ବୋରିଗୁମ୍ମା (କେ.ସାକିଲି ଦୋରା) କୋରାପୁଟ ଜିଲ୍ଲାର ୟୁଥ ଫର ଆକ୍ସନ ର ଜିଲ୍ଲା ସଂଯୋଜକ ଜି.ମୋହନ ଦୋରା ଙ୍କ ପ୍ରତକ୍ଷ ତତ୍ୱବାଧାନରେ ସ୍ଥାନୀୟ ଖିଆଲଗୁଡା ଫାର୍ମ ହାଉସ ଠାରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବେ ବୋରିଗୁମ୍ମା ପ୍ରେସ କ୍ଲବ ର ସଭାପତି ବିଜୟ ନାରାୟଣ ସାହୁ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ପ୍ରେସ କ୍ଲବ ର ଅନ୍ୟାନ୍ୟ ସଦସ୍ୟ ଯୋଗ ଦେଇଥିଲେ।
ପ୍ରଥମେ ମୁଖ୍ୟ ଅତିଥି ଶ୍ରୀ ସାହୁ ବୃକ୍ଷ ରୋପଣ କରି ବୃକ୍ଷ ମୂଳରେ ପାଣି ଦେଇଥିଲେ। ପରେ ପ୍ରେସ କ୍ଲବ ର ଅନ୍ୟାନ୍ୟ ସଦସ୍ୟ ମାନେ ବିଭିନ୍ନ ପ୍ରକାର ଗଛ ଯଥା ଚାକୁଣ୍ଡା, ପିଜୁଳି, ଅଁଳା, ଆକାଶିଆ ଓ ଔଷଧ ବୃକ୍ଷ ରୋପଣ କରିଥିଲେ। ଏହି ବୃକ୍ଷ ରୋପଣ କାର୍ଯ୍ୟକ୍ରମ ରେ ପ୍ରେସ କ୍ଲବ ର ଉପ ସଭାପତି କେ.ସାକିଲି ଦୋରା, ସଂଗଠନ ସମ୍ପାଦକ ଏନ.ପିମ୍ପସ କୁମାର, ସହ ସମ୍ପାଦକ ରଂଜନ ମିଶ୍ର, ଶଙ୍କର ମହାନ୍ତି, ପି.ଅନନ୍ତ କୁମାର ପ୍ରମୁଖ ଉପସ୍ଥିତ ଥିଲେ।
