ବେତନଟୀ, ୧୫/୮ : ବାରିପଦା ଲାଲବଜାରସ୍ଥିତ ଶ୍ରୀସାଇ ସିଦ୍ଧି +୩ ଆବାସିକ ମହାବିଦ୍ୟାଳୟରେ ଆଜି ୭୪ତମ ସ୍ୱାଧୀନତା ଦିବସ ପାଳିତ ହୋଇ ଯାଇଛି । କରୋନା ପ୍ରତିବନ୍ଧକ ହେତୁ ଏହି କାର୍ଯ୍ୟକ୍ରମକ ଔପଚାରିକତା ଓ ନିରାଡମ୍ବର ଭାବେ ପାଳନ କରା ଯାଇ ଥିବାର ଜଣା ପଡିଛି । ଅନୁଷ୍ଠାନର ନିଦେ୍ର୍ଦଶକ ଅବସରପ୍ରାପ୍ତ ଇଞ୍ଜିନିୟର ରମାନାଥ ଦାସ, ଅଧ୍ୟକ୍ଷ ରାମେଶ୍ୱର ସାହୁ, ପରିଚାଳନା ସମ୍ପାଦିକା ବିନୀତା ଦାସ, ସଦସ୍ୟ ଡ. ସୁଶାନ୍ତ କୁମାର ବଶା ଓ ସ୍ୱଳ୍ପ କର୍ମଚାରୀଙ୍କ ଉପସ୍ଥିତିରେ ଜାତୀୟ ପତାକା ଉତ୍ତୋଳନ କରା ଯାଇ ଥିଲା ।
ଉପସ୍ଥିତ ସମସ୍ତେ ମାସ୍କ ପିନ୍ଧି ସାମାଜିକ ଦୂରତା ଅବଲମ୍ବନ କରି ଛିଡା ହୋଇ ପତାକା ଉତ୍ତୋଳନରେ ଭାଗ ନେଇ ଥିଲେ । ଜାତୀୟ ପତାକା ଉତ୍ତୋଳନ କରି ନିଦେ୍ର୍ଦଶକ ଶ୍ରୀ ଦାସ କରୋନା ମହାମାରୀ ହେତୁ ବହୁ କାର୍ଯ୍ୟାବଳୀ ତାର ସାଧାରଣ ଗତିପଥ ପରିବର୍ତ୍ତନ ବଦଳାଇଛି । ଏଥିରେ ବିଚଳିତ ନହୋଇ ସଂପ୍ରତି ପରିସ୍ଥିତିକୁ ମୁକାବିଲା କରିବା ସହିତ ନିଜ ମନୋବଳକୁ ଦୃଢ଼ ରଖିବାକୁ ପରାମର୍ଶ ଦେଇ ଥିଲେ ।
ଉଦବୋଧନ ଦେଇ କଲେଜଣ ଅଧ୍ୟକ୍ଷ ଶ୍ରୀ ସାହୁ କହିଲେ ଏହି ପରିସ୍ଥିତିରେ ବିଚଳିତ ନହୋଇ ନିଜର କର୍ତ୍ତବ୍ୟ ଓ ଦାୟୀତ୍ୱବୋଧତାକୁ ବୁଝି କାର୍ଯ୍ୟ କରିବାର ଆବଶ୍ୟକତା ରହିଛି । ପ୍ରଥମ ଥର ପାଇଁ ବିନା ଛାତ୍ରଛାତ୍ରୀରେ ସ୍ୱାଧୀନତା ଦିବସ ପାଳନ କରା ଯାଉଛି, ଯାହାକି ସମସ୍ତଙ୍କ ହୃଦୟକୁ କୁଠାରଘାତ କରୁଛି । କିନ୍ତୁ ସାରା ବିଶ୍ୱକୁ କବଳିତ କରି ଥିବା କରୋନା ମହାମାରୀ ବିରୁଦ୍ଧରେ ଲଢ଼ାଇ ଚାଲି ଥିବାରୁ ସରକାରଙ୍କ ରୀତିନୀତିକୁ ସମ୍ମାନ ଦେବାର ଆବଶ୍ୟକତା ରହିଛି ବୋଲି ଅତିଥି ମାନେ ମତ ପ୍ରକାଶ କରି ଥିଲେ । ଆଜିର କାର୍ଯ୍ୟକ୍ରମକୁ ଅଧ୍ୟାପିକା ଲକ୍ଷ୍ମୀପି୍ରୟା ମହାନ୍ତ, ଅଧ୍ୟାପକ ବିଶ୍ୱଜିତ ଜେନା, ଅଧ୍ୟାପକ ଉପେନ୍ଦ୍ର ମହାନ୍ତ, ରହିତେଶ୍ୱର ମହାନ୍ତ, ବିଷ୍ଣୁପ୍ରିୟା ଜେନା, ମନୋରମା ମହାନ୍ତ, ଗୌରହରି କବାଟ ପ୍ରମୁଖ ସହଯୋଗ କରି ଥିଲେ । ଶେଷରେ ପୂର୍ବତନ ଛାତ୍ର ବିଶ୍ୱନାଥ ମାସାନ୍ତ ଧନ୍ୟବାଦ ଅର୍ପଣ କରି ଥିଲେ ।
