ସ୍କାଉଟ ମାଷ୍ଟର ଶ୍ରୀଯୁକ୍ତ ନିରଞ୍ଜନ ବିଶ୍ୱାଳଙ୍କ ଦ୍ୱାରା ରତ୍ନ ଉଚ୍ଚ ବିଦ୍ୟାଳୟରେ ସ୍କାଉଟ୍ ଓ ଗାଇଡ ମାନଙ୍କର ତାଲିମ୍ ଶିବିର ଆୟୋଜନ

ବେଗୁନିଆପଡ଼ା ଥାନା ଅନ୍ତର୍ଗତ ଏମ୍ ନୂଆ ପଲ୍ଲୀ ସ୍ଥିତ ରତ୍ନ ଉଚ୍ଚ ବିଦ୍ୟାଳୟରେ ସ୍କାଉଟ୍ ଓ ଗାଇଡ ମାନଙ୍କର ଏକ ତାଲିମ୍ ଶିବିର ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମରେ ଖଲ୍ଲିକୋଟ ବ୍ଲକ୍ ଅନ୍ତର୍ଗତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, କଞ୍ଚଣାର ସ୍କାଉଟ୍ ମାଷ୍ଟର ଶ୍ରୀଯୁକ୍ତ ନିରଞ୍ଜନ ବିଶ୍ୱାଳ ସମସ୍ତ ସ୍କାଉଟ୍ ଓ ଗାଇଡ ମାନଙ୍କୁ ବିଭିନ୍ନ ପ୍ରକାରର ବ୍ୟାଣ୍ଡଜେ, ନଟିଂ, ଫାଷ୍ଟ୍ ଏଡ୍, ଷ୍ଟ୍ରେଚରର ପ୍ରସ୍ତୁତି ଓ ବ୍ୟବହାର, ବିପର୍ଯ୍ୟୟ ପରିଚାଳନାର କୌଶଳ ପ୍ରଶିକ୍ଷଣ ଦେଇଥିଲେ। ସମସ୍ତ ସ୍କାଉଟ୍ ଏବଂ ଗାଇଡ ମାନେ ମଧ୍ୟ ଚୋକିଂ, ସଫୋକେସନ ଇତ୍ୟାଦି ବିଷୟରେ ବୁଝିଥିଲେ ଏବଂ ନିଜେ ଅଂଶଗ୍ରହଣ କରି ଶିଖିଥିଲେ। ଏହା ସେମାନଙ୍କ ନିଜର , ପରିବାରର ତଥା ସମାଜରେ କାର୍ଯ୍ୟରେ ବିନିଯୋଗ କରିବେ ବୋଲି ଦୃଢ ସଂକଳ୍ପ କରିଥଲେ। ଏହି କାର୍ଯ୍ୟକ୍ରମ ପ୍ରଧାନଶିକ୍ଷକ ପୂର୍ଣ୍ଣଚନ୍ଦ୍ର ଜେନାଙ୍କ ପ୍ରତ୍ୟକ୍ଷ ତତ୍ଵାବଧାନରେ ବିଦ୍ୟାଳୟର ଶିକ୍ଷକ ଉମାପ୍ରସାଦ ଆଚାର୍ଯ୍ୟ, ବିଜୟ କୁମାର ବଳିଆର ସିଂହ ସହଯୋଗ କରିଥିଲେ ଏବଂ ଏହି ବିଦ୍ୟାଳୟର ସ୍କାଉଟ୍ ମାଷ୍ଟର ସୁରେନ୍ଦ୍ରନାଥ ପ୍ରଧାନ ସମ୍ପୂର୍ଣ୍ଣ ପରିଚାଳନା କରିଥିଲେ। ପରିଶେଷରେ ବିଦ୍ୟାଳୟର ପ୍ରଧାନଶିକ୍ଷକ ସ୍କାଉଟ୍ ଏବଂ ଗାଇଡର ଏହି ପ୍ରଶିକ୍ଷଣ କାର୍ଯକ୍ରମ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଓ ଅପରିହାର୍ଯ୍ୟ ବୋଲି କହିଥିଲେ ଏବଂ ସ୍କାଉଟ ମାଷ୍ଟର ଶ୍ରୀଯୁକ୍ତ ନିରଞ୍ଜନ ବିଶ୍ୱାଳଙ୍କୁ ଧନ୍ୟବାଦ ଜ୍ଞାପନ କରିଥିଲେ।