ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ରେ ସରକାର, ଷ୍ଟାର୍ଟଅପ୍ ଏବଂ କ୍ରିଏଟରମାନଙ୍କ ସମ୍ମିଳନୀ

Suvendra Pattanaik : ଫେବୃଆରୀ ୧୬,  ୨୦୨୬ରେ ନୂଆଦିଲ୍ଲୀର ଭାରତ ମଣ୍ଡପମ୍‌ଠାରେ ଆରମ୍ଭ ହୋଇଥିଲା ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ , ଯାହା ଗ୍ଲୋବାଲ ସାଉଥ୍ ଦ୍ୱାରା ଆୟୋଜିତ କୃତ୍ରିମ ବୁଦ୍ଧିମତା ଉପରେ ପ୍ରଥମ ଆନ୍ତର୍ଜାତିକ ସମ୍ମିଳନୀ ଭାବରେ ଚିହ୍ନିତ ହୋଇଛି। ଏହି ଦୃଷ୍ଟନ୍ତମୂଳକ କାର୍ଯ୍ୟକ୍ରମ ଭାରତକୁ ବିଶ୍ୱସ୍ତରୀୟ ଏଆଇ ଆଲୋଚନାରେ ଏକ ପ୍ରମୁଖ ଭୂମିକାରେ ଅବସ୍ଥାପିତ କରିଛି, ଯାହା ଜନ ସାଧାରଣ, ପ୍ରଗତି ଏବଂ ପୃଥିବୀକୁ ପ୍ରାଥମିକତା ଦେଉଥିବା ଏଆଇ-ନେତୃତ୍ୱାଧୀନ ଅଭିବୃଦ୍ଧି ଉପରେ ଗୁରୁତ୍ୱ ଦେଉଛି। ନବସୃଜନ ଏବଂ ବ୍ୟାପକ ନିୟୋଜନ କ୍ଷେତ୍ରରେ ଷ୍ଟାର୍ଟଅପ୍‌ମାନେ ଆଗଧାଡ଼ିରେ ରହିଥିବାରୁ, ଏହି ସମ୍ମିଳନୀ ଦାୟିତ୍ୱବାନ ଏବଂ ସ୍ୱଦେଶୀ ଏଆଇ କ୍ଷମତା ପାଇଁ ଭାରତର ଦୂରଦୃଷ୍ଟିକୁ ଆଗକୁ ବଢ଼ାଇବା ସହ ଅନ୍ତର୍ଭୁକ୍ତ ଏବଂ ସ୍ଥାୟୀ ବିକାଶକୁ ପ୍ରୋତ୍ସାହିତ କରୁଛି।

ଏହାର ଏକ ମୁଖ୍ୟ ଆକର୍ଷଣ ହେଉଛି ସୂଚନା ଓ ପ୍ରସାରଣ ମନ୍ତ୍ରଣାଳୟର ସ୍ୱତନ୍ତ୍ର ଏମଆଇବି ପାଭିଲିୟନ୍, ଯାହା ମିଡିଆ, ମନୋରଞ୍ଜନ, ଗେମିଂ ଏବଂ ସୃଜନଶୀଳ ପ୍ରଯୁକ୍ତିବିଦ୍ୟାର ମିଳନ ସ୍ଥଳରେ ଭାରତର ସମୃଦ୍ଧ ଏଆଇ ଷ୍ଟାର୍ଟଅପ୍ ଇକୋସିଷ୍ଟମକୁ ପ୍ରଦର୍ଶନ କରୁଛି। ଓ୍ୱେଭ୍ସ କ୍ରିଏଟର୍ସ କର୍ଣ୍ଣର୍ ମାଧ୍ୟମରେ, ଏହି ପାଭିଲିୟନ୍ ଲାଇଭ୍ ପ୍ରଦର୍ଶନ, ପ୍ୟାନେଲ୍ ଆଲୋଚନା, ମାଷ୍ଟରକ୍ଲାସ୍, ଫାୟାରସାଇଡ୍ ଚାଟ୍ ଏବଂ ଷ୍ଟାର୍ଟଅପ୍ ପ୍ରଦର୍ଶନୀ ପାଇଁ ଏକ ଗତିଶୀଳ ପ୍ଲାଟଫର୍ମ ପ୍ରଦାନ କରୁଛି, ଯାହା ପ୍ରତିଷ୍ଠାତା, ନୀତି ନିର୍ଦ୍ଧାରକ, ବିନିଯୋଗକାରୀ, ସ୍ରଷ୍ଟା ଏବଂ ଆନ୍ତର୍ଜାତୀୟ ଅଂଶୀଦାରମାନଙ୍କ ମଧ୍ୟରେ ପ୍ରତ୍ୟକ୍ଷ ଆଲୋଚନାକୁ ସକ୍ଷମ କରୁଛି।

ଏହି କାର୍ଯ୍ୟକ୍ରମ ବିଶେଷ ଭାବରେ ଏଭିଜିସି-ଏକ୍ସଆର (ଆନିମେସନ୍, ଭିଜୁଆଲ୍ ଇଫେକ୍ଟସ୍, ଗେମିଂ, କମିକ୍ସ ଏବଂ ଏକ୍ସଟେଣ୍ଡେଡ୍ ରିଆଲିଟି) ଏବଂ ମିଡିଆ ଟେକ୍ କ୍ଷେତ୍ର ଉପରେ ଧ୍ୟାନ ଦେଉଛି, ଯେଉଁଠାରେ ୫୧ଟି ଷ୍ଟାର୍ଟଅପ୍ ବିଷୟବସ୍ତୁ ସୃଷ୍ଟି, ଇମର୍ସିଭ୍ ଅଭିଜ୍ଞତା, ବହୁଭାଷୀ ଉପକରଣ, ଆଡାପ୍ଟିଭ୍ ଗେମ୍‌ପ୍ଲେ ଏବଂ ଡିଜିଟାଲ୍ କାହାଣୀ କହିବା କ୍ଷେତ୍ରରେ ବଜାର-ଉପଯୋଗୀ, AI-ଚାଳିତ ସମାଧାନ ପ୍ରଦର୍ଶନ କରୁଛନ୍ତି। ଏହି ସମନ୍ୱୟ ଭାରତ ସରକାରଙ୍କ ଦ୍ୱାରା ସୃଜନଶୀଳ ଅର୍ଥନୀତିକୁ ଅଭିବୃଦ୍ଧି, ନିଯୁକ୍ତି ଏବଂ ନବସୃଜନର ଏକ ରଣନୀତିକ ଚାଳକ ଭାବରେ ସ୍ୱୀକୃତିକୁ ପ୍ରତିଫଳିତ କରେ।

ଭାରତର ସୃଜନଶୀଳ ଅର୍ଥନୀତିରେ ଅଭିବୃଦ୍ଧିକୁ ତ୍ୱରାନ୍ୱିତ କରିବ କେନ୍ଦ୍ର ବଜେଟ୍ ୨୦୨୬–୨୭

ସୃଜନଶୀଳ ଅର୍ଥନୀତି ସେହି ଶିଳ୍ପଗୁଡ଼ିକୁ ନେଇ ଗଠିତ ଯେଉଁଠାରେ ସୃଜନଶୀଳତା, ସଂସ୍କୃତି, ପ୍ରଯୁକ୍ତିବିଦ୍ୟା ଏବଂ ବୌଦ୍ଧିକ ସମ୍ପତ୍ତିରୁ ମୂଲ୍ୟ ସୃଷ୍ଟି ହୁଏ। ଏହା ମିଡିଆ ଏବଂ ମନୋରଞ୍ଜନ, ଆନିମେସନ୍ ଏବଂ ଭିଏଫ୍‍ଏକ୍ସ ଗେମିଂ, ଲାଇଭ୍ ଇଭେଣ୍ଟ ଏବଂ ଡିଜିଟାଲ୍ ବିଷୟବସ୍ତୁ (କଣ୍ଟେଣ୍ଟ) ପ୍ଲାଟଫର୍ମ ପର୍ଯ୍ୟନ୍ତ ବ୍ୟାପିଛି ଯାହା ବିଶ୍ୱସ୍ତରୀୟ ବଜାରରେ କାର୍ଯ୍ୟ କରେ ଏବଂ ଜିଡିପି (ଜିଡିପି), ନିଯୁକ୍ତି ଏବଂ ରପ୍ତାନିରେ ସହାୟକ ହୋଇଥାଏ। ଅରେଞ୍ଜ ଇକୋନୋମିର ବ୍ୟାପକ ଦୂରଦୃଷ୍ଟି ମଧ୍ୟରେ ରହି, ସଂସ୍କୃତି ଏବଂ ସୃଜନଶୀଳତାକୁ ରଣନୀତିକ ଅର୍ଥନୈତିକ ସମ୍ପତ୍ତି ଭାବରେ ବିଚାର କରାଯାଏ-ଯାହା ଐତିହ୍ୟ ଏବଂ ପ୍ରତିଭାକୁ ନବସୃଜନ, ବଜାର ପ୍ରବେଶ ଏବଂ ବିଶ୍ୱସ୍ତରୀୟ ସହଭାଗିତା ସହିତ ଯୋଡ଼ି ଆୟ ଏବଂ ଆନ୍ତର୍ଜାତୀୟ ପ୍ରଭାବ ସୃଷ୍ଟି କରିଥାଏ।

ୱାର୍ଲ୍ଡ ଅଡିଓ ଭିଜୁଆଲ୍ ଆଣ୍ଡ୍ ଏଣ୍ଟରଟେନମେଣ୍ଟ ସମିଟ୍ (ଓ୍ୱେଭ୍ସ) ଏବଂ ଏଆଇ ଇମ୍ପାକ୍ଟ ସମିଟ୍ ୨୦୨୬ ପରି ପ୍ଲାଟଫର୍ମଗୁଡ଼ିକ ସ୍ରଷ୍ଟା, ଷ୍ଟାର୍ଟଅପ୍, ବିନିଯୋଗକାରୀ ଏବଂ ନୀତି ନିର୍ଦ୍ଧାରକମାନଙ୍କୁ ସଂଯୋଗ କରି ଏହି ଦୂରଦୃଷ୍ଟିକୁ କାର୍ଯ୍ୟକାରୀ କରୁଛନ୍ତି, ଯାହାଦ୍ୱାରା ମିଳିତ ଉତ୍ପାଦନ, ବୌଦ୍ଧିକ ସମ୍ପତ୍ତି ମାର୍କେଟପ୍ଲେସ୍ ସଂଯୋଗ, ଇନକ୍ୟୁବେସନ୍ ଏବଂ ସୀମା ବାହାରେ ସହଯୋଗ ସମ୍ଭବ ହୋଇପାରୁଛି।

କେନ୍ଦ୍ର ବଜେଟ୍ ୨୦୨୬-୨୭ ସୃଜନଶୀଳ (ଅରେଞ୍ଜ) ଅର୍ଥନୀତିକୁ ଅଭିବୃଦ୍ଧି, ନିଯୁକ୍ତି ଏବଂ ନବସୃଜନର ଏକ ଚାଳକ ଭାବରେ ସ୍ୱୀକୃତି ଦେଇ ଏହି ଗତିପଥକୁ ଅଧିକ ମଜବୁତ କରୁଛି, ଯେଉଁଥିରେ ଆନିମେସନ୍, ଭିଜୁଆଲ୍ ଇଫେକ୍ଟସ୍, ଗେମିଂ ଏବଂ କମିକ୍ସ କ୍ଷେତ୍ରକୁ ଡିଜିଟାଲ୍ ଏବଂ ଏଆଇ-ଚାଳିତ ବିକାଶ ସହିତ ଯୋଡ଼ାଯାଇଛି। ଏହା ମୁମ୍ବାଇର ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ କ୍ରିଏଟିଭ୍ ଟେକ୍ନୋଲୋଜିକୁ ଦେଶବ୍ୟାପୀ ୧୫,୦୦୦ ମାଧ୍ୟମିକ ବିଦ୍ୟାଳୟ ଏବଂ ୫୦୦ କଲେଜରେ ଏଭିଜିସି କଣ୍ଟେଣ୍ଟ କ୍ରିଏଟର୍ ଲ୍ୟାବ୍ ପ୍ରତିଷ୍ଠା କରିବା ପାଇଁ ସହାୟତା ପ୍ରଦାନ କରୁଛି। ଫଳରେ ଏକ ଦକ୍ଷ ପ୍ରତିଭା ଶୃଙ୍ଖଳା ଗଠନ ହୋଇପାରିବ। ୨୦୩୦ ସୁଦ୍ଧା ଏଭିଜିସି କ୍ଷେତ୍ରରେ ପ୍ରାୟ ୨ ନିୟୁତ ପେସାଦାରଙ୍କ ଆବଶ୍ୟକତା ଥିବା ପୂର୍ବାନୁମାନ କରାଯାଉଥିବାରୁ, ଏହା ସୃଜନଶୀଳ ଅର୍ଥନୀତିକୁ ଡିଜିଟାଲ୍ ପିଢ଼ି ପାଇଁ ଏକ ପ୍ରମୁଖ ନିଯୁକ୍ତି ଇଞ୍ଜିନ ଭାବରେ ପ୍ରତିଷ୍ଠିତ କରୁଛି।

ଏମ୍‍ ଆଇବି ପାଭିଲିୟନ୍: ଗୁରୁତ୍ୱପୂର୍ଣ୍ଣ କ୍ଷେତ୍ର ଏବଂ ମୁଖ୍ୟ ବିଶେଷତ୍ୱ

ମିଡିଆ, ମନୋରଞ୍ଜନ, ଗେମିଂ ଏବଂ ସୃଜନଶୀଳ ପ୍ରଯୁକ୍ତିବିଦ୍ୟାରେ ଭାରତର ଏଆଇ ଷ୍ଟାର୍ଟଅପ୍ କ୍ଷମତାକୁ ଉପସ୍ଥାପନ କରିବା ପାଇଁ ଏମ୍‍ଆଇବି ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ରେ ଏକ ସ୍ୱତନ୍ତ୍ର ପାଭିଲିୟନ୍ ପ୍ରତିଷ୍ଠା କରିଥିଲା। ଏହି ପାଭିଲିୟନ୍ ଏକ ଏଭଳି କ୍ଷେତ୍ର ମଧ୍ୟରେ କାର୍ଯ୍ୟ କରୁଛି ଯାହା ସାଂସ୍କୃତିକ ପ୍ରାସଙ୍ଗିକତାରୁ ଅର୍ଥନୈତିକ କେନ୍ଦ୍ରବିନ୍ଦୁକୁ ପରିବର୍ତ୍ତିତ ହୋଇଛି।

ଭାରତର ମିଡିଆ ଏବଂ ମନୋରଞ୍ଜନ କ୍ଷେତ୍ରର ମୂଲ୍ୟ ୨୦୨୪ରେ ପ୍ରାୟ ୨.୫ ଟ୍ରିଲିୟନ ଟଙ୍କା ଥିଲା, ଯାହାର ସମୁଦାୟ ରାଜସ୍ୱ ୨୦୨୭ ସୁଦ୍ଧା ୩.୦୬୭ ଟ୍ରିଲିୟନ ଟଙ୍କାରେ ପହଞ୍ଚିବ ବୋଲି ଆଶା କରାଯାଉଛି। ଅର୍ଥାତ୍‍ ବାର୍ଷିକ ହାରାହାରି ପ୍ରାୟ ୭ ପ୍ରତିଶତ ହାରରେ ଅଭିବୃଦ୍ଧି ହେଉଛି। କେବଳ ଡିଜିଟାଲ୍ ମିଡିଆ ଏହି କ୍ଷେତ୍ରର ରାଜସ୍ୱର ପ୍ରାୟ ଏକ-ତୃତୀୟାଂଶ ଅଟେ, ଯାହା ପ୍ଲାଟଫର୍ମ-ଭିତ୍ତିକ ଉତ୍ପାଦନ ଏବଂ ବିତରଣ ମଡେଲ ଆଡ଼କୁ ଦ୍ରୁତ ପରିବର୍ତ୍ତନକୁ ପ୍ରତିଫଳିତ କରେ। ଏହି ବ୍ୟାପକ ଇକୋସିଷ୍ଟମ ପ୍ରତ୍ୟକ୍ଷ ଓ ପରୋକ୍ଷ ଭାବରେ ୧୦ ନିୟୁତରୁ ଅଧିକ ଜୀବିକାକୁ ସହାୟତା କରେ ଏବଂ ପ୍ରାୟ ୩ ଲକ୍ଷ କୋଟି ଟଙ୍କାର ବାର୍ଷିକ ଆଉଟପୁଟ୍ ସୃଷ୍ଟି କରେ।

ଏହି ବିସ୍ତାରିତ ପରିସର ମଧ୍ୟରେ, ପାଭିଲିୟନ୍ ତିନୋଟି ଗୁରୁତ୍ୱପୂର୍ଣ୍ଣ କ୍ଷେତ୍ରରେ ପ୍ରଯୁକ୍ତିବିଦ୍ୟା ବିକାଶକାରୀ, ବିଷୟବସ୍ତୁ ସ୍ରଷ୍ଟା, ବିନିଯୋଗକାରୀ, ନୀତି ନିର୍ଦ୍ଧାରକ ଏବଂ ବିଶ୍ୱସ୍ତରୀୟ ଅଂଶୀଦାରମାନଙ୍କୁ ଏକାଠି କରିଛି:

ମିଡିଆ ଏବଂ ମନୋରଞ୍ଜନ: ବିଷୟବସ୍ତୁ ( କଣ୍ଟେଣ୍ଟ) ସୃଷ୍ଟି, ଉତ୍ପାଦନ ଏବଂ ବିତରଣ ପାଇଁ ଏଆଇ-ଚାଳିତ ସମାଧାନଗୁଡ଼ିକ ପାଭିଲିୟନ୍‌ର ପ୍ରଦର୍ଶନୀର କେନ୍ଦ୍ରବିନ୍ଦୁ ଅଟେ। ଏହି ବିଭାଗ ଏକ ଏଭଳି ମିଡିଆ ଶିଳ୍ପ ମଧ୍ୟରେ କାର୍ଯ୍ୟ କରେ ଯେଉଁଠାରେ:

• ଡିଜିଟାଲ୍ ମିଡିଆ ରାଜସ୍ୱ ୨୦୨୭ ସୁଦ୍ଧା ୧,୧୦୪ ବିଲିୟନ ଟଙ୍କାରେ ପହଞ୍ଚିବାର ସମ୍ଭାବନା ଅଛି, ୨୦୨୪ରେ ୮୦୨ ବିଲିୟନ ଟଙ୍କା ଥିଲା।
• ଫିଲ୍ମ ମନୋରଞ୍ଜନ ୨୦୨୪ରେ ୧୮୭ ବିଲିୟନ ଟଙ୍କା ସୃଷ୍ଟି କରିଥିଲା, ଯାହା ନିରନ୍ତର ବୃଦ୍ଧି ପାଇବାକୁ ଯାଉଛି।
• ଆନିମେସନ୍ ଏବଂ ଭିଏଫଏକ୍ସ ୨୦୨୪ରେ ପ୍ରାୟ ୧୦୩ ବିଲିୟନ ଟଙ୍କା ଯୋଗଦାନ ଦେଇଥିଲେ, ଯାହା ୨୦୨୭ ସୁଦ୍ଧା ୧୪୭ ବିଲିୟନ ଟଙ୍କାକୁ ବୃଦ୍ଧି ପାଇବ ବୋଲି ଆଶା କରାଯାଉଛି।

ଷ୍ଟାର୍ଟଅପ୍‌ଗୁଡ଼ିକ ଏଆଇ-ସହାୟକ ଚଳଚ୍ଚିତ୍ର ନିର୍ମାଣ, ଭର୍ଚୁଆଲ୍ ଉତ୍ପାଦନ, ସ୍ୱୟଂଚାଳିତ ଏଡିଟିଂ, ବହୁଭାଷୀ ଡବିଂ, ଭଏସ୍ ସିନ୍ଥେସିସ୍, ଏଆଇ ଆଭାତାର ଏବଂ ଡିଜିଟାଲ୍ ଷ୍ଟୋରିଟେଲିଂ ଟୁଲ୍‌ଗୁଡ଼ିକ ପ୍ରଦର୍ଶନ କରୁଛନ୍ତି। ଏହି ପ୍ରୟୋଗଗୁଡ଼ିକ ବିଭିନ୍ନ ଭାଷାଭାଷୀ ବଜାରରେ ପ୍ରସାର ବୃଦ୍ଧି କରିବା ସହ ଉତ୍ପାଦନ କାର୍ଯ୍ୟଦକ୍ଷତାକୁ ସୁଧାରୁଛି। ଯେହେତୁ ଡିଜିଟାଲ୍ ରାଜସ୍ୱ ପାରମ୍ପରିକ ଫର୍ମାଟ୍‌କୁ ଅତିକ୍ରମ କରୁଛି, ଏଆଇ ଏକୀକରଣ କାର୍ଯ୍ୟଧାରାରେ ମାପଯୋଗ୍ୟତା ଏବଂ ବ୍ୟୟ ସୁସଂଗତିକୁ ମଜବୁତ କରୁଛି।

• ଗେମିଂ ଏବଂ ଇମର୍ସିଭ୍ ଟେକ୍ନୋଲୋଜି: ଭାରତର ସୃଜନଶୀଳ ଅର୍ଥନୀତିର ସବୁଠାରୁ ଦ୍ରୁତ ଗତିରେ ବଢ଼ୁଥିବା ବିଭାଗଗୁଡ଼ିକ ମଧ୍ୟରୁ ଗେମିଂ ଅନ୍ୟତମ।
  • ଅନଲାଇନ୍ ଗେମିଂ ୨୦୨୪ରେ ୨୩୨ ବିଲିୟନ ଟଙ୍କା ଆୟ କରିଥିଲା, ଯାହା ୨୦୨୭ ସୁଦ୍ଧା ୩୧୬ ବିଲିୟନ ଟଙ୍କାରେ ପହଞ୍ଚିବ ବୋଲି ଆଶା କରାଯାଉଛି।
  • ଏହି ବିଭାଗ ଏଭିଜିସି ଏକ୍ସଆର ଇକୋସିଷ୍ଟମର ସବୁଠାରୁ ଗତିଶୀଳ ଉପାଦାନଗୁଡ଼ିକ ମଧ୍ୟରେ ସ୍ଥାନୀତ।

ଭାରତ ବ୍ୟବହାରକାରୀ ସଂଖ୍ୟା ଦୃଷ୍ଟିରୁ ବିଶ୍ୱର ବୃହତ୍ତମ ଗେମିଂ ବଜାରଗୁଡ଼ିକ ମଧ୍ୟରେ ଅନ୍ୟତମ, ଯାହାକୁ ବ୍ୟାପକ ମୋବାଇଲ୍ ବ୍ୟବହାର ଏବଂ ଡିଜିଟାଲ୍-ଫ୍ରେଣ୍ଡଲି ଜନସଂଖ୍ୟା ସହାୟତା ପ୍ରଦାନ କରୁଛି। ଏମ୍‍ଆଇବି ପାଭିଲିୟନ୍ ପ୍ରଦର୍ଶନୀରେ ଗେମ୍ ଆସେଟ୍ ବିକାଶ ପାଇଁ ଜେନେରେଟିଭ୍ ଏଆଇ, ରିଅଲ୍-ଟାଇମ୍ କମେଣ୍ଟ୍ରି ସିଷ୍ଟମ୍, ଆଡାପ୍ଟିଭ୍ ଗେମ୍‌ପ୍ଲେ ଇଞ୍ଜିନ୍, ଇମର୍ସିଭ୍ ପରିବେଶ ଏବଂ ଇଣ୍ଟରାକ୍ଟିଭ୍ ସ୍ପୋର୍ଟସ୍ ଟେକ୍ନୋଲୋଜି ଅନ୍ତର୍ଭୁକ୍ତ। ଏହି ନବସୃଜନଗୁଡ଼ିକ ଗେମିଂ ଉପଭୋଗରୁ ଏଆଇ-ମୌଳିକ ଗେମ୍ ବିକାଶ ଏବଂ ଇମର୍ସିଭ୍ ପ୍ଲାଟଫର୍ମ ସୃଷ୍ଟି ଆଡ଼କୁ ପରିବର୍ତ୍ତନକୁ ଦର୍ଶାଉଛି।

• କ୍ରିଏଟିଭ୍ ଏବଂ କଣ୍ଟେଣ୍ଟ ଟେକ୍ନୋଲୋଜି: ବ୍ୟାପକ ଏଭିଜିସି-ଏକ୍ସ ଆର ଇକୋସିଷ୍ଟମ-ଯେଉଁଥିରେ ଆନିମେସନ୍, ଭିଜୁଆଲ୍ ଇଫେକ୍ଟସ୍, ଗେମିଂ, କମିକ୍ସ ଏବଂ ଏକ୍ସଟେଣ୍ଡେଡ୍ ରିଆଲିଟି ଅନ୍ତର୍ଭୁକ୍ତ-ସୃଜନଶୀଳ ଅର୍ଥନୀତିର ସବୁଠାରୁ ପ୍ରଯୁକ୍ତିବିଦ୍ୟା-ସମ୍ପନ୍ନ ସୀମାନ୍ତକୁ ପ୍ରତିନିଧିତ୍ୱ କରେ।

ଭାରତର ଆନିମେସନ୍ ଏବଂ ଭିଏଫ୍‍ଏକ୍ସ କ୍ଷେତ୍ର ଏକ ବିଶ୍ୱସ୍ତରୀୟ ସମନ୍ୱିତ ଉତ୍ପାଦନ ଭିତ୍ତି ଭାବରେ କାର୍ଯ୍ୟ କରେ, ଯାହା ଅନ୍ତର୍ଜାତୀୟ ଚଳଚ୍ଚିତ୍ର, ଷ୍ଟ୍ରିମିଂ ପ୍ଲାଟଫର୍ମ, ବିଜ୍ଞାପନ ଏବଂ ଇମର୍ସିଭ୍ ଅଭିଜ୍ଞତାରେ ଯୋଗଦାନ ଦେଇଥାଏ। ବେଙ୍ଗାଲୁରୁ, ହାଇଦ୍ରାବାଦ, ମୁମ୍ବାଇ, ପୁଣେ, ଚେନ୍ନାଇ ଏବଂ ତିରୁବନନ୍ତପୁରମରେ ପ୍ରତିଷ୍ଠିତ ସୃଜନଶୀଳ କେନ୍ଦ୍ରଗୁଡ଼ିକ ଏହି ଇକୋସିଷ୍ଟମକୁ ସୁଦୃଢ଼ କରୁଛନ୍ତି। ଏମ୍‍ଆଇବି ପାଭିଲିୟନ୍‌ରେ ପୋଡକାଷ୍ଟ, ଭର୍ଚୁଆଲ୍ ଷ୍ଟୁଡିଓ, ଇମର୍ସିଭ୍ ଥିଏଟର, ଏକ୍ସପେରିଏନ୍ସିଆଲ୍ ମିଡିଆ ଏବଂ କ୍ରିଏଟର ଟୁଲ୍‌ଗୁଡ଼ିକ ପାଇଁ ଏଆଇ ପ୍ରୟୋଗଗୁଡ଼ିକ ପ୍ରଦର୍ଶିତ ହୋଇଛି। ଆସନ୍ତା ଦଶନ୍ଧିରେ ଏଭିଜିସି କ୍ଷେତ୍ରରେ ପ୍ରାୟ ୨ ନିୟୁତ ପ୍ରତ୍ୟକ୍ଷ ଓ ପରୋକ୍ଷ ନିଯୁକ୍ତିର ପୂର୍ବାନୁମାନ କରାଯାଉଥିବାରୁ, ଏଆଇ-ସକ୍ଷମ ସୃଜନଶୀଳ ପ୍ରଯୁକ୍ତିବିଦ୍ୟା ଉଭୟ ଅର୍ଥନୈତିକ ଏବଂ ନିଯୁକ୍ତି ବୃଦ୍ଧିର ମାଧ୍ୟମ ଭାବରେ ସ୍ଥାନୀତ ହୋଇଛି।

ଏଆଇ ଇମ୍ପାକ୍ଟ ସମିଟ୍ ୨୦୨୬ରେ ଏମ୍‍ଆଇବି ପାଭିଲିୟନ୍‌ର ମୁଖ୍ୟ ବିଶେଷତ୍ୱ:

ଏମ୍‍ଆଇବି ପାଭିଲିୟନ୍ ମଧ୍ୟରେ ଥିବା ଓ୍ୱେଭ୍ସ  କ୍ରିଏଟର୍ସ କର୍ଣ୍ଣର୍, ପ୍ୟାନେଲ୍, ମାଷ୍ଟରକ୍ଲାସ୍, ଫାୟାରସାଇଡ୍ ଚାଟ୍ ଏବଂ ଷ୍ଟାର୍ଟଅପ୍ ପ୍ରଦର୍ଶନୀ ପାଇଁ ଏକ ସୁସଜ୍ଜିତ ସ୍ଥାନ ଭାବରେ କାର୍ଯ୍ୟ କରୁଛି।

ଭାରତର ଏଭିଜିସି-ଏକ୍ସ ଆର ଏବଂ ମିଡିଆ ଟେକ୍ କ୍ଷେତ୍ରରୁ ୫୧ଟି ଷ୍ଟାର୍ଟଅପ୍ ଇଣ୍ଡିଆ ଏଆଇ ଇମ୍ପାକ୍ଟ ଏକ୍ସପୋ ୨୦୨୬ରେ ଏଆଇ-ଚାଳିତ ନବସୃଜନ ପ୍ରଦର୍ଶନ କରିଛନ୍ତି।

ଆଡୋବି ସହଭାଗିତାରେ  ଏମ୍‍ଆଇବି ଭାରତର ଏଆଇ-ସକ୍ଷମ ସୃଜନଶୀଳ ଇକୋସିଷ୍ଟମକୁ ପ୍ରଦର୍ଶନ କରୁଛି। ଏହାର ଏକ ମୁଖ୍ୟ ଆକର୍ଷଣ ହେଉଛି କଥାବତାର, ଯେଉଁଥିରେ ପାଞ୍ଚଟି ମେଡ୍-ଇନ୍-ଇଣ୍ଡିଆ ଏଆଇ କ୍ଷୁଦ୍ର ଚଳଚ୍ଚିତ୍ର – ଲାଙ୍ଗୁଏଜ ଅୋଫ୍‍ ବାର୍ଡ୍ସ, ମିଗୋଇ, ଉତ୍ତରାୟଣ, ଦି ବାର୍ବର୍ସ ସିକ୍ରେଟ,      ଏବଂ ୟାଦବପୁରସ – ଓ୍ୱେଭ୍ସ କ୍ରିଏଟର୍ସ କର୍ଣ୍ଣର୍ ମଧ୍ୟରେ ଥିବା ଏଆଇ ଥିଏଟରରେ ପ୍ରଦର୍ଶିତ ହେଉଛି। Adobe ମଧ୍ୟ “The Future of Film: AI, Creativity, and Craft” ଶୀର୍ଷକ ଏକ ଅଧିବେଶନ ଏବଂ ଏକ କଣ୍ଟେଣ୍ଟ କ୍ରିଏସନ୍ ହବ୍ ଆୟୋଜନ କରିଛି।

• ଖ୍ୟାତନାମା ଚଳଚ୍ଚିତ୍ର ନିର୍ଦ୍ଦେଶକ ଶେଖର କପୁର ଏଆଇ-ଚାଳିତ କାହାଣୀ କହିବା ଏବଂ ବିକଶିତ ହେଉଥିବା ସିନେମାଟିକ୍ ଶୈଳୀ ଉପରେ ଏକ ମାଷ୍ଟରକ୍ଲାସ୍ ନେଇଛନ୍ତି।
• ମୁଖ୍ୟ ପ୍ରଯୁକ୍ତିବିଦ୍ୟା ପ୍ରଦର୍ଶନ ମଧ୍ୟରେ ଜିରୋ-ଟଚ୍ ଅଟୋନୋମସ୍ ନ୍ୟୁଜରୁମ୍, ବହୁଭାଷୀ ଡବିଂ ଏବଂ ଏଆଇ ସାଙ୍କେତିକ ଭାଷା ଆଭାତାର ସହିତ ଭାଷା-ୱାଲ୍ ସମ୍ବାଦ ସେତୁ, ଦ ଡାଇରେକ୍ଟର୍ସ ଚେୟାର୍, ଏଆଇ ପଡକାଷ୍ଟ ଷ୍ଟୁଡିଓ, କଥାବାର୍ତ୍ତା କରୁଥିବା ହ୍ୟୁମାନଏଡ୍ ରୋବଟ୍ ଏବଂ ଭଏସ୍ କ୍ଲୋନିଂ ସମାଧାନ ଅନ୍ତର୍ଭୁକ୍ତ।
• ଭାଷାସେତୁ ଏବଂ କଳାସେତୁ ଚ୍ୟାଲେଞ୍ଜର ବିଜେତାମାନେ ସାଂସ୍କୃତିକ ସଂରକ୍ଷଣ ଏବଂ ଭାଷାଗତ ସୁଗମତା ପାଇଁ ଏଆଇ ଉପକରଣ ପ୍ରସ୍ତୁତ କରି ସେମାନଙ୍କର କାର୍ଯ୍ୟ ଉପସ୍ଥାପନ କରୁଛନ୍ତି।
• ଏଆଇ ଇମର୍ସିଭ୍ ଥିଏଟର ଯେଉଁଥିରେ ୨୭୦-ଡିଗ୍ରୀ ପ୍ରୋଜେକ୍ସନ, ସ୍ପାସିଆଲ୍ ଡିଜାଇନ୍ ଏବଂ ଭାରତୀୟ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରୁ ଆସିଥିବା ସିନେମା-ଏଆଇ (CinemAI) ହାକାଥନ୍‌ର ଫାଇନାଲିଷ୍ଟମାନଙ୍କର କାର୍ଯ୍ୟ ପ୍ରଦର୍ଶିତ ହୋଇଥିଲା।
• MIB ପାଭିଲିୟନ୍‌ରେ ଥିବା ଅଧିବେଶନଗୁଡ଼ିକ LTM BlueVerse, AWS, Evergent ସହିତ Google, Sony Research India, PurpleTalk, Dashverse, Pocket FM, Kuku FM, ଏବଂ Lumikai ର ନବସୃଜନଗୁଡ଼ିକୁ ପ୍ରଦର୍ଶନ କରି ଜ୍ଞାନ ଆଦାନପ୍ରଦାନ ଏବଂ ନୀତିଗତ ଆଲୋଚନାକୁ ପ୍ରୋତ୍ସାହିତ କରିବ।

ଇଣ୍ଡିଆ AI ଇମ୍ପାକ୍ଟ ସମିଟ୍ ୨୦୨୬ରେ MIB ପାଭିଲିୟନ୍ ଭାରତର ବିସ୍ତାରିତ ସୃଜନଶୀଳ ଅର୍ଥନୀତିର ଏକ ପ୍ରମୁଖ ବିଶେଷତ୍ୱ ଭାବରେ ଉଭା ହୋଇଛି, ଯାହା ୫୧ଟି AI-ଚାଳିତ ଷ୍ଟାର୍ଟଅପ୍, ଶିଳ୍ପ ନେତୃତ୍ୱ ଏବଂ ବିଶ୍ୱସ୍ତରୀୟ ସହଭାଗୀମାନଙ୍କୁ ଏକାଠି କରିଛି। ସାମଗ୍ରିକ ଭାବରେ, ଏହି ବିଶେଷତ୍ୱଗୁଡ଼ିକ ଏକ ଏଭଳି କ୍ଷେତ୍ରକୁ ପ୍ରତିଫଳିତ କରେ ଯାହା ମୂଲ୍ୟ, କ୍ଷମତା ଏବଂ ବିଶ୍ୱସ୍ତରୀୟ ପ୍ରାସଙ୍ଗିକତାରେ ବୃଦ୍ଧି ପାଉଛି।

ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ର କେନ୍ଦ୍ରବିନ୍ଦୁରେ ଭାରତୀୟ ଏଆଇ ଏବଂ ଗେମିଂ ଷ୍ଟାର୍ଟଅପ୍‌

ଏଆଇ-ଚାଳିତ ଗେମିଂ ଏବଂ ଇମର୍ସିଭ୍ ମିଡିଆ ଭାରତର ବିସ୍ତାରିତ ଏଭିଜିସି ଇକୋସିଷ୍ଟମ ମଧ୍ୟରେ ଏକ ରଣନୀତିକ ସ୍ତମ୍ଭ ଭାବରେ ଉଭା ହୋଇଛି। ଗେମିଂ ଏବଂ ଇଣ୍ଟରାକ୍ଟିଭ୍ ଟେକ୍ନୋଲୋଜି ବର୍ଗରେ ପାଞ୍ଚଟି ଅଗ୍ରଣୀ ଭାରତୀୟ ଷ୍ଟାର୍ଟଅପ୍ ଅତ୍ୟାଧୁନିକ ଏଆଇ-ଚାଳିତ ସମାଧାନ ପ୍ରଦର୍ଶନ କରିବେ:

• ସୃଜନଶୀଳ ଉତ୍ପାଦନ ପାଇଁ ଜେନେରେଟିଭ୍ ଏଆଇ: ୟେସଗୋନମ୍‍ (Yesgnome)  ପକ୍ଷରୁ ସ୍କେଟଲି ଏଆଇ (Sketly AI) ପ୍ରଦର୍ଶିତ ହେବ, ଯାହା ଗେମ୍ ଷ୍ଟୁଡିଓ ଏବଂ ସୃଜନଶୀଳ ଟିମ୍ ପାଇଁ ଏକ ଉନ୍ନତ ଆର୍ଟ-ଜେନେରେସନ୍ ପ୍ଲାଟଫର୍ମ। ଏହି ପ୍ଲାଟଫର୍ମ କିପରି ଏଆଇ ବିଷୟବସ୍ତୁ ପାଇପଲାଇନକୁ ରୂପାନ୍ତରିତ କରୁଛି ତାହା ଦର୍ଶାଉଛି। ଏହା କଳାତ୍ମକ ସାମଞ୍ଜସ୍ୟ ରକ୍ଷା କରିବା ସହ ଉତ୍ପାଦନରେ ବାଧା କମାଉଛି।
• ସ୍ପୋର୍ଟସ୍ ଗେମିଂରେ ରିଅଲ୍-ଟାଇମ୍ ଜେନେରେଟିଭ୍ ଆଇ: ମେଟାସ୍ପୋର୍ଟସ୍ (Metasports (Hitwicket) ଏହାର ମଲ୍ଟିପ୍ଲେୟାର କ୍ରିକେଟ୍ ପ୍ଲାଟଫର୍ମ ମଧ୍ୟରେ ଏକ ଜେନେରେଟିଭ୍ ଏଆଇ-ଚାଳିତ ଲାଇଭ୍ କମେଣ୍ଟ୍ରି ଇଞ୍ଜିନ୍ ପ୍ରଦର୍ଶନ କରିବ। ଏହି ବ୍ୟବସ୍ଥା ରିଅଲ୍-ଟାଇମ୍ ଗେମ୍‌ପ୍ଲେ ବିଶ୍ଳେଷଣ କରି କଣ୍ଠସ୍ୱର ଆଧାରିତ ବର୍ଣ୍ଣନା ପ୍ରଦାନ କରେ, ଯାହା ଇଣ୍ଟରାକ୍ଟିଭ୍ ସ୍ପୋର୍ଟସ୍ ମନୋରଞ୍ଜନକୁ ବୃଦ୍ଧି କରେ।
• କନସୋଲ୍-ଗ୍ରେଡ୍ ମୋବାଇଲ୍ ଗେମିଂ ଇକୋସିଷ୍ଟମ: କୋୟୋଜୋ (Koyozo) ଏକ ସମନ୍ୱିତ ହାର୍ଡୱେର୍-ସଫ୍ଟୱେର୍ ଇକୋସିଷ୍ଟମ ପ୍ରଦର୍ଶନ କରିବ ଯାହା ସ୍ମାର୍ଟଫୋନ୍‌କୁ କନସୋଲ୍-ଗ୍ରେଡ୍ ଗେମିଂ ଡିଭାଇସ୍‌ରେ ପରିଣତ କରେ। ଏହା ଭାରତର ମୋବାଇଲ୍ ଗେମିଂ ଇକୋସିଷ୍ଟମରେ ଥିବା ବିଭିନ୍ନ ସମସ୍ୟାର ସମାଧାନ କରିବା ସହ ଉଚ୍ଚ-ପ୍ରଦର୍ଶନକାରୀ ପ୍ରତିଯୋଗିତାମୂଳକ ଗେମ୍‌ପ୍ଲେକୁ ସକ୍ଷମ କରେ।
• ମଣିଷ ବନାମ ଏଆଇ ଇଣ୍ଟରାକ୍ଟିଭ୍ ଅଭିଜ୍ଞତା: ୟୁଥ ବଜ୍‍ Youth Buzz (Ourcadium) “ମଣିଷ ବନାମ ଜିପିଟି ” ଉପସ୍ଥାପନ କରିବ, ଯାହା ଏକ ଲାଇଭ୍, ଆଡାପ୍ଟିଭ୍ ଗେମ୍‌ପ୍ଲେ ଫର୍ମାଟ୍, ଯେଉଁଠାରେ ମଣିଷ ପ୍ରତିଯୋଗୀମାନେ ଏଆଇ ଏଜେଣ୍ଟମାନଙ୍କ ବିରୁଦ୍ଧରେ ପ୍ରତିଯୋଗିତା କରିବେ ଯେଉଁମାନେ ରିଅଲ୍-ଟାଇମ୍‌ରେ ଶିଖନ୍ତି ଏବଂ ବିକଶିତ ହୁଅନ୍ତି।
• ଏଣ୍ଟରପ୍ରାଇଜ୍ କୋଗ୍ନିଟିଭ୍ ଏଆଇ ପ୍ରସ୍ତୁତି: ଇଭାଇଭ୍‍ (Evivve) ଏହାର ଏଣ୍ଟରପ୍ରାଇଜ୍ କୋଗ୍ନିଟିଭ୍ ଏଆଇ ପ୍ରସ୍ତୁତି ଉପକରଣର ଶୁଭାରମ୍ଭ କରିବ। ଏହା ଏଆଇ ଗ୍ରହଣ ପାଇଁ ନେତୃତ୍ୱ ଏବଂ ସାଂଗଠନିକ ପ୍ରସ୍ତୁତିର ମୂଲ୍ୟାଙ୍କନ କରେ।

ଭାରତର ଏଆଇ ଗେମିଂ ଭବିଷ୍ୟତରେ ନିବେଶ

ଏକ ସ୍ୱତନ୍ତ୍ର ପ୍ୟାନେଲ୍ ଆଲୋଚନା “The New Gold Rush: Investing in India’s AI-Powered Gaming Future,” ଯାହା ଗେମ୍ ଡେଭଲପର୍ସ ଆସୋସିଏସନ୍ ଅଫ୍ ଇଣ୍ଡିଆର ସହଯୋଗରେ ପ୍ରସ୍ତୁତ ହୋଇଛି, ବିଶ୍ୱସ୍ତରୀୟ ବିନିଯୋଗକାରୀ ଏବଂ ଶିଳ୍ପ ନେତୃତ୍ୱମାନଙ୍କୁ ଏକାଠି କରିବ। ଏହି ଅଧିବେଶନ ବିନିଯୋଗ ଧାରା, ଏଆଇ-ସକ୍ଷମ ଉତ୍ପାଦନ ମଡେଲ, ଦକ୍ଷତା ବିକାଶ ଏବଂ ନୀତିଗତ ଢାଞ୍ଚା ଉପରେ ଆଲୋଚନା କରିବ।

ଏହି ଷ୍ଟାର୍ଟଅପ୍‌ଗୁଡ଼ିକ ଦର୍ଶାଉଛନ୍ତି ଯେ କିପରି ଏଆଇ ପରୀକ୍ଷଣରୁ ଆଗକୁ ବଢ଼ି ଗେମିଂ ଉତ୍ପାଦନ ଏବଂ ଇମର୍ସିଭ୍ ଅଭିଜ୍ଞତାରେ ଗଭୀର ଭାବରେ ଜଡ଼ିତ ହେଉଛି। ସାମଗ୍ରିକ ଭାବରେ, ସେମାନେ କେବଳ ଏକ ଉପଭୋକ୍ତା ବଜାର ନୁହେଁ ବରଂ ଏଆଇ-ମୌଳିକ ଗେମିଂ ପ୍ଲାଟଫର୍ମର ବିକାଶକାରୀ ଭାବରେ ଭାରତର ଆଗମନକୁ ସୂଚାଉଛନ୍ତି।

ଭାରତୀୟ ସୃଜନଶୀଳ ଶିଳ୍ପ ପାଇଁ ବିସ୍ତାରିତ ବିଶ୍ୱସ୍ତରୀୟ ସୁଯୋଗ

ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ ଭାରତୀୟ ଏଆଇ ଷ୍ଟାର୍ଟଅପ୍ ଏବଂ ସୃଜନଶୀଳ ପେସାଦାରମାନଙ୍କ ପାଇଁ ବିଶ୍ୱସ୍ତରୀୟ ନବସୃଜନ, ପୁଞ୍ଜି ଏବଂ ନୀତି ନେଟୱାର୍କ ସହିତ ସଂଯୋଗ ହେବା ପାଇଁ ନୂତନ ପଥ ସୃଷ୍ଟି କରିଛି। ୩୦୦ରୁ ଅଧିକ ପାଭିଲିୟନ୍ ଏବଂ ଲାଇଭ୍ ପ୍ରଦର୍ଶନ ସହିତ, ଏହି ଏକ୍ସପୋ ୬୦୦ରୁ ଅଧିକ ଷ୍ଟାର୍ଟଅପ୍ ଏବଂ ୧୩ଟି ଦେଶର ପ୍ରତିନିଧି ଦଳକୁ ଏକାଠି କରିଛି।

୧୦୦ରୁ ଅଧିକ ଦେଶର ପ୍ରମୁଖ ପ୍ରଯୁକ୍ତିବିଦ୍ୟା କମ୍ପାନୀ, ଗବେଷଣା ସଂସ୍ଥା ଏବଂ ସରକାରୀ ପ୍ରତିଷ୍ଠାନଗୁଡ଼ିକର ଅଂଶଗ୍ରହଣ ଆନ୍ତର୍ଜାତୀୟ ଉତ୍ପାଦନ ବ୍ୟବସ୍ଥା ଏବଂ ନିୟାମକ ପରିବେଶ ବିଷୟରେ ଜ୍ଞାନ ପ୍ରଦାନ କରେ। ଏହିପରି ଆଦାନପ୍ରଦାନ କ୍ରିଏଟିଭ୍ ଏଆଇ, ଆନିମେସନ୍, ଗେମିଂ ଏବଂ ଆଇପି-ନେତୃତ୍ୱାଧୀନ ବିଷୟବସ୍ତୁରେ ବେଞ୍ଚମାର୍କିଂକୁ ସହଯୋଗ କରିବା ସହ ବିନିଯୋଗ ଏବଂ ନୂତନ ବଜାର ସୁଯୋଗର ଦ୍ୱାର ଖୋଲିଥାଏ।

ନବସୃଜନ ଚ୍ୟାଲେଞ୍ଜ ଏବଂ ରଣନୀତିକ ଆଲୋଚନାଗୁଡ଼ିକ ଏଆଇ ମାନକ ଏବଂ ଡିଜିଟାଲ୍ ବାଣିଜ୍ୟ ଢାଞ୍ଚାକୁ ରୂପ ଦେଉଥିବା ପ୍ରଭାବଶାଳୀ ବିଶ୍ୱସ୍ତରୀୟ ଫୋରମ୍ ମଧ୍ୟରେ ଭାରତୀୟ ଏଣ୍ଟରପ୍ରାଇଜ୍‌ଗୁଡ଼ିକୁ ସ୍ଥାନିତ କରେ। ଏହି ସମ୍ପୃକ୍ତିଗୁଡ଼ିକ ବିଶ୍ୱବ୍ୟାପୀ ଭାରତର ସୃଜନଶୀଳ ଏବଂ ଏଆଇ-ଚାଳିତ ଶିଳ୍ପଗୁଡ଼ିକୁ ବିସ୍ତାର କରିବା ପାଇଁ ଭାରତର କ୍ଷମତାକୁ ଶକ୍ତିଶାଳୀ କରେ।

ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ରେ ଏମ୍‍ଆଇବି ପାଭିଲିୟନ୍ ପ୍ରଦର୍ଶନ କରୁଛି ଯେ ଭାରତ କିପରି ନିଜର ଏଆଇ ଦୂରଦୃଷ୍ଟିକୁ ଷ୍ଟାର୍ଟଅପ୍, କ୍ରିଏଟର ଏବଂ ନବସୃଜନକାରୀଙ୍କ ନେତୃତ୍ୱରେ ବଜାର-ଉପଯୋଗୀ ପରିଣାମରେ ରୂପାନ୍ତରିତ କରୁଛି। ମିଡିଆ, ଗେମିଂ, ଇମର୍ସିଭ୍ ଏବଂ ସୃଜନଶୀଳ ପ୍ରଯୁକ୍ତିବିଦ୍ୟାର ଏକ କେନ୍ଦ୍ରୀଭୂତ ପ୍ରଦର୍ଶନୀ ମାଧ୍ୟମରେ, ଏମ୍‍ଆଇବି ପାଭିଲିୟନ୍ ଭାରତର ଏଆଇ କ୍ଷମତାର ଗଭୀରତା ଏବଂ ପ୍ରଯୁକ୍ତିବିଦ୍ୟା, ସଂସ୍କୃତି ଓ ଏଣ୍ଟରପ୍ରାଇଜ୍‌ର ବଢ଼ୁଥିବା ସମନ୍ୱୟକୁ ପ୍ରଦର୍ଶନ କରେ।

ପାଞ୍ଚ ଦିନର ଏହି କାର୍ଯ୍ୟକ୍ରମ ଷ୍ଟାର୍ଟଅପ୍, ନୀତି ନିର୍ଦ୍ଧାରକ, ବିନିଯୋଗକାରୀ, ସ୍ରଷ୍ଟା ଏବଂ ଅନ୍ତର୍ଜାତୀୟ ଅଂଶୀଦାରମାନଙ୍କ ମଧ୍ୟରେ ନିରନ୍ତର ସମ୍ପର୍କ ସକ୍ଷମ କରିବ। ପ୍ରତିଷ୍ଠାତା-ନେତୃତ୍ୱାଧୀନ କାହାଣୀ, ନୀତିଗତ ଆଲୋଚନା ଏବଂ ଶିଳ୍ପ ସହଯୋଗ ମିଳିତ ଭାବରେ ଭାରତୀୟ ଏଆଇ ନବସୃଜନକୁ ବିଶ୍ୱସ୍ତରୀୟ ପ୍ରତିଯୋଗିତାମୂଳକ ଏବଂ ସ୍ଥାନୀୟ ଭାବରେ ସୁଦୃଢ଼ ଭାବରେ ପ୍ରତିଷ୍ଠିତ କରିଛି।

ଷ୍ଟାର୍ଟଅପ୍ ପ୍ରଦର୍ଶନୀ, ସୃଜନଶୀଳ ପରୀକ୍ଷଣ, ପ୍ରଶାସନିକ ଆଲୋଚନା ଏବଂ ବିଶ୍ୱସ୍ତରୀୟ ବଜାର ସୁଯୋଗକୁ ଏକତ୍ରିତ କରି, ଏହି ପାଭିଲିୟନ୍ ଦାୟିତ୍ୱବାନ, ଅନ୍ତର୍ଭୁକ୍ତ ଏବଂ ମାପଯୋଗ୍ୟ ଏଆଇ ଅଭିବୃଦ୍ଧି ପ୍ରତି ଭାରତର ଆଭିମୁଖ୍ୟକୁ ମଧ୍ୟ ସୁଦୃଢ଼ କରିବ। ଏହା ଏଆଇ-ମୌଳିକ (AI-native) ପ୍ଲାଟଫର୍ମ ଗଠନ କରିବା, ସୃଜନଶୀଳ ଅର୍ଥନୀତିକୁ ଶକ୍ତିଶାଳୀ କରିବା ଏବଂ ଗ୍ଲୋବାଲ ସାଉଥ୍‌ରୁ ବିଶ୍ୱସ୍ତରୀୟ ଏଆଇ ଇକୋସିଷ୍ଟମରେ ଭାରତକୁ ଏକ ପ୍ରମୁଖ ଯୋଗଦାନକାରୀ ଭାବରେ ଅବସ୍ଥାପିତ କରିବାର ଏକ ବ୍ୟାପକ ଜାତୀୟ ଆକାଂକ୍ଷାକୁ ପ୍ରତ୍ୟକ୍ଷ ଭାବରେ ପ୍ରତିଫଳିତ କରେ।