ବାସୁଦେବପୁର,୧୨/୭ : ଭଦ୍ରକ ଜିଲ୍ଲାର ବାସୁଦେବପୁର ବ୍ଲକ ପଦ୍ମପୁର ପଞ୍ଚାୟତର ସାନ ମଠବାଡିରେ ଏକ ଗାଧୁଆ ଘର ମଧ୍ୟରୁ ଅର୍ଦ୍ଧ ଦଗ୍ଧ ଅବସ୍ଥାରେ ମହିଳାଙ୍କ ଶବ ଆଜି ଉଦ୍ଧାର କରାଯାଇଛି । ସାନ ମଠବାଡିର ଅର୍ଜ୍ଜୁନ କୁମାର ଦାଶଙ୍କର ପନିୀ ମିନତୀ ଓ ଦୁଇ ପୁଅକୁ ନେଇ ସୁଖୀ ପରିବାର ଚଳି ଆସୁଥିଲେ । ଗତକାଲି ପତି ଅର୍ଜ୍ଜୁନ ଓ ପନିୀ ମିନତୀ ଦୁହିଁଙ୍କ ମଧ୍ୟରେ ଘରୋଇ କଳିକୁ କେନ୍ଦ୍ର କରି ବିଳମ୍ବିତ ରାତ୍ରିରେ ମିନତୀ ଦେହରେ କିରୋସିନି ଢାଳି ନିଆଁ ଲଗାଇ ଦେଇଥିଲେ ।
ଚିକିାର ଶୁଣି ପରିବାର ଓ ପଡୋଶୀମାନେ ଉଠି ଉଦ୍ଧାର କରିବା ବେଳକୁ ମିନତୀ ଗାଧୁଆ ଘରେ ଟଳି ପଡିଥିଲେ ବୋଲି ପରିବାର ଲୋକ ଆଲୋଚନା କରୁଥିବାର ଶୁଣିବାକୁ ମିଳିଥିଲା । ସକାଳେ ବାସୁଦେବପୁର ଥାନାର ଇନ୍ସପେକଫର ପ୍ରଦୀପ କୁମାର ମାଝୀଙ୍କ ସହିତ ଟିମ୍ ପହଞ୍ଚି ଘଟଣାର ତଦନ୍ତ କରିଥିଲେ । ଗାଧୁଆ ଘର ମଧ୍ୟରୁ ଉଦ୍ଧାର କରାଯାଇଥିବା ଶବକୁ ନେଇ ସମସ୍ତେ ସନ୍ଦେହରେ ରହୁଥିବା ବେଳେ ହତ୍ୟା ନା ଆତ୍ମହତ୍ୟା ତଦନ୍ତ ପରେ ଜଣା ପଡିବ । ଘଟଣା ସ୍ଥଳୀରେ ସାଣ୍ଟିଫିକ୍ ଟିମ୍ ପହଞ୍ଚି ତଦନ୍ତ କରି ଫେରିଯାଇଛନ୍ତି । ମୃତ ମିନତୀଙ୍କ ସ୍ୱାମୀ ଅର୍ଜ୍ଜୁନ ପୋଲିସକୁ କହିଛନ୍ତି ଦୁଇ ଦିନ ତଳେ ପତି ଓ ପନିୀଙ୍କ ମଧ୍ୟରେ କଥା କଟାକଟି ହୋଇଥିଲା । ସେ କାହିଁକି ଯେ ଏମିତି ନିଷ୍ପତ୍ତି ନେଲା ମୁଁ ଜାଣିନାହିଁ ।
