ଭଞ୍ଜନଗର,୨/୧୦ : ଅକ୍ଟୋବର ୨ ତାରିଖ ଗାନ୍ଧୀ ଜୟନ୍ତୀ ଅବସରରେ ସ୍ଥାନୀୟ ଉତ୍ତର ଘୁମୁସୁର ବନ ଖଣ୍ଡ କେନ୍ଦ୍ରିୟ ବନାଞ୍ଚଳଅଧୀନରେ ଥିବା କାଳିଆମ୍ବା ସେକସନର କଣ୍ଟେଇପଲ୍ଲୀ ଗ୍ରାମରେ ଜାତୀୟ ବନ୍ୟପ୍ରାଣୀ ସୁରକ୍ଷା ସପ୍ତାହ ପାଳନ କ।ର୍ଯ୍ୟକ୍ରମ ଆରମ୍ଭ ହୋଇ ଯାଇଛି । ଏଥିରେ ଉତ୍ତର ଘୁମସୁର ବନ ଖଣ୍ଡ ସହକାରୀ ଅଧିକାରୀ ବିକ୍ରମ ଦେବ ପଟ୍ଟନାୟକଙ୍କ ଅଧ୍ୟକ୍ଷତା। କରିଥିଲେ । ଅନ୍ୟ ମାନଙ୍କ ମଧ୍ୟରେ କେନ୍ଦ୍ରିୟ ବନାଞ୍ଚଳ ଅଧିକାରୀ କୁମାର ବେହେରା ,ଅବୈତନିକ ବନ୍ୟପ୍ରାଣୀ ତତ୍ତ୍ଵାବଧାରକ ଶୁଳପାଣି ଶତପଥୀ , ସୁରେଶ ଚନ୍ଦ୍ର ସ୍ୱାଇଁ, ଅନୁପମ ବାନାର୍ଜୀ, ପ୍ରମୂଖ ଆଲୋଚକ ଭାବେ ଏଥିରେ ଭାଗ ନେଇ ଥିଲେ । ବନ ଓ ପରିବେଶ ସୁରକ୍ଷାର ମହତ୍ତ୍ୱ, ବନ୍ୟପ୍ରାଣୀ ସୁରକ୍ଷା ଓ ପରିଚାଳନା, ଜୈବ ବିବିଧତା ବଜାୟ ରଖିବା ସହ ଜଳବାୟୁ ସନ୍ତୁଳନ ସମ୍ପର୍କରେ ସବିଶେଷ ଆଲୋଚନା କରାଯାଇଥିଲା। ଶେଷରେ ବନ୍ୟଜନ୍ତୁଙ୍କ ସୁରକ୍ଷା ପାଇଁ ଶପଥ ନିଆ ଯାଇ ଥିଲା ।ଉତ୍ତର ଘୁମସୁର ବନ କେନ୍ଦ୍ରିୟ ବନାଞ୍ଚଳ କାଳିଆମ୍ବା ସେକସନର କଣ୍ଟେଇପଲ୍ଲୀ ଗ୍ରାମର ଶତାଧିକ ଲୋକେ ଓ କର୍ମଚାରୀ ଏଥିରେ ଉପସ୍ଥିତ ଥିଲେ। କାର୍ଯ୍ୟକ୍ରମ ଆରମ୍ଭ ଓ ଶେଷରେ କଳାକାର ଦାସକାଠି ନୃତ୍ୟ ଓଶିଶୁ କଳାକାରକୁ ନେଇ ସାଂସ୍କୃତିକ ପରିବେଷଣ କରି ସଚେତନତା ସୃଷ୍ଟି କରିଥିଲେ ।ଉପଯୁକ୍ତ ପ୍ରଶିକ୍ଷଣ ବିନା ବନ୍ୟ ଜନ୍ତୁ ପରିଚାଳନା ସଠିକ ଭାବେ ହୋଇ ପାରିବନି ବୋଲି ମତ ପ୍ରକାଶ ପାଇଥିଲା । ସେଥି ନିମନ୍ତେ ଆଗ।ମୀ ଦିନରେ ପାରା ସ୍କ୍ୱାର୍ଡ ଷ୍ଟାଫ ମାନଙ୍କୁ ନେଇ ଏକ ପ୍ରଶିକ୍ଷଣ ଶିବିର ଓ କର୍ମଶାଳା ବିଭାଗ ପକ୍ଷରୁ ଆଗୁଆ ସୂଚନା ଦିଆଯାଇଥିଲା। ଶେଷରେ ବନପାଳ ଶରତ ମହାନ୍ତି ଧନ୍ୟବାଦ ପ୍ରଦାନ କରିଥିଲେ । କାର୍ଯ୍ୟକ୍ରମ ରେ ବନରକ୍ଷୀ ରଶ୍ମିତା ସେଠୀ,ବନ ଉନ୍ନୟନ ପ୍ରକଳ୍ପର କର୍ମଚାରୀ ସମେତ ସ୍ମାର୍ଡ କର୍ମଚାରୀମାନେ ସମ୍ପୂର୍ଣ୍ଣ ସହଯୋଗ କରିଥିଲେ ।
