ନୂଆଦିଲ୍ଲୀ : କରୋନା ମହାମାରୀ ଦ୍ଵାରା ସାରା ବିଶ୍ବ ପ୍ରଭାବିତ । ବିଶ୍ବର ସବୁଠୁ ପ୍ରଭାବଶାଳୀ ଦେଶ ମଧ୍ୟ ଏଥିରୁ ବାଦ୍ ପଡ଼ିନାହିଁ । କାରୋନା ଠାରୁ ଜୟ ଲାଭ କରିବା ପାଇଁ ସମସ୍ତେ ଟିକା ନେଇଛନ୍ତି । ଆମେରିକାରେ ମଧ୍ୟ ଟୀକାକରଣ ପ୍ରକ୍ରିୟାକୁ ବଢ଼ାଇବା ପାଇଁ ବିଭିନ୍ନ ଅଭିଯାନ ଆରମ୍ଭ କରାଯାଉଛି ।
ମିଳିଥିବା ଗଣମାଧ୍ୟମ ଖବର ଅନୁସାରେ ଆମେରିକାର ୱସିଂଟନ ରେ ଟୀକାକରଣ ପାଇଁ ଅଦ୍ଭୁତ ଅଭିଯାନ ଆରମ୍ଭ ହୋଇଛି । ଯିଏ ଟିକା ନେବ ତାକୁ ଫ୍ରି ରେ ଗଞ୍ଜେଇ ଟାଣିବାକୁ ଦିଆଯିବ । ଜଣା ପଡ଼ିଛି ଯେ ଗତ କିଛିଦିନ ହେଲାଣି ଆମେରିକାରେ ଟୀକାକରଣ ମନ୍ଥର ଗତି ରେ ଚାଲି ଥିବାରୁ ଏପରି ପଦକ୍ଷେପ ନିଆଯାଇଛି ।
ୱାଶିଂଟନ୍ ରେ ୨୦୧୨ରୁ ଗଞ୍ଜେଇ ଉପରେ ରୋକ୍ ଲଗାଯାଇଛି । ତେଣୁ ବର୍ତ୍ତମାନ୍ ଏହି ପଦକ୍ଷେପ ଦ୍ବାରା କୁହାଯାଇଛି ଯେ ୨୧ବର୍ଷରୁ ଉର୍ଦ୍ଧ ଯେ କୌଣସି ବ୍ୟକ୍ତି ଯଦି ଟିକା ନେବେ ତେବେ ତାଙ୍କୁ ଫ୍ରି ରେ ଲୋଡେ଼ଡ୍ ଗଞ୍ଜେଇ ଚିଲମ୍ ଦିଆଯିବ ।
ବୟସ୍କ ମାନଙ୍କ ପାଇଁ ୬ସପ୍ତାହ ମଧ୍ୟ ରେ ଟିକା ନେଲେ ଫ୍ରି ରେ ଗୋଟିଏ ବିଅର୍ ଦେବାର ଅଫର୍ ମଧ୍ୟ ଦିଆଯାଇଛି । ଆମେରିକାର କିଛି ରାଜ୍ୟରେ ମାଗଣା ବିମାନ ଟିକେଟ , ଖେଳ ଟିକେଟ ଓ ଟଙ୍କା ମଧ୍ୟ ଉପହାର ଭାବରେ ଦିଆ ହେଇଛି ।
Comments are closed.