ବେତନଟୀ : ବୈଶିଙ୍ଗା ଥାନା ଅଧୀନ ନଖରା ଗ୍ରାମ ରେ ଫୋର୍ଡ଼ ତରଫରୁ ଫୋର୍ଡ ସ୍ୱେଚ୍ଛାସେବୀ ଅନୁଷ୍ଠାନ ତରଫରୁ ବୃକ୍ଷ କୁ ରକ୍ଷା ବନ୍ଧନ ଉତ୍ସବ ପାଳନ କରାଯାଇଥିଲା । ମୂଖ୍ୟ ଅତିଥିଭାବେ ବେଣୁଧର ଦାସ ରକ୍ଷା ବନ୍ଧନ ଉତ୍ସବର ଉଦ୍ଦେଶ୍ୟ ଉପରେ ଆଲୋକପାତ କରିଥିଲେ। ବୃକ୍ଷକୁ ଭାଇ ବୋଲି ଭାବି ଯୁବକ/ଯୁବତୀ ,ଛାତ୍ର/ଛାତ୍ରୀ ମାନେ ବୃକ୍ଷକୁ ପୂଜା କରି ବନ୍ଦାପନା କରିବା ସହ ବୃକ୍ଷକୁ ରାକ୍ଷୀ ବାନ୍ଧିବା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବିଜ୍ଞାନ ଯୁଗ ର ରାସ୍ତା ଶିଳ୍ପ ଓ ଗୃହ ନିର୍ମାଣ ପାଇଁ ଯେଉଁ ଭଳି ଭାବରେ ଅବାଧରେ ଗଛ କଟା ଯାଉଛି । ଯାହା ଫଳରେ ପରିବେଶ ବିଗିଡ଼ିବା ସହିତ ଜୀବଜଗତ ପାଇଁ ବିପଦର କାରଣ ହେଉଅଛି । ପରିବାର ସଦସ୍ୟଙ୍କର ଜନ୍ମ ବିବାହ, ସୁଧିକ୍ରିୟା ଓ ବିଭିନ୍ନ ପାର୍ବପର୍ବାଣି କୁ ସ୍ମରଣୀୟ ରଖିବା ପାଁଇ ଗୋଟିଏ ଗୋଟିଏ ଗଛ ଲଗାଇବା ଉଚିତ ବୋଲି ଫୋର୍ଡ଼ ର ସମ୍ପାଦକ ସନ୍ତୋଷ କୁମାର ଖଣ୍ଡା ଯୁବସମାଜ କୁ ଆହ୍ୱାନ ଦେଇଥିଲେ । ଗ୍ରାମରେ ଥିବା ଭାଗବତ ଟୁଙ୍ଗି ପଡିଆ ରେ ବୟୋଜ୍ୟେଷ୍ଠ ବ୍ୟକ୍ତି ଦୁଃଶାସନ ମହାଳିକଙ୍କ ଦ୍ଵାରା ବୃକ୍ଷରୋପଣ କରାଯାଇଥିଲା । ସର୍ବ ଶେଷରେ ଛାତ୍ର ପଙ୍କଜ ପାଳ ସମସ୍ତ ଙ୍କୁ ଧନ୍ୟବାଦ ଅର୍ପଣ କରିଥିଲେ।
