ନିଜ ପିଲାମାନଙ୍କ ମଧ୍ୟରେ ଯଦି ଦେଖୁଛନ୍ତି ଏହି ୫ଟି ପରିବର୍ତନ, ତେବେ ତୁରନ୍ତ ନିଜ ସନ୍ତାନ ମାନଙ୍କୁ କରନ୍ତୁ ଆକଟ

ପରିପାର୍ଶ୍ଵିକ ପରିସ୍ଥିତି ସର୍ବଦା ମଣିଷ ମାନଙ୍କ ଜୀବନ ଶୈଳୀ ଉପରେ ପ୍ରଭାବ ପକାଇଥାଏ, ତେଣୁ ସେହିଭଳି ଛୋଟ ପିଲାଙ୍କ ଜୀବନ ଉପରେ ମଧ୍ୟ ପରିପାର୍ଶ୍ଵିକ ପରିସ୍ଥିତି ର ପ୍ରଭାବ ପଡିଥାଏ l ସ୍କୁଲ୍, ପଡୋଶୀ, କୋଚିଂ କିମ୍ବା ପବ୍ଲିକ ପ୍ଲେସ, ଏହି ସମସ୍ତ ସ୍ଥାନକୁ ପିଲାମାନେ ଯାଇ ଥାଆନ୍ତି l ସାଧାରଣ ଭାବରେ ଦେଖା ଯାଉଛି ଯେ ଆଜିକାଲି ପିତାମାତା ନିଜ କର୍ମ ବହୁଳ ଜୀବନ ରେ ନିଜ ପିଲାମାନଙ୍କୁ ଠିକ ଭାବରେ ସମୟ ଦେଇ ପାରୁ ନାହାନ୍ତି l

ଏଭଳି ସ୍ଥିତିରେ ପିଲାମାନଙ୍କ ଅବାଟକୁ ଯିବାର ସମ୍ଭାବନା ବଢି ଯାଇଥାଏ l ଯେତେବେଳେ ଆମେ ଛୋଟ ପିଲାଙ୍କୁ ଧ୍ୟାନ ଦେଇ ନଥାଉ ସେମାନେ ଖରାପ ବ୍ୟବହାର କରିବାକୁ ଭୁଲି ନଥାଆନ୍ତି l ରାଗିଯାଇ ହାତ ଉଠାଇବାକୁ ଭୁଲନ୍ତି ନାହିଁ, ଆମେ କିନ୍ତୁ ଆରମ୍ଭରେ ଏହାକୁ ଅଣଦେଖା କରି ଦେଇଥାଉ l

ଏହିସବୁ ପରିବର୍ତନ କୁ ଆପଣ ଅଣଦେଖା କରନ୍ତୁ ନାହିଁ –

– କୁଭାଷା ପ୍ରୟୋଗ କରିବା :
ଯଦି ଘରେ ପିଲାମାନେ କୁଭାଷା ପ୍ରୟୋଗ କରିଥାଆନ୍ତି , ତେବେ ବୁଝି ନିଅନ୍ତୁ ଯେ ତାର ସଙ୍ଗ ଦୋଷ ଖରାପ ହୋଇସାରିଛି l ଏପରି ଅନେକ ସମୟରେ ଦେଖା ଯାଇଥାଏ ଯେ ଘରେ ବଡ଼ମାନେ ମଧ୍ୟ କୁଭାଷା ପ୍ରୟୋଗ କରିଥାଆନ୍ତି l  ତେଣୁ ପିଲାମାନେ ସେହି ଭାଷା କୁ ବ୍ୟବହାର କରିଥାଆନ୍ତି l ତେଣୁ ଘରର ବାତାବରଣ କୁ ଠିକ କରନ୍ତୁ l

– ଘରେ ମରାପିଟା ହେଲେ :
ଏଭଳି ଅନେକ ସମୟରେ ହୋଇଥାଏ , ପିଲାମାନେ ନିଜ ଘରେ କିମ୍ବା ପଡିଶା ଘରେ ମାଡ଼ ଗୋଳ ଦେଖିବା ଦ୍ୱାରା ଏହା ସେମାନଙ୍କ ଉପରେ ଖରାପ ପ୍ରଭାବ ପକାଇଥାଏ l
ଏପରି ସ୍ଥିତି ରେ ସର୍ବଦା ଧର୍ଯ୍ୟର ସହିତ ପିଲାଙ୍କୁ ଖରାପ ଓ ଭଲ ମଧ୍ୟରେ ଫରକ ବୁଝାନ୍ତୁ l

– ଅନ୍ୟକୁ ଚିଡ଼େଇବା :
ପିଲାମାନଙ୍କ ଭିତରେ କିଛିଟା ଅଭ୍ୟାସ ଖୁବ ସାଧାରଣ ହୋଇଥାଏ, ଯେପରିକି ଅନ୍ୟକୁ ଚିଡ଼େଇବା l ଏହା ସେମାନେ ଅନ୍ୟ ନିକଟରୁ ଶିଖି ଥାଆନ୍ତି l ଯାହାକି ବାହାରେ ତାଙ୍କୁ ଅଭାଦ୍ରାମୀ ର ପରିଚୟ ଦେଇଥାଏ l

– ଯଦି ପିଲା ଘରୁ ଚୋରି କରୁଛି :
ପିଲାମାନଙ୍କର ସମସ୍ତ ସୁଖସୁବିଧା ପିତାମାତା ବୁଝି ଥାଆନ୍ତି l ତାଙ୍କର ଛୋଟ ବଡ଼ ସମସ୍ତ ଖର୍ଚ୍ଚ ତୁଲାଇ ଥାଆନ୍ତି l କିନ୍ତୁ ବେଳେବେଳେ ଏଭଳି ଦେଖା ଯାଇଥାଏ ପିଲାମାନେ ନିଜର କିଛିଟା ସୁଖ ସୁବିଧା ପାଇଁ ମିଛ କହି ଥାଆନ୍ତି, କିମ୍ବା ତାହାକୁ ପୁରା କରିବା ପାଇଁ ଚୋରି କରି ଥାଆନ୍ତି l ଏହି କଥା ପିଲାମାନେ ବାହାରୁ ଶିଖି ଥାଆନ୍ତି l

– ଅଧିକ ଜିଦିଆ ହେଲେ :
ପିଲାମାନଙ୍କ ଜିଦି ଦ୍ୱାରା ପିତାମାତା ଅତିଷ୍ଟ ହୋଇ ଥାଆନ୍ତି l ଛୋଟ ଛୋଟ କଥାରେ ଜିଦି ଧରି ଘରର ବାତାବରଣ କୁ ଖରାପ କରିଦିଅନ୍ତି l ଏଭଳି ସ୍ଥିତିରେ ପିଲାମାନଙ୍କ ସ୍ୱଭାବରେ ପରିବର୍ତନ ଆଣିବା ପାଇଁ ତାଙ୍କୁ ତାଗିଦ କରିବା ନିହାତି ଆବଶ୍ୟକ l