ଦାନଗଦି, ତା ୨୩/୯ : ଓଡିଶାର ପାରାଦୀପ ବନ୍ଦରରେ ଏକ ଉତ୍ସର୍ଗୀକୃତ କଣ୍ଟେନର ଟର୍ମିନାଲର ବିକାଶରେ ରାଜ୍ୟକୁ ୨୦,୦୦୦ କୋଟି ଟଙ୍କାର ବ୍ୟବସାୟ ଆଣିବାର କ୍ଷମତା ରହିଛି ବୋଲି ଜିନ୍ଦଲ ଷ୍ଟେନଲେସର ଲଜିଷ୍ଟିକ୍ସ ମୁଖ୍ୟ ଶ୍ରୀ ଭେଙ୍କଟେଶ୍ଵର ରାଓ ଗତକାଲି ଲଜିଷ୍ଟିକ୍ ସମ୍ମିଳନୀକୁ ସମ୍ବୋଧିତ କରିବାବେଳେ କହିଛନ୍ତି। ବର୍ତ୍ତମାନ ଏହି ବ୍ୟବସାୟ ଆନ୍ଧ୍ରପ୍ରଦେଶ ଏବଂ ପଶ୍ଚିମବଙ୍ଗକୁ ଯାଉଅଛି।
କାର୍ଗୋ ଭଲ୍ୟୁମ୍ ଅନୁସାରେ ଓଡ଼ିଶା ଦେଶର ତୃତୀୟ ବୃହତ୍ତମ ବନ୍ଦର ପ୍ରଦେଶ ହୋଇଥିଲେ ମଧ୍ୟ ଏକମାତ୍ର ରାଜ୍ୟ ହୋଇ ରହିଛି ଯାହାର ଏକ ଉତ୍ସର୍ଗୀକୃତ କଣ୍ଟେନର ଟର୍ମିନାଲ୍ ନାହିଁ ଏବଂ ପଡ଼ୋଶୀ ରାଜ୍ୟ ଆନ୍ଧ୍ରପ୍ରଦେଶ ଓ ପଶ୍ଚିମବଙ୍ଗ ଉପରେ ନିର୍ଭର କରୁଛି।ବର୍ତ୍ତମାନ ବିଶାଖାପାଟଣା ବନ୍ଦର ଓଡିଶାର ୪୦-୪୫% ମାଲଗୁଡିକର ନିୟନ୍ତ୍ରଣ କରୁଛି।
ଷ୍ଟେନଲେସ ଷ୍ଟିଲ ଇଣ୍ଡଷ୍ଟ୍ରିର ଅଗ୍ରଣୀ ସଂସ୍ଥା, ଜିନ୍ଦଲ ଷ୍ଟେନଲେସ ଲିମିଟେଡ ତରଫରୁ ଶ୍ରୀ ଭେଙ୍କଟେଶ୍ଵର ରାଓ ଓ ତାଙ୍କର ଟିମ, କନଫେଡେରେସନ୍ ଅଫ୍ ଇଣ୍ଡିଆନ୍ ଇଣ୍ଡଷ୍ଟ୍ରି (ସି ଆଇ ଆଇ)ଦ୍ୱାରା ଆୟୋଜିତ ଲଜିଷ୍ଟିକ୍ ସମ୍ମିଳନୀରେ ଅଂଶଗ୍ରହଣ କରି ଏହି ଚ୍ୟାଲେଞ୍ଜ ଉପରେ ଆଲୋକପାତ କରିଥିଲେ। ସେପ୍ଟେମ୍ବର ୨୨ ୨୦୨୩ ରେ ଅନୁଷ୍ଠିତ ଏହି ଶିଖର ସମ୍ମିଳନୀରେ ବାଣିଜ୍ୟ ଓ ପରିବହନ ମୁଖ୍ୟ ସଚିବ, ଶ୍ରୀମତୀ ଉଷା ପାଢୀ,ଗତିଶକ୍ତି ବିଭାଗର ମୁଖ୍ୟ କାର୍ଯ୍ୟନିର୍ବାହୀ ନିର୍ଦ୍ଦେଶକ (ପି ଇ ଡି)ଶ୍ରୀ ଅନିଲ କେ ଖଣ୍ଡେଲୱାଲ,ଏବଂ ଚେୟାରମ୍ୟାନ୍ ପାରାଦୀପ ପୋର୍ଟ ଟ୍ରଷ୍ଟ ଶ୍ରୀ ପି ଏଲ୍ ହାରାନାଦ ପ୍ରମୁଖ ଯୋଗ ଦେଇଥିଲେ।ସର୍ବଦା ବିକାଶଶୀଳ ଲଜିଷ୍ଟିକ୍ ଦୃଶ୍ୟପଟ୍ଟରେ ଉଚ୍ଚ ଅଭିବୃଦ୍ଧି ବଜାୟ ରଖିବା ପାଇଁ କାର୍ଯ୍ୟକ୍ଷମ ଉତ୍କର୍ଷତା ଏବଂ ରଣନୀତିର ଆବଶ୍ୟକତାକୁ ଆଲୋକିତ କରିବାର ଉଦ୍ଦେଶ୍ୟ ସହିତ ଏହି ସମ୍ମିଳନୀର ଆୟୋଜନ ହୋଇଥିଲା।
ଜଣେ ବିଶିଷ୍ଟ ପ୍ୟାନେଲିଷ୍ଟ ଭାବରେ ଜିନ୍ଦଲ ଷ୍ଟେନଲେସର ଲଜିଷ୍ଟିକ୍ସ ବିଭାଗର ମୁଖ୍ୟ, ଶ୍ରୀ ଭେଙ୍କଟେଶ୍ଵର ରାଓ,ଏକ କଣ୍ଟେନର ଟର୍ମିନାଲର ବିକାଶ ପ୍ରସ୍ତାବ ଉପରେ ମନ୍ତବ୍ୟ ଦେଇ କହିଥିଲେ ଯେ ପାରାଦୀପରେ ଏକ କଣ୍ଟେନର ଟର୍ମିନାଲ ପ୍ରତିଷ୍ଠା ଉତ୍ତମ ଉତ୍ସ ବ୍ୟବହାରକୁ ସହଜ କରିବ, ନିଷ୍କ୍ରିୟ ସମୟ ହ୍ରାସ କରିବ, ଲାଭଦାୟକତା ବୃଦ୍ଧି କରିବ ଏବଂ ନିଯୁକ୍ତି ସୁଯୋଗ ସୃଷ୍ଟି କରିବ। ଅଧିକନ୍ତୁ ଦେଶର ନେଟ ଜିରୋ ଲକ୍ଷ୍ୟରେ ତାଳ ମିଳାଇ ପରିବେଶ ଅନୁକୂଳ ପରିବହନ ଗ୍ରହଣ କରିବା ଦ୍ୱାରା ଅଙ୍ଗାରକାମ୍ଳ ନିର୍ଗମନରେ ମଧ୍ୟ ଉଲ୍ଲେଖନୀୟ ୪୦୦% ହ୍ରାସ ଘଟିବ ।
ଜାତୀୟ ସ୍ତରରେ ଓଡିଶାର ରପ୍ତାନି ଅଂଶ ଗତ ପାଞ୍ଚ ବର୍ଷ ମଧ୍ୟରେ ୨.୨% ରୁ ୪.0% କୁ ବୃଦ୍ଧି ପାଇଛି । ଆର୍ଥିକ ବର୍ଷ ୨୦୨୧ରେ, ପାରାଦୀପ ବନ୍ଦରରେ ଓଡିଶା ଏବଂ ବିହାର ଓ ଝାଡ଼ଖଣ୍ଡ ଭଳି ଲ୍ୟାଣ୍ଡଲକ ରାଜ୍ୟଗୁଡିକର କଣ୍ଟେନର ଟ୍ରାଫିକ ମାତ୍ର ୭% ରହିଥିଲା, ଯାହାକି ପାରାଦୀପ ବନ୍ଦରରେ ଥିବା ବିରାଟ ସମ୍ଭାବନାକୁ ଦର୍ଶାଉଛି।ଦେଶର ଏକ ପ୍ରମୁଖ ଧାତୁ ଉତ୍ପାଦନ ହବ୍ ଭାବରେ ପୂର୍ବ ଭାରତର ବିଶେଷ କରି ଓଡିଶାର ଆବିର୍ଭାବ ସହିତ ଏହି ଅଭିବୃଦ୍ଧିକୁ ସମର୍ଥନ ତଥା ସୁଦୃଢ କରିବା ପାଇଁ ପାରାଦୀପରେ ଏକ କଣ୍ଟେନର ଟର୍ମିନାଲ ପ୍ରତିଷ୍ଠା ଜରୁରୀ ହୋଇପଡିଛି।
ଉଲ୍ଲେଖଯୋଗ୍ୟ ଇଣ୍ଡିଆନ୍ ରପ୍ତାନି ଫେଡେରେସନ୍ ସଂଗଠନ ହାଇଲାଇଟ୍ କରିଛି ଯେ ଲଜିଷ୍ଟିକ୍ ଖର୍ଚ୍ଚରେ ୧୦% ହ୍ରାସ ରପ୍ତାନିକୁ ୫% ବୃଦ୍ଧି କରିପାରିବ। ତେଣୁ ପାରାଦୀପରେ ଏକ ଉତ୍ସର୍ଗୀକୃତ କଣ୍ଟେନର ଟର୍ମିନାଲର ବିକାଶ କେବଳ ଜିନ୍ଦଲ ଷ୍ଟେନଲେସ ଏବଂ ଓଡିଶା ରାଜ୍ୟ ପାଇଁ ନୁହେଁ ବରଂ ସମଗ୍ର ଦେଶର ଲଜିଷ୍ଟିକ୍ସ ଇକୋସିଷ୍ଟମ ପାଇଁ ଲାଭଦାୟକ ହେବ ଓ ଆତ୍ମନିର୍ଭର ଭାରତ ନିର୍ମାଣର ସାମୂହିକ ଲକ୍ଷ୍ୟରେ ସହାୟକ ହେବ।
