ବାଲିଗୁଡ଼ା, (ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ କ.ନୂଆଗାଁ ବ୍ଲକ୍ ଗୁମାପଦର ସ୍ଥିତ ଶ୍ରୀ ଜଗନ୍ନାଥ ଯୁବକ ସଂଘ ଆନକୂଲ୍ୟରେ ଜିଲ୍ଲା ସ୍ତରୀୟ କବାଡି ପ୍ରତିଯୋଗୀତା ଆଠ ଦିନ ଧରି ଆୟୋଜିତ ହେବା ପରେ ମଙ୍ଗଳବାର ଫାଇନାଲ ମ୍ୟାଚ୍ ଅନୁଷ୍ଠିତ ହୋଇ ଯାଇଛି l ଏଥିରେ ମୁଖ୍ୟ ଅତିଥି ଭାବେ ବାଲିଗୁଡ଼ା ବିଧାୟକ ଚକ୍ରମଣି କହଁର, ସମ୍ମାନିତ ଅତିଥି ଭାବେ ବ୍ଲକ୍ ବିଜେଡି ସଭାପତି ଭାଗ୍ୟବାନ ବେହେରା,ବିଜେଡି ସଂଗଠକ ଗଦାଧର କହଁର, ଅଚ୍ୟୁତାନନ୍ଦ ପାତ୍ର ନିଉଜ୍ ସେଭେନ୍ ପ୍ରତିନିଧି ପ୍ରମୋଦ କୁମାର ଦଣ୍ଡସେନା ପ୍ରମୁଖ ଯୋଗ ଦେଇଥିଲେ l ଏହି ମ୍ୟାଚ ରେ ସମୁଦାୟ ଚବିଶି ଟି ଦଳ ଅଂଶ ଗ୍ରହଣ କରିଥଲେ l ବାରଖମା ଦଳ ଓ ଗୋଛାପଡା ଦଳ ଫାଇନାଲ କୁ ପ୍ରବେଶ କରିଥିଲା l ଉଭୟ ଦଳର ଖେଳାଳୀ ଚିତ୍ତାକର୍ଷକ କ୍ରୀଡା ପ୍ରଦର୍ଶନ କରିଥଲେ ଏବଂ ଗୋଛାପଡ଼ା ଦଳ ବିଜୟ ଲାଭ କରିଥିଲା l ଆମନ୍ତ୍ରିତ ଅତିଥି ଗଣ ବିଜେତା ଓ ଉପ ବିଜେତା ଦଳ ଙ୍କୁ ଟ୍ରଫି ସହିତ ନଗଦ ଅର୍ଥ ରାଶି ପ୍ରଦାନ କରିଥିଲେ l ଶ୍ରୀ ଜଗନ୍ନାଥ ଯୁବକ ସଂଘ ର ସଭାପତି ମୁନି ଡିଗାଲ, ଉପ ସଭାପତି ସଚିଦାନନ୍ଦ ପାତ୍ର, ବିରସିଂହ ପାତ୍ର, ମଳୟ ପାତ୍ର, ବିସ୍କେସନ ପାତ୍ର ଙ୍କ ସମେତ ସଂଘ ର ସମସ୍ତ କାର୍ଯ୍ୟକର୍ତ୍ତା ଓ ଗୁମାପଦର ଗ୍ରାମବାସୀ ଙ୍କ ଉଦ୍ୟମ ରେ ସଫଳତାର ସହ ଆୟୋଜନ ହୋଇଥିଲା l ଫାଇନାଲ ମ୍ୟାଚ ଦେଖିବାକୁ ସ୍ଥାନୀୟ ଅଞ୍ଚଳର ଶତାଧିକ ପୁରୁଷ ମହିଳା ଯୁବକ ଯୁବତୀ ଯୋଗ ଦେଇଥିଲେ l
