ବିଜେପିର ଜାତୀୟ ମୁଖପାତ୍ର ସମ୍ବିତ ପାତ୍ର ବିବାଦୀୟ ମନ୍ତବ୍ୟ ଦେଇଥିବା ଅଭିଯୋଗ : ସମ୍ବିତ ପାତ୍ରଙ୍କ ନାମରେ ଏତଲା ଦେଲେ କଂଗ୍ରେସ କର୍ମୀ
ରାୟପୁର: ବିଜେପିର ଜାତୀୟ ମୁଖପାତ୍ର ତଥା ୨୦୧୯ ଲୋକସଭା ନିର୍ବାଚନରେ ପୁରୀରୁ ପ୍ରତିଦ୍ବନ୍ଦିତା କରିଥିବା ଡ଼.ସମ୍ବିତ ପାତ୍ରଙ୍କ ନାମରେ ଏତଲା ଦେଲେ ଯୁବ କଂଗ୍ରେସ କର୍ମୀ | ଛତିଶଗଡର ରାୟପୁର କୋଟୱାଲି ପୋଲିସ ଷ୍ଟେସନରେ ଯୁବ କଂଗ୍ରେସ ପକ୍ଷରୁ ସମ୍ବିତ ପାତ୍ରଙ୍କ ନାମରେ ଏତଲା ଦିଆଯାଇଛି | ପାତ୍ରଙ୍କ ବିରୋଧରେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଓ ଜବାହାରଲାଲ ନେହେରୁଙ୍କ ବାବଦରେ ବିବାଦୀୟ ମନ୍ତବ୍ୟ ଦେଇଥିବାର କଂଗ୍ରେସ ପକ୍ଷରୁ ଅଭିଯୋଗ କରାଯାଇଛି | ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଓ ଜବାହାରଲାଲ ନେହେରୁଙ୍କ ସହ କଂଗ୍ରେସ ଦଳ ବିରୋଧରେ ନିଜ ଟ୍ୱିଟରରେ ବିବାଦୀୟ ଟିପ୍ପଣୀ ଦେଇଥିବାର କଂଗ୍ରେସ କର୍ମୀ ଅଭିଯୋଗ କରିଛନ୍ତି |
![]()
Sambit Patra✔@sambitswaraj
नेहरू और राजीव को भ्रष्ट कहने पे ..कांग्रेसियों ने complain किया है ..teacher से ..अभी तो और जलील होना बाक़ी है
नेहरू ने तो कश्मीर समस्या को भी जन्म दिया..न होते नेहरू न होता कश्मीर समस्या
राजीव गांधी ने तो बोफ़ोर्स की चोरी की और ३००० सिखों का क़त्ल भी कराया
जाओ और कम्प्लेन करोhttps://twitter.com/zeerajasthan_/status/1259413453183127555 …
ZEE Rajasthan✔@zeerajasthan_
#Covid19 : @BJP4India के प्रवक्ता @sambitswaraj के ट्वीट पर छिड़ा सियासी संग्राम।@IYC अध्यक्ष @srinivasiyc ने दो पूर्व प्रधानमंत्रियों पर अभद्र टिप्पणी के आरोप में पार्लियामेंट थाना में @DelhiPolice से लिखित शिकायत दर्ज करवाई । @INCRajasthan @danishabrar2016
ଯୁବ କଂଗ୍ରେସ ସଭାପତି ପୂର୍ଣ୍ଣଚନ୍ଦ୍ର ପାଢ଼ୀ ଏତଲାରେ ଦର୍ଶାଇଛନ୍ତି ଯେ ଦୁଇ ପୂର୍ବତନ ପ୍ରଧାନମନ୍ତ୍ରୀ କୌଣସି ଦୁର୍ନୀତି ଏବଂ ଦଙ୍ଗା ମାମଲାରେ ଦୋଷୀ ସାବ୍ୟସ୍ତ ହୋଇନାହାଁନ୍ତି। ଯେତେବେଳେ ଦେଶ କୋଭିଡ -19 ପରି ଚ୍ୟାଲେଞ୍ଜ ସହ ଲଢ଼ୁଛି, ଏହିପରି ଟ୍ୱିଟ୍ କରି ବିଭିନ୍ନ ଧାର୍ମିକ ଗୋଷ୍ଠୀ, ସମ୍ପ୍ରଦାୟ ମଧ୍ୟରେ ସମନ୍ୱୟ ଭାଙ୍ଗିବା ପାଇଁ ଶ୍ରୀ ପାତ୍ର ଉଦ୍ୟମ କରୁଛନ୍ତି | ରାୟପୁର ଜିଲ୍ଲା ବରିଷ୍ଠ ପୋଲିସ ଅଧୀକ୍ଷକ ଆରିଫ ଶେଖ ସୋମବାର କହିଛନ୍ତି ଯେ ଯୁବ କଂଗ୍ରେସର ରାଜ୍ୟ ସଭାପତି ପୂର୍ଣ୍ଣଚନ୍ଦ୍ର ପାଢ଼ୀଙ୍କ ଅଭିଯୋଗ ଉପରେ ସମ୍ବିତ ପାତ୍ରଙ୍କ ବିରୋଧରେ ମାମଲା ରୁଜୁ କରାଯାଇଛି ଓ ଘଟଣାର ତଦନ୍ତ ଚାଲିଛି।
