ଦ୍ୱାରା ଅଜ୍ଞାନର ଅନ୍ଧକାରାରୁ ଜୀବନ ଦୁରେଇ ଯାଇଥାଏ l