ଏଆଇ ଯୁଗରେ ଭାରତର ଯୁବଶକ୍ତି

ଏଆଇ ଯୁଗରେ ଭାରତର ଯୁବଶକ୍ତି , ପ୍ରମୁଖ ବିନ୍ଦୁ
● ଭାରତର ଜନସଂଖ୍ୟାଗତ ସୁବିଧା ଏହାର ଏଆଇ ରୂପାନ୍ତରଣକୁ ଶକ୍ତିଶାଳୀ କରୁଛି, ଯେଉଁଥିରେ ୩୫ ବର୍ଷରୁ କମ୍ ବୟସର ୬୫% ରୁ ଅଧିକ ଜନତା ଦେଶର ଡିଜିଟାଲ୍ ଏବଂ ନବସୃଜନ ରଣନୀତିର କେନ୍ଦ୍ରବିନ୍ଦୁରେ ରହିଛନ୍ତି।
● ବିଦ୍ୟାଳୟ, ବୈଷୟିକ ଶିକ୍ଷା ପ୍ଲାଟଫର୍ମ, ଉନ୍ନତ ଗବେଷଣା ଫେଲୋସିପ୍ ଏବଂ ଶିଳ୍ପ ସହଭାଗିତା ମାଧ୍ୟମରେ ଜାତୀୟ ସ୍ତରରେ ଏଆଇ ଦକ୍ଷତା ବୃଦ୍ଧି କାର୍ୟ୍ୟକ୍ରମକୁ ତ୍ୱରାନ୍ୱିତ କରାଯାଉଛି।
● ‘ଇଣ୍ଡିଆ-ଏଆଇ ମିଶନ’ ଅଧୀନରେ ସୁଲଭ ଏଆଇ ଭିତ୍ତିଭୂମି ଏବଂ ନୀତିଗତ ସହାୟତା, ମେଟ୍ରୋ ସହର ବାହାରେ କମ୍ପ୍ୟୁଟ୍, ଡାଟା ଏବଂ ନବସୃଜନ ସୁଯୋଗର ଗଣତାନ୍ତ୍ରିକରଣ କରୁଛି।
● ଯୁବ-ନେତୃତ୍ୱାଧୀନ ନବସୃଜନ ପରୀକ୍ଷାମୂଳକ ସ୍ତରରୁ ବାହାରି ବିଶ୍ୱସ୍ତରୀୟ ପ୍ରଭାବ ପକାଇବା ଦିଗରେ ଗତି କରୁଛି, ଯାହା ଭାରତକୁ ଏକ ଦାୟିତ୍ୱବାନ, ଅନ୍ତର୍ଭୁକ୍ତୀକରଣ ଏବଂ ବ୍ୟବହାର-ଭିତ୍ତିକ ଏଆଇ ନେତୃତ୍ୱର କେନ୍ଦ୍ର ଭାବରେ ସ୍ଥାପନ କରିବାକୁ ଯାଉଛି।
ଭାରତର କୃତ୍ରିମ ବୁଦ୍ଧିମତା (ଏଆଇ) ଯାତ୍ରାରେ ଦେଶର ଯୁବପିଢ଼ିଙ୍କୁ କେନ୍ଦ୍ରବିନ୍ଦୁରେ ରଖି ନିକଟରେ ଏକ ଶକ୍ତିଶାଳୀ ଦୂରଦୃଷ୍ଟି ସମ୍ପନ୍ନ ‘ଇଣ୍ଡିଆ-ଏଆଇ ଇମ୍ପାକ୍ଟ ସମିଟ୍ ୨୦୨୬’ ଆୟୋଜିତ ହୋଇଛି। ୧୬ ଫେବୃଆରୀରୁ ୨୦ ଫେବୃୟାରୀ ୨୦୨୬ ଯାଏ ଏହି ସମ୍ମିଳନୀ କେବଳ ଏକ ଭବିଷ୍ୟତର ସ୍ୱପ୍ନ ନୁହେଁ, ବରଂ ଏଆଇକୁ ଏକ ପରିବର୍ତ୍ତନକାରୀ ଶକ୍ତି ଭାବରେ ଦର୍ଶାଇଛି, ଯାହା ଶ୍ରମ ଏବଂ ଜୀବିକାକୁ ନୂଆ ରୂପ ଦେଉଛି। ଭାରତରେ ବିଶ୍ୱର ସର୍ବାଧିକ ଯୁବଶକ୍ତି ରହିଛନ୍ତି। ଏହାର ସମୁଦାୟ ଜନସଂଖ୍ୟାର ୬୫% ରୁ ଅଧିକ ଲୋକ ହେଉଛନ୍ତି ୩୫ ବର୍ଷରୁ କମ୍ ବୟସର ଜନତା। ଏହି ଜନ ଶକ୍ତି ଦେଶର ଅର୍ଥନୈତିକ ଗତିଶୀଳତାର ଏକ ଇଞ୍ଜିନ୍ ଭାବରେ କାର୍ୟ୍ୟ କରୁଛି।

ଏହି ସମ୍ମିଳନୀ ପରୋକ୍ଷ ଶିକ୍ଷାରୁ ସକ୍ରିୟ ଅଂଶଗ୍ରହଣକୁ ପ୍ରତିଫଳିତ କରିଛି। ଏହା ବିଭିନ୍ନ କ୍ଷେତ୍ରରେ ନିଯୁକ୍ତିକୁ ପୁନଃବିଶ୍ଳେଷଣ କରି ନୂତନ ଦକ୍ଷତା ଉପରେ ଗୁରୁତ୍ୱ ଦେବା ସହିତ ଶିଳ୍ପ ଜଗତର ଆବଶ୍ୟକତା ଓ ଶିକ୍ଷାକୁ ସେହି ଆବଶ୍ୟକତା ପୂରଣ କରିବାର ଜରୁରୀ ଆବଶ୍ୟକତାକୁ ଦର୍ଶାଇଛି। ମୋଟାମୋଟି ଭାବେ କହିବାକୁ ଗଲେ ଏହି ସମ୍ମିଳନୀ ନିଯୁକ୍ତି ଯୋଗ୍ୟତା ବୃଦ୍ଧି କରିବା, ଉତ୍ପାଦନ କ୍ଷମତା ବଢ଼ାଇବା ଏବଂ ଶ୍ରେଣୀଗୃହରୁ ଏଆଇ-ଚାଳିତ କ୍ୟାରିୟର୍ ପର୍ୟ୍ୟନ୍ତ ଏକ ସହଜ ସେତୁ ନିର୍ମାଣ କରିବା ଦିଗରେ ପ୍ରେରିତ ହୋଇଛି।
‘ଇଣ୍ଡିଆ-ଏଆଇ ଇମ୍ପାକ୍ଟ ସମିଟ୍ ୨୦୨୬’ ରେ, ଯୁବ ସୃଜନକାରୀମାନେ ନବସୃଜନ ଆହ୍ୱାନ, ଷ୍ଟାର୍ଟଅପ୍ ପିଚ୍ ଏବଂ ସମାଧାନର ପ୍ରତ୍ୟକ୍ଷ ପ୍ରଦର୍ଶନ ଭଳି ପ୍ରୟୋଗାତ୍ମକ ପ୍ଲାଟଫର୍ମ ମାଧ୍ୟମରେ ଏହି କାର୍ୟ୍ୟସୂଚୀକୁ ଆଗକୁ ନେଉଛନ୍ତି। ଏହି ସଂଗଠିତ ପ୍ରୟାସଗୁଡ଼ିକ ଦକ୍ଷତାକୁ ବଜାରର ଆବଶ୍ୟକତା ସହିତ ଯୋଡୁଛି ଏବଂ ଭାରତର ଯୁବ ସମ୍ଭାବନାକୁ ଉତ୍ପାଦନ ଶକ୍ତିରେ ପରିଣତ କରୁଛି। ଏହି ସମ୍ମିଳନୀ ଆନିମେସନ୍, ଭିଜୁଆଲ୍ ଇଫେକ୍ଟସ୍ (ଠୠଢ), ଗେମିଙ୍ଗ୍ ଏବଂ କମିକ୍ସ ପରି ନୂତନ କ୍ଷେତ୍ରଗୁଡିକରେ ନିଯୁକ୍ତି ସୃଷ୍ଟିକୁ ତ୍ୱରାନ୍ୱିତ କରିବା ପାଇଁ ଏକ ପ୍ରେରକ ଶକ୍ତି ଭାବରେ କାର୍ୟ୍ୟ କରୁଛି, ଯେଉଁଥିରେ ୨୦୩୦ ସୁଦ୍ଧା ପ୍ରାୟ ୨୦ ଲକ୍ଷ ନିଯୁକ୍ତି ସୃଷ୍ଟି ହେବାର ଅନୁମାନ କରାଯାଉଛି। ବିଶ୍ୱସ୍ତରୀୟ ଜ୍ଞାନ ସହିତ ଯୁବ ଦକ୍ଷତା ବିକାଶ ଏବଂ ନିଯୁକ୍ତି ସୃଷ୍ଟିକୁ ମିଶ୍ରିତ କରି ଭାରତ ନିଜର ଜନସଂଖ୍ୟାଗତ ଲାଭାଂଶକୁ ଏଆଇ ରଣନୀତି ଏବଂ ଏକ ଭବିଷ୍ୟତ-ପ୍ରସ୍ତୁତ କାର୍ୟ୍ୟବଳର ମୂଳଦୁଆ ଭାବରେ ସୁଦୃଢ଼ କରୁଛି।
ଭାରତର ପ୍ରତିଭା ସମୂହ ପାଇଁ ଏକ ସୁଯୋଗ ଭାବରେ ଏଆଇ
ଭାରତର ବିଶାଳ ପ୍ରତିଭା ସମୂହ ପାଇଁ ଏଆଇ ଦ୍ରୁତ ଗତିରେ ଏକ ପରିବର୍ତ୍ତନକାରୀ ସୁଯୋଗ ଭାବରେ ଉଭା ହେଉଛି। ନିଯୁକ୍ତି କ୍ଷେତ୍ରକୁ ପୁନଃ ନିର୍ମାଣ କରି ଏଆଇ ନୂତନ ଭୂମିକା ସୃଷ୍ଟି କରୁଛି, ଉତ୍ପାଦନ କ୍ଷମତା ବୃଦ୍ଧି କରୁଛି ଏବଂ ଅନ୍ତର୍ଭୁକ୍ତୀକରଣ ଅଭିବୃଦ୍ଧି ପାଇଁ ପଥ ପ୍ରଶସ୍ତ କରୁଛି। ଭାରତ ଏଆଇ ଶକ୍ତିକୁ ଯୁବକମାନଙ୍କ ନିଯୁକ୍ତି ଏବଂ ଦକ୍ଷତା ବିସ୍ତାର କରିବାର ଏକ ପ୍ରମୁଖ ମାଧ୍ୟମ ଭାବରେ ଦେଖୁଛି, ଯେଉଁଥିରେ ଉଦୀୟମାନ ପ୍ରଯୁକ୍ତିବିଦ୍ୟା ସହିତ ସାମଗ୍ରିକ ବିକାଶ ଏବଂ ପ୍ରତିଭା ବିକାଶର ସମନ୍ୱୟ ରହିଛି।
ଏଆଇ ଦକ୍ଷତା ପାଇଁ ବଢୁଥିବା ଚାହିଦା

ଏଆଇ ଦକ୍ଷତା ଏବଂ ଚାକିରି ପାଇଁ ବଢୁଥିବା ଚାହିଦା ଭାରତୀୟ ଯୁବପିଢ଼ିଙ୍କ ପାଇଁ ସୁଯୋଗଗୁଡିକୁ ନୂଆ ରୂପ ଦେଉଛି। ଜାନୁଆରୀ ୨୦୨୩ ରୁ ମାର୍ଚ୍ଚ ୨୦୨୫ ମଧ୍ୟରେ, ଦକ୍ଷିଣ ଏସିଆରେ ଏଆଇ ସମ୍ବନ୍ଧୀୟ ଚାକିରି ବିଜ୍ଞପ୍ତି ସମସ୍ତ ଖାଲି ପଦବୀର ୨.୯% ରୁ ୬.୫% କୁ ବୃଦ୍ଧି ପାଇଛି, ଯେଉଁଥିରେ ଏଆଇ ଦକ୍ଷତାର ଚାହିଦା ଅଣ-ଏଆଇ ଭୂମିକା ତୁଳନାରେ ୭୫% ଦ୍ରୁତ ଗତିରେ ବଢୁଛି। ଏହି ପରିବର୍ତ୍ତନ ଭାରତର ଶ୍ରମ ବଜାରରେ ଏକ ଗଠନମୂଳକ ରୂପାନ୍ତରଣର ସଙ୍କେତ ଦିଏ—ଯାହା କ୍ରମାଗତ ଭାବରେ ଡିଜିଟାଲ୍ ଦକ୍ଷତା, ଉନ୍ନତ ବୈଷୟିକ କ୍ଷମତା ଏବଂ ବହୁ ବିଷୟ ଜ୍ଞାନକୁ ଅଧିକ ପ୍ରାଧାନ୍ୟ ଦେଉଛି। ଭାରତର ଯୁବପିଢ଼ିଙ୍କ ପାଇଁ ଏଆଇ କେବଳ ଏକ ବୈଷୟିକ ଶକ୍ତି ନୁହେଁ, ବରଂ ଏକ ଦିଗଦର୍ଶନ, ଯାହା ପ୍ରଯୁକ୍ତିବିଦ୍ୟା ଏବଂ ଏହାର ଆନୁଷଙ୍ଗିକ କ୍ଷେତ୍ରଗୁଡିକରେ ଦକ୍ଷତା-ଭିତ୍ତିକ, ଭବିଷ୍ୟତ-ପ୍ରସ୍ତୁତ ନିଯୁକ୍ତି ସୃଷ୍ଟି କରିବାରେ ସହାୟକ ହେବ।
ଏଆଇ-ପ୍ରସ୍ତୁତ ଯୁବ ଦକ୍ଷତା ପାଇଁ ନୀତିଗତ ପ୍ରୋତ୍ସାହନ
ଏଆଇକୁ ଏକ ରଣନୈତିକ ନିଯୁକ୍ତି ଚାଳକ ଭାବରେ ସ୍ୱୀକୃତି ଦେଇ, କେନ୍ଦ୍ର ବଜେଟ୍ ୨୦୨୬-୨୭ ଏଆଇ ଦକ୍ଷତା ଏବଂ ପ୍ରତିଭା ବିକାଶ ଉପରେ ସରକାରଙ୍କ ଗୁରୁତ୍ୱକୁ ପୁନଃ ନିଶ୍ଚିତ କରିଛି। ଏହି ବଜେଟ୍ ଅରେଞ୍ଜ୍ ଇକୋନୋମିକୁ ପ୍ରାଥମିକତା ଦେଇଛି, ଯାହା ଆନିମେସନ୍, ଗେମିଙ୍ଗ୍, ଡିଜିଟାଲ୍ କଣ୍ଟେଣ୍ଟ୍ ଏବଂ ଇମର୍ସିଭ୍ ମିଡିଆ ଭଳି ଏଆଇ-ଚାଳିତ କ୍ଷେତ୍ରଗୁଡିକ ସହିତ ଜଡ଼ିତ। ଏଥିରେ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ କ୍ରିଏଟିଭ୍ ଟେକ୍ନୋଲୋଜି (ଓଓଉଞ), ମୁମ୍ବାଇ କୁ ୧୫,୦୦୦ ବିଦ୍ୟାଳୟ ଏବଂ ୫୦୦ କଲେଜରେ ଏଆଇ-ଆଲାଇନ୍ଡ୍ କଣ୍ଟେଣ୍ଟ କ୍ରିଏଟର ଲ୍ୟାବ୍ ସ୍ଥାପନ କରିବାକୁ ସହାୟତା ପ୍ରଦାନ କରାଯାଇଛି, ଯାହା ଯୁବପିଢ଼ିଙ୍କ ପାଇଁ ଭବିଷ୍ୟତ-ପ୍ରସ୍ତୁତ ଦକ୍ଷତା ହାସଲ କରିବା ଏବଂ ଏଆଇ-କେନ୍ଦ୍ରିକ ଚାକିରି କ୍ଷେତ୍ରରେ ପ୍ରବେଶ କରିବା ପାଇଁ ପଥ ଉନ୍ମୁକ୍ତ କରୁଛି। ଏହି ପଦକ୍ଷେପ ପ୍ରାୟ ୨୦ ଲକ୍ଷ ନୂତନ ନିଯୁକ୍ତି ସୃଷ୍ଟି କରିବ ବୋଲି ଅନୁମାନ କରାଯାଉଛି, ଯାହା ସାରା ଭାରତରେ ଛାତ୍ରଛାତ୍ରୀ, ସ୍ରଷ୍ଟା ଏବଂ ଯୁବ ବୃତ୍ତିଜୀବୀଙ୍କ ନିଯୁକ୍ତି ସମ୍ଭାବନାକୁ ସିଧାସଳଖ ବୃଦ୍ଧି କରିବ।
ବଜେଟରେ ବିଭିନ୍ନ କ୍ଷେତ୍ରରେ ଚାକିରି ଏବଂ ଦକ୍ଷତା ଗଠନ ପାଇଁ ଏଆଇ ଏବଂ ଉଦୀୟମାନ ପ୍ରଯୁକ୍ତିବିଦ୍ୟାକୁ କେନ୍ଦ୍ର ଭାବରେ ଦର୍ଶାଯାଇଛି। ଶିକ୍ଷା, କାର୍ୟ୍ୟ ଏବଂ ଉଦ୍ୟୋଗ ଚାହିଦା ମଧ୍ୟରେ ସମନ୍ୱୟ ରକ୍ଷା କରିବା ଲକ୍ଷ୍ୟରେ ଏଆଇ ଏବଂ ସମ୍ପୃକ୍ତ ପ୍ରଯୁକ୍ତିବିଦ୍ୟା ଚାକିରି ଏବଂ ଦକ୍ଷତା ଆବଶ୍ୟକତାକୁ କିପରି ପ୍ରଭାବିତ କରୁଛି, ତାହାର ଆକଳନ କରିବା ପାଇଁ ଏକ ଶିକ୍ଷାରୁ ନିଯୁକ୍ତି ଏବଂ ଉଦ୍ୟୋଗ ସ୍ଥାୟୀ କମିଟି ଗଠନ ପାଇଁ ପ୍ରସ୍ତାବ ଦିଆଯାଇଛି।
ଏଆଇ ଭିତ୍ତିଭୂମିର ସୁଯୋଗକୁ ଗଣତାନ୍ତ୍ରିକରଣ କରିବା
ଭାରତର ପ୍ରତିଭା ସମୂହ ମଧ୍ୟରେ ସୁଯୋଗର ସମ୍ପ୍ରସାରଣ ପାଇଁ ଡିଜିଟାଲ୍ ଭିତ୍ତିଭୂମିରେ ସମାନ ପ୍ରବେଶାଧିକାର ମଧ୍ୟ ଆବଶ୍ୟକ। ‘ଇଣ୍ଡିଆ-ଏଆଇ ମିଶନ’ ଅଧୀନରେ, ସରକାର ଏଆଇ କ୍ଷମତାକୁ ସୁଦୃଢ଼ କରିବା ଏବଂ ବର୍ତ୍ତମାନର ୩୮,୦୦୦ ଜିପିୟୁ ବାହାରେ କମ୍ପ୍ୟୁଟ୍ କ୍ଷମତା ବୃଦ୍ଧି ପାଇଁ ୧୦,୩୦୦ କୋଟି ଟଙ୍କାରୁ ଅଧିକ ବ୍ୟୟବରାଦ କରିଛନ୍ତି, ଯେଉଁଥିରେ ଅତିରିକ୍ତ ୨୦,୦୦୦ ହାଇ-ଏଣ୍ଡ୍ ଜିପିୟୁ ଯୋଡ଼ାଯିବ। ଘଣ୍ଟା ପ୍ରତି ୬୫ ଟଙ୍କାର ରିହାତି ଦରରେ ପ୍ରଦାନ କରାଯାଉଥିବା ଏହି କମ୍ପ୍ୟୁଟ୍ ସୁବିଧା ଷ୍ଟାର୍ଟଅପ୍, ଯୁବ ନବସୃଜନକାରୀ ଏବଂ ସରକାରୀ ପ୍ରତିଷ୍ଠାନଗୁଡିକ ପାଇଁ ପ୍ରତିବନ୍ଧକକୁ ହ୍ରାସ କରୁଛି। କମ୍ପ୍ୟୁଟ୍, ଡାଟାସେଟ୍ ଏବଂ ମଡେଲ୍ ଇକୋସିଷ୍ଟମରେ ପ୍ରବେଶାଧିକାରକୁ ଗଣତାନ୍ତ୍ରିକରଣ କରି ଭାରତ ଏହା ନିଶ୍ଚିତ କରୁଛି ଯେ ଏଆଇ ସୁଯୋଗ କେବଳ ମେଟ୍ରୋ ସହରଗୁଡିକରେ ସୀମିତ ନ ରହି ଦେଶବ୍ୟାପୀ ଆଶାୟୀ ପ୍ରତିଭାମାନଙ୍କ ପାଇଁ ଉପଲବ୍ଧ ହେବ। ୫୮,୦୦୦ ରୁ ଅଧିକ ଜିପିୟୁର ଯୋଜନାବଦ୍ଧ ସମ୍ପ୍ରସାରଣ ଜାତୀୟ ସ୍ତରରେ ଅନ୍ତର୍ଭୁକ୍ତୀକରଣ, ଦାୟିତ୍ୱବାନ ନବସୃଜନ ଏବଂ ଏଆଇ ଅର୍ଥନୀତିରେ ବ୍ୟାପକ ସହଭାଗିତା ପାଇଁ ପ୍ରତିବଦ୍ଧତାକୁ ଦର୍ଶାଉଛି।
ଦକ୍ଷତା, ନବସୃଜନ ଏବଂ ସୁଯୋଗକୁ ସମନ୍ୱିତ କରି ଏଆଇ ଯୁବ-ଚାଳିତ ଅର୍ଥନୈତିକ ଅଭିବୃଦ୍ଧି ଏବଂ ବିଶ୍ୱସ୍ତରୀୟ ପ୍ରତିଦ୍ୱନ୍ଦ୍ୱିତା ପାଇଁ ଏକ ଶକ୍ତିଶାଳୀ ଇଞ୍ଜିନ୍ ପାଲଟିଛି।
ଏକ ଦକ୍ଷ ଏଆଇ-ପ୍ରସ୍ତୁତ ପ୍ରତିଭା ଗୋଷ୍ଠୀ ଗଠନ ପାଇଁ ରାଷ୍ଟ୍ରସ୍ତରୀୟ ପ୍ରୟାସ
ଭାରତ ସରକାର ବିଦ୍ୟାଳୟ ଶିକ୍ଷା, ବୈଷୟିକ ପ୍ରଶିକ୍ଷଣ, ଉଚ୍ଚଶିକ୍ଷା ଏବଂ ବୃତ୍ତିଗତ ଦକ୍ଷତା ବୃଦ୍ଧି ମାଧ୍ୟମରେ ଏକ ବ୍ୟାପକ ଏଆଇ ପ୍ରତିଭା ପାଇପଲାଇନ ନିର୍ମାଣ କରୁଛନ୍ତି। ଏହି ପଦକ୍ଷେପଗୁଡିକର ଲକ୍ଷ୍ୟ ହେଉଛି ଶିଳ୍ପ ଚାହିଦା ଅନୁଯାୟୀ ଯୁବପିଢ଼ିଙ୍କୁ ମୌଳିକ, ମଧ୍ୟବର୍ତ୍ତୀ ଏବଂ ଉନ୍ନତ ଏଆଇ କ୍ଷମତାରେ ସଜ୍ଜିତ କରିବା।
ବିଦ୍ୟାଳୟଗୁଡିକରେ ମୌଳିକ ଏଆଇ ସାକ୍ଷରତା
● ଜାତୀୟ ଶିକ୍ଷା ନୀତି (ଘଋଚ) ୨୦୨୦: ଏହି ନୀତି ଡିଜିଟାଲ୍ ଏବଂ ଏଆଇ ସାକ୍ଷରତାକୁ ଏକ ଅପରିହାର୍ୟ୍ୟ ଦକ୍ଷତା ଭାବରେ ପ୍ରାଥମିକତା ଦେଉଛି। ଏହା ପରବର୍ତ୍ତୀ ପିଢ଼ିକୁ ଦ୍ରୁତ ବୈଷୟିକ ବିବର୍ତ୍ତନ ପାଇଁ ପ୍ରସ୍ତୁତ କରିବା ଲାଗି ସମସ୍ତ ଶିକ୍ଷା ସ୍ତରରେ କମ୍ପ୍ୟୁଟେସନାଲ୍ ଚିନ୍ତାଧାରା ଏବଂ ଏଆଇ ଧାରଣାଗୁଡ଼ିକୁ ଅନ୍ତର୍ଭୁକ୍ତ କରୁଛି। ଏହି ସାମଗ୍ରିକ ଆଭିମୁଖ୍ୟ ଡାଟା-ଚାଳିତ ନିଷ୍ପତ୍ତି ଗ୍ରହଣ ଏବଂ ନୈତିକ ଏଆଇ ନୀତିଗୁଡିକ ସହିତ ଶୀଘ୍ର ପରିଚିତ କରାଇଥାଏ, ପ୍ରାଥମିକ ବିଦ୍ୟାଳୟରୁ ନବସୃଜନର ଏକ ସଂସ୍କୃତି ଗଠନ କରେ ଏବଂ ଭାରତୀୟ ଛାତ୍ରମାନଙ୍କୁ ବିଶ୍ୱସ୍ତରୀୟ ଏଆଇ ବ୍ୟବସ୍ଥାରେ ଭବିଷ୍ୟତ-ପ୍ରସ୍ତୁତ ଯୋଗଦାନକାରୀ ଭାବରେ ସ୍ଥାପିତ କରେ।
● କୃତ୍ରିମ ବୁଦ୍ଧିମତ୍ତା ଏବଂ କମ୍ପ୍ୟୁଟେସନାଲ୍ ଚିନ୍ତନ ( ଇଓ ଌ ଉଞ): ଏହି ପଦକ୍ଷେପ ତୃତୀୟ ଶ୍ରେଣୀରୁ ଆରମ୍ଭ କରି ଶିକ୍ଷାଦାନ, ଚିନ୍ତାଧାରା ଏବଂ ଶିକ୍ଷାଦାନ ପଦ୍ଧତିକୁ ପୁନଃ ବ୍ୟାଖ୍ୟା କରୁଛି ଏବଂ “ଜନକଲ୍ୟାଣ ପାଇଁ ଏଆଇ” ଦିଗରେ ଅଗ୍ରସର ହେଉଛି। ଏହି ମୌଳିକ ପଦକ୍ଷେପ ସ୍ୱାଭାବିକ ଭାବରେ ପାଠ୍ୟକ୍ରମରେ ନୈତିକ ଏଆଇ ଅଭ୍ୟାସଗୁଡ଼ିକୁ ସମନ୍ୱିତ କରେ, ଯାହା ଯୁବ ଶିକ୍ଷାର୍ଥୀମାନଙ୍କୁ ଆଲଗୋରିଦମ୍, ସମସ୍ୟା ସମାଧାନ ଏବଂ ସାମାଜିକ ପ୍ରୟୋଗଗୁଡ଼ିକୁ ଶୀଘ୍ର ବୁଝିବାରେ ସକ୍ଷମ କରେ, ଯଦ୍ଦ୍ୱାରା ଏକ ଏଆଇ-ପ୍ରାଧାନ୍ୟ ଭବିଷ୍ୟତ ପାଇଁ ଜ୍ଞାନଗତ ପ୍ରତିରୋଧକ ଶକ୍ତି ନିର୍ମାଣ ହୋଇପାରେ।
● ଣଟଠଏଆଇ (ଏଆଇ ସହିତ ବିକାଶ ପାଇଁ ଯୁବାଶକ୍ତି ): ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳୟ (ଗରସଗ୍ଧଣ) ର ଣଟଠଇସ, ନ୍ୟାସନାଲ୍ ଇ-ଗଭର୍ଣ୍ଣାନ୍ସ ଡିଭିଜନ୍ (ଘରଏଊ) ସହିତ ମିଳିତ ଭାବେ ଆରମ୍ଭ ହୋଇଛି, ଯାହା ଅଷ୍ଟମରୁ ଦ୍ୱାଦଶ ଶ୍ରେଣୀର ଛାତ୍ରଛାତ୍ରୀମାନଙ୍କୁ ଆଠଟି ବିଷୟବସ୍ତୁ ଭିତ୍ତିକ କ୍ଷେତ୍ରରେ ବ୍ୟବହାରିକ ଏଆଇ ସମାଧାନ ପ୍ରସ୍ତୁତ କରିବାକୁ ସଶକ୍ତ କରେ।
● ସମସ୍ତଙ୍କ ପାଇଁ ୟୁବା ଏଆଇ: ‘ୟୁବା ଏଆଇ ‘ ୧୧ଟି ଭାଷାରେ (ଅହମୀୟା, ବଙ୍ଗାଳୀ, ଗୁଜରାଟୀ, ହିନ୍ଦୀ, କନ୍ନଡ, ମାଲାୟାଲମ୍, ମରାଠୀ, ଓଡ଼ିଆ, ପଞ୍ଜାବୀ, ତାମିଲ୍, ତେଲୁଗୁ) ଏକ ମାଗଣା ଜାତୀୟ ଏଆଇ ସାକ୍ଷରତା ପାଠ୍ୟକ୍ରମ ପ୍ରଦାନ କରେ। ଊଓକଝଐଇ, ସଏଙଞ କବକ୍ସଜ୍ଞବଚ୍ଚକ୍ଟଶସ, ଏବଂ ୠଙ୍କଗ୍ଧଙ୍କକ୍ସରଝଳସକ୍ଷକ୍ଷଗ୍ଦ ଚକ୍ସସଜ୍ଞର ମାଧ୍ୟମରେ ଉପଲବ୍ଧ ଏହି ପାଠ୍ୟକ୍ରମ ୧ କୋଟି ନାଗରିକଙ୍କୁ ମୌଳିକ ଏଆଇ ଦକ୍ଷତା ପ୍ରଦାନ କରିବାକୁ ଲକ୍ଷ୍ୟ ରଖିଛି। ଏହି ବ୍ୟାପକ ପଦକ୍ଷେପ ଜ୍ଞାନକୁ ଗଣତାନ୍ତ୍ରିକ କରିଥାଏ, ସହର-ଗ୍ରାମାଞ୍ଚଳ ମଧ୍ୟରେ ଥିବା ବ୍ୟବଧାନକୁ ହ୍ରାସ କରେ ଏବଂ ଏଆଇ କୁ ଏକ ମୌଳିକ ଜୀବନ ଦକ୍ଷତା ଭାବରେ ଗଢିତୋଳେ, ଯାହା ଜନସାଧାରଣଙ୍କ ଅଂଶଗ୍ରହଣ ଏବଂ ବ୍ୟାପକ ପ୍ରଯୁକ୍ତିବିଦ୍ୟା ଗ୍ରହଣ ପାଇଁ ପ୍ରସ୍ତୁତିକୁ ବୃଦ୍ଧି କରିଥାଏ।

ଧନ୍ଦାମୂଳକ ଏବଂ ଶିଳ୍ପ-ଭିତ୍ତିକ ପ୍ରଶିକ୍ଷଣ
● ସ୍କିଲ୍ ଇଣ୍ଡିଆ ମିଶନ ଏବଂ ‘ସୋର’ ପଦକ୍ଷେପ: ଦକ୍ଷତା ବିକାଶ ଏବଂ ଉଦ୍ୟୋଗ ମନ୍ତ୍ରଣାଳୟ ନେତୃତ୍ୱରେ ପରିଚାଳିତ ‘ସ୍କିଲ୍ ଇଣ୍ଡିଆ ମିଶନ’ ବୈଷୟିକ ପ୍ରଶିକ୍ଷଣରେ ଏଆଇକୁ ସମନ୍ୱିତ କରୁଛି। ଏହାର ‘ସୋର’ (ଝଳସକ୍ଷକ୍ଷସଦ୍ଭଶ ଲକ୍ଟକ୍ସ ଇଓ ଜରବୟସଦ୍ଭରଗ୍ଦଗ୍ଦ) ପଦକ୍ଷେପ ମାଧ୍ୟମରେ ମାଇକ୍ରୋସଫ୍ଟ, ଏଚସିଏଲ ଟେକ୍ନୋଲୋଜି ଏବଂ ନାସକମ୍ (ଘଇଝଝଉଙଗ) ସହିତ ସହଭାଗିତାରେ ଡିସେମ୍ବର ୨୦୨୫ ସୁଦ୍ଧା ୧.୩୪ ଲକ୍ଷ ଛାତ୍ରଛାତ୍ରୀ ଏବଂ ଶିକ୍ଷକ ନାମ ଲେଖାଇଛନ୍ତି। ରାଷ୍ଟ୍ରପତିଙ୍କ ‘୰ଝଳସକ୍ଷକ୍ଷଗ୍ଧଷରଘବଗ୍ଧସକ୍ଟଦ୍ଭ’ ଚ୍ୟାଲେଞ୍ଜ ଦ୍ୱାରା ପରିପୃଷ୍ଟ ଏହି କାର୍ୟ୍ୟକ୍ରମ ମୌଳିକ ଏବଂ ପ୍ରାୟୋଗିକ ଏଆଇ ପାଠ୍ୟକ୍ରମ ପ୍ରଦାନ କରୁଛି, ଯାହା କାର୍ୟ୍ୟବଳର ରୂପାନ୍ତରଣକୁ ତ୍ୱରାନ୍ୱିତ କରିବା ସହ ଉଚ୍ଚ-ଚାହିଦା ବିଶିଷ୍ଟ ଟେକ୍ନୋଲୋଜି କ୍ଷେତ୍ରରେ ନିଯୁକ୍ତି ଯୋଗ୍ୟତା ବୃଦ୍ଧି କରୁଛି।
● ଫ୍ୟୁଚର ସ୍କିଲ୍ସ ପ୍ରାଇମ ପଦକ୍ଷେପ: ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବଦ୍ୟା ମନ୍ତ୍ରଣାଳୟ ଏବଂ ନାସକମ୍ର ଏହି ମିଳିତ ପଦକ୍ଷେପ ଏଆଇ, ବିଗ୍ ଡାଟା, କ୍ଲାଉଡ୍ କମ୍ପ୍ୟୁଟିଂ ଏବଂ ଅନ୍ୟାନ୍ୟ ଉଦୀୟମାନ ପ୍ରଯୁକ୍ତିବିଦ୍ୟାରେ ବୃତ୍ତିଜୀବୀମାନଙ୍କ ଦକ୍ଷତା ବୃଦ୍ଧି ଉପରେ ଧ୍ୟାନ ଦେଇଥାଏ। ଏହି ପଦକ୍ଷେପ ‘ଜାତୀୟ ପେସାଦାର ମାନକ’ (ଏନ୍ଓଏସ୍) ଏବଂ ‘ଜାତୀୟ ଦକ୍ଷତା ଯୋଗ୍ୟତା ଢାଞ୍ଚା’ (ଏନ୍ଏସ୍କ୍ୟୁଏଫ) ଦ୍ୱାରା ସମନ୍ୱିତ, ଯାହା ଶିକ୍ଷାର୍ଥୀମାନଙ୍କୁ ନିଯୁକ୍ତିଦାତାଙ୍କ ଦ୍ୱାରା ଅଧିକ ପସନ୍ଦ କରାଯାଉଥିବା ଚାହିଦା-ଭିତ୍ତିକ ଦକ୍ଷତା ହାସଲ କରିବାରେ ସକ୍ଷମ କରେ। ୨୫.୩ ଲକ୍ଷରୁ ଅଧିକ ପଞ୍ଜିକୃତ ଶିକ୍ଷାର୍ଥୀ ଏବଂ ୩,୦୦୦ ରୁ ଅଧିକ ପାଠ୍ୟକ୍ରମ ଓ ପଥ ସହିତ, ଏହି ପ୍ଲାଟଫର୍ମ ସିଧାସଳଖ କାର୍ୟ୍ୟବଳର ରୂପାନ୍ତରଣରେ ସହାୟକ ହେଉଛି ଏବଂ ବିଭିନ୍ନ କ୍ଷେତ୍ରରେ ନିଯୁକ୍ତି ଯୋଗ୍ୟତା ଏବଂ ଉତ୍ପାଦନ କ୍ଷମତା ବୃଦ୍ଧି କରୁଛି।
● ସ୍କିଲ୍ ଇଣ୍ଡିଆ ଡିଜିଟାଲ୍ ହବ୍ (ଝଓଊଐ): ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରଣାଳୟର ସ୍କିଲ୍ ଇଣ୍ଡିଆ ଡିଜିଟାଲ୍ ହବ୍ (ଝଓଊଐ) ଦକ୍ଷତା ବିକାଶକୁ ଏକକ ଡିଜିଟାଲ୍ ପ୍ଲାଟଫର୍ମରେ ଏକତ୍ରିତ କରେ। ଏହା ବିଭିନ୍ନ ଶିକ୍ଷାର୍ଥୀଙ୍କ ଦକ୍ଷତା ଅନୁଯାୟୀ ପ୍ରାରମ୍ଭିକରୁ ଉନ୍ନତ ସ୍ତର ପର୍ୟ୍ୟନ୍ତ ଏଆଇ ଏବଂ ମେସିନ୍ ଲର୍ଣ୍ଣିଂ ପାଠ୍ୟକ୍ରମ ପ୍ରଦାନ କରିଥାଏ। ଗୁଣାତ୍ମକ ପ୍ରଶିକ୍ଷଣର ଉପଲବ୍ଧତାକୁ ସହଜ କରି ଏହା ଆଜୀବନ ଶିକ୍ଷା, ଆଞ୍ଚଳିକ ଅନ୍ତର୍ଭୁକ୍ତୀକରଣ ଏବଂ ବ୍ୟାପକ ଦକ୍ଷତା ବୃଦ୍ଧିରେ ସହାୟକ ହେଉଛି, ଯାହାଦ୍ୱାରା ପ୍ରତ୍ୟେକ ଆଶାୟୀ ବୃତ୍ତିଜୀବୀ ନିଜର ପୃଷ୍ଠଭୂମି ବା ସ୍ଥାନ ନିର୍ବିଶେଷରେ ଏଆଇ-କେନ୍ଦ୍ରିକ କ୍ୟାରିୟର୍ ଦିଗରେ ଅଗ୍ରସର ହୋଇପାରିବେ।
ଉନ୍ନତ ଏଆଇ ପ୍ରତିଭା ଏବଂ ଗବେଷଣା ବ୍ୟବସ୍ଥା:
● ଇଣ୍ଡିଆଏଆଇ ଫ୍ୟୁଚରସ୍କିଲ୍ସ: ‘ଇଣ୍ଡିଆ-ଏଆଇ ମିଶନ’ ଅଧୀନରେ, ‘ଇଣ୍ଡିଆ ଏଆଇ ଫ୍ୟୁଚର ସ୍କିଲ୍ସ’ ସ୍ନାତକ, ସ୍ନାତକୋତ୍ତର ଏବଂ ପିଏଚ୍ଡି ଛାତ୍ରଛାତ୍ରୀଙ୍କ ପାଇଁ ଫେଲୋସିପ୍ ଏବଂ ବିଶେଷ ଦକ୍ଷତା ବୃଦ୍ଧି ପାଠ୍ୟକ୍ରମ ମାଧ୍ୟମରେ ଏକ ଶ୍ରେଷ୍ଠ ଏଆଇ ବ୍ୟବସ୍ଥା ଗଠନ କରୁଛି। ଡିସେମ୍ବର ୨୦୨୫ ସୁଦ୍ଧା ଏହା ୫୦୦ ପିଏଚ୍ଡି ସ୍କଲାର, ୫,୦୦୦ ସ୍ନାତକୋତ୍ତର ଏବଂ ୮,୦୦୦ ସ୍ନାତକ ଛାତ୍ରଛାତ୍ରୀଙ୍କୁ ସହାୟତା ପ୍ରଦାନ କରୁଛି। ଏହି ଲକ୍ଷ୍ୟଭିତ୍ତିକ ପ୍ରୟାସ ଗବେଷଣା ପ୍ରତିଭାକୁ ପ୍ରୋତ୍ସାହିତ କରେ, ନବସୃଜନକୁ ତ୍ୱରାନ୍ୱିତ କରେ ଏବଂ ଅତ୍ୟାଧୁନିକ ପ୍ରଯୁକ୍ତିବିଦ୍ୟାରେ ଭାରତର ନେତୃତ୍ୱକୁ ସୁଦୃଢ଼ କରିବା ପାଇଁ ଉନ୍ନତ ଏଆଇ ବିଶେଷଜ୍ଞଙ୍କ ଏକ ସ୍ଥାୟୀ ଯୋଗାଣ ସୃଷ୍ଟି କରେ।
● ଇଣ୍ଡିଆ ଏଆଇ ଡେଟା ଏବଂ ଏଆଇ ଲ୍ୟାବ: ଏନ୍ଆଇଇଏଲ୍ଆଇଟି ମାଧ୍ୟମରେ ଦ୍ୱିତୀୟ ଏବଂ ତୃତୀୟ ଶ୍ରେଣୀର ସହରଗୁଡ଼ିକରେ ୨୭ଟି ସୁବିଧା କେନ୍ଦ୍ର ସ୍ଥାପନ କରାଯାଇଛି ଏବଂ ୨୭ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳର ଆଇଟିଆଇ ଓ ପଲିଟେକ୍ନିକଗୁଡ଼ିକରେ ଅତିରିକ୍ତ ୧୭୪ଟି ଲ୍ୟାବ୍ ପାଇଁ ଅନୁମୋଦନ ମିଳିଛି। ଏହି ଇଣ୍ଡିଆ ଏଆଇ ଡେଟା ଆଣ୍ଡ ଏଆଇ ଲ୍ୟାବ ଗୁଡ଼ିକ ଏଆଇ ପାଠ୍ୟକ୍ରମ, ଡାଟା କ୍ୟୁରେସନ୍, ଆନୋଟେସନ୍, କ୍ଲିନିଂ ଏବଂ ପ୍ରାୟୋଗିକ ଡାଟା ସାଇନ୍ସ ଉପରେ ଗୁରୁତ୍ୱ ଦିଅନ୍ତି। ଏହି ହବ୍ଗୁଡ଼ିକ ଉନ୍ନତ ସମ୍ବଳର ବିକେନ୍ଦ୍ରୀକରଣ କରନ୍ତି, ତୃଣମୂଳ ସ୍ତରର ଗବେଷଣାକୁ ପ୍ରୋତ୍ସାହିତ କରନ୍ତି ଏବଂ ପ୍ରାୟୋଗିକ ପ୍ରଶିକ୍ଷଣ ସକ୍ଷମ କରନ୍ତି, ଯାହା ମେଟ୍ରୋ ସହର ବାହାରେ ଏଆଇ କ୍ଷମତାର ସମାନ ବଣ୍ଟନକୁ ନିଶ୍ଚିତ କରେ।
ଶ୍ରେଣୀ ଗୃହରୁ ଆରମ୍ଭ କରି ଉନ୍ନତ ଲ୍ୟାବ୍ ପର୍ୟ୍ୟନ୍ତ, ଏହି ବହୁସ୍ତରୀୟ ଭିତ୍ତିଭୂମି ବ୍ୟାପକ ସୁଯୋଗ, ଆଞ୍ଚଳିକ ସମାନତା ଏବଂ ଶିଳ୍ପ ଜଗତର ଆବଶ୍ୟକତା ସହିତ ସମନ୍ୱୟ ରକ୍ଷା କରେ, ଯାହା ଭାରତର ଯୁବପିଢ଼ିକୁ ନୈତିକ ଏଆଇ ନବସୃଜନ ଏବଂ ଏଆଇ-ଚାଳିତ ଅର୍ଥନୀତିରେ ସକ୍ରିୟ ଅଂଶଗ୍ରହଣ ପାଇଁ ସଶକ୍ତ କରୁଛି।
ଇଣ୍ଡିଆ-ଏଆଇ ଇମ୍ପାକ୍ଟ ସମିଟ୍ ୨୦୨୬ ରେ ଯୁବପିଢ଼ିଙ୍କୁ ସଶକ୍ତୀକରଣ
ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ ଭାରତର ଏଆଇ ରୂପାନ୍ତରଣ ଯାତ୍ରାର କେନ୍ଦ୍ରରେ ଯୁବପିଢ଼ି ଏବଂ ଅନ୍ତର୍ଭୁକ୍ତୀକରଣ ପ୍ରତିଭା ବିକାଶକୁ ସ୍ଥାନିତ କରିଛି। ବିଶ୍ୱସ୍ତରୀୟ ଆହ୍ୱାନ, ନବସୃଜନ ପ୍ରଦର୍ଶନ ଏବଂ ନୀତିଗତ ଆଲୋଚନା ମାଧ୍ୟମରେ ଏହି ସମ୍ମିଳନୀ ଦର୍ଶାଉଛି ଯେ କିପରି ଯୁବ ନବସୃଜନକାରୀ ଏବଂ ମହିଳା ଉଦ୍ୟୋଗୀମାନେ ଜନକଲ୍ୟାଣ ପାଇଁ ଦାୟିତ୍ୱବାନ ଏବଂ ବ୍ୟାପକ ଏଆଇ ସମାଧାନ ପ୍ରସ୍ତୁତ କରୁଛନ୍ତି।
ଭାରତର ସାର୍ବଭୌମ ଏଆଇ (ଝକ୍ଟଙ୍ଖରକ୍ସରସଶଦ୍ଭ ଇଓ) ଦୂରଦୃଷ୍ଟିର କେନ୍ଦ୍ରରେ ଯୁବପିଢ଼ି: ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ ରେ, ଭାରତର ସାର୍ବଭୌମ ଏଆଇ କ୍ଷମତାକୁ ଆଗକୁ ନେବାର ବ୍ୟାପକ ଦୂରଦୃଷ୍ଟି ମଧ୍ୟରେ ଯୁବ ସଶକ୍ତୀକରଣକୁ ଅନ୍ତର୍ଭୁକ୍ତ କରାଯାଇଛି। “ଭାରତର ସାର୍ବଭୌମ ଏଆଇ ଏବଂ ଡାଟାରୁ ପ୍ରଭାବ ବିସ୍ତାର” ଶୀର୍ଷକ ଅଧିବେଶନରେ ଗଭୀର ଗବେଷଣା ପ୍ରତିଭା, ସ୍ଥାୟୀ ନବସୃଜନ ବ୍ୟବସ୍ଥା ଏବଂ ଭାରତର ଭାଷା ଓ ବିକାଶମୂଳକ ପ୍ରସଙ୍ଗ ଅନୁଯାୟୀ ସ୍ଥାନୀୟ ଏଆଇ ମଡେଲ ପ୍ରସ୍ତୁତ କରିବାର ଆବଶ୍ୟକତା ଉପରେ ଗୁରୁତ୍ୱ ଦିଆଯାଇଛି। ନେତୃବୃନ୍ଦ ଏହା ଉପରେ ଜୋର ଦେଇଛନ୍ତି ଯେ ଯୁବ ନବସୃଜନକାରୀମାନେ ସ୍ୱଚ୍ଛ, ବ୍ୟାଖ୍ୟାଯୋଗ୍ୟ ଏବଂ ଜାତୀୟ ସ୍ତରରେ ସମନ୍ୱିତ ଏଆଇ ପ୍ରଣାଳୀ ଗଠନ କରିବା ପାଇଁ ସଜ୍ଜିତ ହେବା ଉଚିତ, ଯାହା ପ୍ରକୃତ ଆହ୍ୱାନଗୁଡିକର ସମାଧାନ କରିବ। ଉନ୍ନତ ଏଆଇ ଗବେଷଣାକୁ କୃଷି, ସ୍ୱାସ୍ଥ୍ୟସେବା, ଶିକ୍ଷା ଏବଂ ଆର୍ଥିକ ଅନ୍ତର୍ଭୁକ୍ତୀକରଣ ପରି ପ୍ରାଥମିକତା ପ୍ରାପ୍ତ କ୍ଷେତ୍ରଗୁଡିକ ସହିତ ଯୋଡି, ଏହି ସମ୍ମିଳନୀ ଭାରତର ଯୁବପିଢ଼ିଙ୍କୁ ବିଶ୍ୱସ୍ତରରେ ପ୍ରତିଯୋଗିତାମୂଳକ ଏବଂ ସାମାଜିକ ଭାବେ ପ୍ରଭାବଶାଳୀ ଏଆଇ ସମାଧାନର ପ୍ରମୁଖ ଚାଳକ ଭାବରେ ସ୍ଥାପିତ କରୁଛି।
ଆଲଗୋରିଦମ୍ରୁ ପରିଣାମ ପର୍ୟ୍ୟନ୍ତ: ସମ୍ମିଳନୀରେ, ମାପଯୋଗ୍ୟ ଜନ ପ୍ରଭାବ ପ୍ରଦାନ କରୁଥିବା ଏଆଇ ନିର୍ମାଣ ଉପରେ ଅଧିକ ଗୁରୁତ୍ୱ ଦେଇ ଯୁବ ସହଭାଗିତାକୁ ସୁଦୃଢ଼ କରାଯାଉଛି। “ଆଲଗୋରିଦମ୍ରୁ ପରିଣାମ ପର୍ୟ୍ୟନ୍ତ” ଅଧିବେଶନରେ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବଦ୍ୟା ମନ୍ତ୍ରଣାଳୟର ସଚିବ ଶ୍ରୀ ଏସ୍. କୃଷ୍ଣନ କହିଛନ୍ତି ଯେ ଇଣ୍ଡିଆ ଏଆଇ ମିଶନକୁ କମ୍ପ୍ୟୁଟ୍, ମଡେଲ୍ ଏବଂ ଡାଟାକୁ ବ୍ୟବହାରଯୋଗ୍ୟ ପ୍ରୟୋଗରେ ପରିଣତ କରି ବାସ୍ତବ ଜଗତର ଆହ୍ୱାନଗୁଡିକର ସମାଧାନ ପାଇଁ ପ୍ରସ୍ତୁତ କରାଯାଇଛି। ସ୍ୱାସ୍ଥ୍ୟସେବା, କୃଷି, ଶିକ୍ଷା ଏବଂ ଉତ୍ପାଦନ କ୍ଷେତ୍ରରେ ୬୦୦ ରୁ ଅଧିକ ଷ୍ଟାର୍ଟଅପ୍ ଏବଂ କମ୍ପାନୀ ସେମାନଙ୍କର ଏଆଇ ସମାଧାନ ପ୍ରଦର୍ଶନ କରୁଥିବାବେଳେ, ଏହି ସମ୍ମିଳନୀ ଯୁବ ନବସୃଜନକାରୀଙ୍କୁ ବ୍ୟାପକ ବ୍ୟବହାର କ୍ଷେତ୍ର ଏବଂ ସରକାରୀ କ୍ଷେତ୍ରର ସମସ୍ୟା ସମାଧାନ ପାଇଁ ସିଧାସଳଖ ସୁଯୋଗ ପ୍ରଦାନ କରୁଛି। ବିଶ୍ୱ ବିଶେଷଜ୍ଞଙ୍କ ସହ ଆଲୋଚନା ମାଧ୍ୟମରେ କଠୋର ମୂଲ୍ୟାଙ୍କନ, ଦାୟିତ୍ୱବାନ ସମ୍ପ୍ରସାରଣ ଏବଂ ପ୍ରମାଣ-ଭିତ୍ତିକ କାର୍ୟ୍ୟକାରିତା ଉପରେ ଗୁରୁତ୍ୱ ଦିଆଯାଇଛି, ଯାହା ଯୁବପିଢ଼ିଙ୍କୁ କେବଳ ପ୍ରଯୁକ୍ତିବିଦ୍ ଭାବରେ ନୁହେଁ, ବରଂ ପରିଣାମ-ଚାଳିତ ଏବଂ ନାଗରିକ-କେନ୍ଦ୍ରିକ ଏଆଇ ପ୍ରଣାଳୀର ଯୋଗଦାନକାରୀ ଭାବରେ ଉପସ୍ଥାପିତ କରୁଛି।
ଣଟଠଇସ ଗ୍ଲୋବାଲ୍ ୟୁଥ୍ ଚ୍ୟାଲେଞ୍ଜ: ଇଣ୍ଡିଆ ଏଆଇ ମିଶନ ଅଧୀନରେ ଏକ ପ୍ରମୁଖ ପଦକ୍ଷେପ ହେଉଛି ‘ଣଟଠଇସ ଗ୍ଲୋବାଲ୍ ୟୁଥ୍ ଚ୍ୟାଲେଞ୍ଜ’, ଯାହା ୧୩ ରୁ ୨୧ ବର୍ଷ ବୟସର ଯୁବ ନବସୃଜନକାରୀଙ୍କୁ ଜନତା (ଚରକ୍ଟକ୍ଟ୍ରକ୍ଷର), ପୃଥିବୀ (ଚକ୍ଷବଦ୍ଭରଗ୍ଧ) ଏବଂ ପ୍ରଗତି (ଚକ୍ସକ୍ଟଶକ୍ସରଗ୍ଦଗ୍ଦ) ଉଦ୍ଦେଶ୍ୟରେ ଏଆଇ ସମାଧାନ ନିର୍ମାଣ ପାଇଁ ସଶକ୍ତ କରୁଛି। ୩୮ଟି ଦେଶରୁ ୨,୫୦୦ ରୁ ଅଧିକ ଆବେଦନ ମଧ୍ୟରୁ ଏହି ଚ୍ୟାଲେଞ୍ଜରେ ସ୍ୱାସ୍ଥ୍ୟସେବା, କୃଷି, ଜଳବାୟୁ ସହନଶୀଳତା, ସୁଗମ୍ୟତା, ଡିଜିଟାଲ୍ ବିଶ୍ୱାସ ଏବଂ ସ୍ମାର୍ଟ ମୋବିଲିଟି ପରି ଗୁରୁତ୍ୱପୂର୍ଣ୍ଣ କ୍ଷେତ୍ରରେ କାର୍ୟ୍ୟ କରୁଥିବା ୭୦ଟି ଉଚ୍ଚ-ସମ୍ଭାବନା ସମ୍ପନ୍ନ ଦଳକୁ ପ୍ରଦର୍ଶିତ କରାଯାଇଛି। ବିଜୟୀ ଦଳଗୁଡିକ ଜାତୀୟ ସ୍ୱୀକୃତି ସହିତ ଆର୍ଥିକ ପୁରସ୍କାର ଏବଂ ପରାମର୍ଶ, ଇନକ୍ୟୁବେସନ୍ ଓ ଶିଳ୍ପ ସହଭାଗିତା ଭଳି ବ୍ୟବସ୍ଥାଗତ ସହାୟତା ପାଇଛନ୍ତି। ବୈଷୟିକ ଦୃଢ଼ତା, ନିୟୋଜନ ପ୍ରସ୍ତୁତି ଏବଂ ସାମାଜିକ ପ୍ରଭାବ ଉପରେ ଆଧାରିତ କଠୋର ମୂଲ୍ୟାଙ୍କନ ମାଧ୍ୟମରେ ସମ୍ମିଳନୀ ପ୍ରଦର୍ଶନ କରୁଛି ଯେ କିପରି ଯୁବ-ନେତୃତ୍ୱାଧୀନ ଏଆଇ ନବସୃଜନ ପ୍ରୋଟୋଟାଇପ୍ରୁ ବ୍ୟାପକ ଜନକଲ୍ୟାଣକାରୀ ସମାଧାନରେ ପରିଣତ ହୋଇପାରିବ, ଯାହା ଦାୟିତ୍ୱବାନ ଏବଂ ଅନ୍ତର୍ଭୁକ୍ତୀକରଣ ଏଆଇ କ୍ଷେତ୍ରରେ ଭାରତର ନେତୃତ୍ୱକୁ ସୁଦୃଢ଼ କରୁଛି।
ଏଆଇ ବାଏ ହର ଗ୍ଲୋବାଲ୍ ଇମ୍ପାକ୍ଟ ଚ୍ୟାଲେଞ୍ଜ: ‘ଏଆଇ ବାଏ ହର ଗ୍ଲୋବାଲ୍ ଇମ୍ପାକ୍ଟ ଚ୍ୟାଲେଞ୍ଜ’ ଭାରତର ଦାୟିତ୍ୱବାନ ଏଆଇ ଆନ୍ଦୋଳନର ଅଗ୍ରଭାଗରେ ମହିଳା ଏବଂ ଯୁବ ନବସୃଜନକାରୀଙ୍କୁ ସ୍ଥାନିତ କରିଛି। ପ୍ୟାନେଲ୍ ଆଲୋଚନା, ଷ୍ଟାର୍ଟଅପ୍ ପ୍ରଦର୍ଶନ ଏବଂ କ୍ଷିପ୍ର ସ୍ପଟଲାଇଟ୍ ପିଚ୍ ମାଧ୍ୟମରେ ଏହି କାର୍ୟ୍ୟକ୍ରମ ପ୍ରଦର୍ଶନ କରିଛି ଯେ କିପରି ସମ୍ବେଦନା-ଚାଳିତ ନବସୃଜନ ସ୍ୱାସ୍ଥ୍ୟସେବା, ଜଳବାୟୁ ସହନଶୀଳତା, ଶିକ୍ଷା, ଫିନ୍ଟେକ୍, ସୁରକ୍ଷା ଏବଂ ଡିଜିଟାଲ୍ ସାର୍ବଜନୀନ ଭିତ୍ତିଭୂମିରେ ବ୍ୟାପକ ସମାଧାନରେ ପରିଣତ ହୋଇପାରିବ। ବିଦ୍ୟାଳୟ ସ୍ତରର ସମସ୍ୟା ସମାଧାନକାରୀଙ୍କ ଠାରୁ ଆରମ୍ଭ କରି ଡିପ୍-ଟେକ୍ ପ୍ରତିଷ୍ଠାତାଙ୍କ ପର୍ୟ୍ୟନ୍ତ, ଅଂଶଗ୍ରହଣକାରୀମାନେ ଦର୍ଶାଇଛନ୍ତି ଯେ କିପରି ବିଶ୍ୱାସ, କ୍ଷେତ୍ର-ଭିତ୍ତିକ ଡିଜାଇନ୍ ଏବଂ ଶକ୍ତିଶାଳୀ ଡିଜିଟାଲ୍ ସାର୍ବଜନୀନ ଭିତ୍ତିଭୂମି ଉପରେ ଆଧାରିତ ଏଆଇ ମାପଯୋଗ୍ୟ ସାମାଜିକ ପରିଣାମ ଦେଇପାରିବ। ୧୫୦ଟି ମହିଳା-ନେତୃତ୍ୱାଧୀନ ଏଆଇ ଷ୍ଟାର୍ଟଅପ୍ ପାଇଁ ଏକ ସ୍ୱତନ୍ତ୍ର କ୍ଷମତା ବିକାଶ କାର୍ୟ୍ୟକ୍ରମର ଘୋଷଣା ସମ୍ମିଳନୀର ପ୍ରତିବଦ୍ଧତାକୁ ପୁନଃ ନିଶ୍ଚିତ କରିଛି, ଯାହା ଯୁବ ଏବଂ ମହିଳା ନବସୃଜନକାରୀଙ୍କୁ ଚିନ୍ତାଧାରାରୁ ସମ୍ପ୍ରସାରଣ ପର୍ୟ୍ୟନ୍ତ ସହାୟତା ପ୍ରଦାନ କରିବ।
ଏଆଇ ବ୍ୟବହାର ଉପରେ ବିଶ୍ୱସ୍ତରୀୟ ସଂଳାପ – ଶ୍ରମ ବଜାର ସହନଶୀଳତା ପାଇଁ ଡାଟା: ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬ ର ଦ୍ୱିତୀୟ ଦିନରେ “ଏଆଇ ବ୍ୟବହାର ଉପରେ ବିଶ୍ୱସ୍ତରୀୟ ସଂଳାପ – ଶ୍ରମ ବଜାର ସହନଶୀଳତା ପାଇଁ ଡାଟା” ଶୀର୍ଷକ ଅଧିବେଶନରେ କାର୍ୟ୍ୟର ପରିବର୍ତ୍ତିତ ପ୍ରକୃତି ଏବଂ ଚାକିରି ପରିସ୍ଥିତି ଉପରେ ଧ୍ୟାନ ଦିଆଯାଇଥିଲା। ଏଥିରେ ଏଆଇ ଗ୍ରହଣକୁ ତ୍ୱରାନ୍ୱିତ କରିବା ଏବଂ ଏହି ପରିବର୍ତ୍ତନକୁ ପରିଚାଳନା କରିବା ପାଇଁ ଆବଶ୍ୟକ ନୀତିଗତ ବିକଳ୍ପଗୁଡିକ ଉପରେ ଆଲୋଚନା କରାଯାଇଥିଲା। ଉଦୀୟମାନ ଆନ୍ତର୍ଜାତୀୟ ପ୍ରମାଣଗୁଡିକୁ ଆଧାର କରି ଏହି ଆଲୋଚନାରେ ବିଭିନ୍ନ ବୟସ ବର୍ଗ, କ୍ଷେତ୍ର ଏବଂ ଭୌଗଳିକ ଅଞ୍ଚଳରେ ଏହାର ଭିନ୍ନ ଭିନ୍ନ ପ୍ରଭାବ ଲକ୍ଷ୍ୟ କରାଯାଇଥିଲା, ଯେଉଁଥିରେ ପ୍ରାରମ୍ଭିକ ଧାରା ସୂଚାଉଛି ଯେ ଅଧିକ ଏଆଇ ସଂସ୍ପର୍ଶରେ ଆସୁଥିବା ଭୂମିକାରେ କାର୍ୟ୍ୟ କରୁଥିବା କମ୍ ବୟସର ଶ୍ରମିକଙ୍କ ପାଇଁ ନିଯୁକ୍ତି ଚାପ ରହିବ।
ଏଆଇ ଇମ୍ପାକ୍ଟ ଷ୍ଟାର୍ଟଅପ୍ ପୁସ୍ତକ: ‘ଏଆଇ ଇମ୍ପାକ୍ଟ ଷ୍ଟାର୍ଟଅପ୍ ପୁସ୍ତକ’ର ଉନ୍ମୋଚନ ଭାରତରେ ବିକଶିତ ୧୦୦ ରୁ ଅଧିକ ଏଆଇ ସମାଧାନର ଏକ ସମନ୍ୱିତ ଭଣ୍ଡାର ପ୍ରଦାନ କରି ଯୁବ ଉଦ୍ୟୋଗୀମାନଙ୍କୁ ସଶକ୍ତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହି ସଂଗ୍ରହ ସ୍ୱାସ୍ଥ୍ୟସେବା, କୃଷି, ଶିକ୍ଷା, ଫାଉଣ୍ଡେସନ୍ ମଡେଲ୍ ଏବଂ ଏଜ୍ ଏଆଇ କ୍ଷେତ୍ରରେ ନବସୃଜନକୁ ପ୍ରଦର୍ଶିତ କରେ, ଯାହା ଭାରତୀୟ ଷ୍ଟାର୍ଟଅପ୍ଗୁଡ଼ିକର ବଢୁଥିବା ପରିପକ୍ୱତା ଏବଂ ବିଶ୍ୱସ୍ତରୀୟ ପଦଚିହ୍ନକୁ ଦର୍ଶାଉଛି। ବିଭିନ୍ନ ମନ୍ତ୍ରଣାଳୟ ଏବଂ ରାଜ୍ୟଗୁଡିକରେ ପ୍ରଭାବଶାଳୀ ବ୍ୟବହାର କ୍ଷେତ୍ରଗୁଡିକର ମୂଲ୍ୟାଙ୍କନ ଏବଂ ସମ୍ପ୍ରସାରଣ ପାଇଁ ଏକ ସଂଗଠିତ ବ୍ୟବସ୍ଥା ସୃଷ୍ଟି କରି ଏହି ପଦକ୍ଷେପ ଯୁବ ନବସୃଜନକାରୀଙ୍କୁ ପାଇଲଟ୍ ପ୍ରୋଜେକ୍ଟରୁ ବ୍ୟାପକ ସ୍ତରୀୟ ନିୟୋଜନରେ ପରିଣତ ହେବାରେ ସକ୍ଷମ କରେ। ଆସନ୍ତା ୧୨-୧୮ ମାସ ମଧ୍ୟରେ ଭାରତକୁ “ୟୁଜ୍-କେସ୍ କ୍ୟାପିଟାଲ୍” କରିବାର ଲକ୍ଷ୍ୟ ଉପରେ ଗୁରୁତ୍ୱ ଦେଇ, ସମ୍ମିଳନୀ ଯୁବ-ନେତୃତ୍ୱାଧୀନ ଏଆଇ ନବସୃଜନକୁ ମାପଯୋଗ୍ୟ ବାସ୍ତବ ପରିଣାମରେ ପରିଣତ କରିବା ପାଇଁ ଏହାର ପ୍ରତିବଦ୍ଧତାକୁ ଦୋହରାଇଛି।
ସାମୂହିକ ଭାବରେ, ଏହି ପଦକ୍ଷେପଗୁଡିକ ଯୁବ ନେତୃତ୍ୱ ଏବଂ ଲିଙ୍ଗଗତ ବିବିଧତା ଦ୍ୱାରା ପରିଚାଳିତ ଏକ ଭବିଷ୍ୟତ-ପ୍ରସ୍ତୁତ, ଅନ୍ତର୍ଭୁକ୍ତୀକରଣ ଏଆଇ ବ୍ୟବସ୍ଥା ଗଠନ ପାଇଁ ଭାରତର ପ୍ରତିବଦ୍ଧତାକୁ ପୁନଃ ନିଶ୍ଚିତ କରେ। ନୀତିଗତ ସହଭାଗିତା ଏବଂ ବ୍ୟବସ୍ଥାଗତ ସହାୟତା ସହିତ ନବସୃଜନ ପ୍ଲାଟଫର୍ମକୁ ମିଶ୍ରିତ କରି, ଏହି ସମ୍ମିଳନୀ ଯୁବ ପ୍ରତିଭାମାନଙ୍କ ପାଇଁ ସ୍ଥାୟୀ ଅଭିବୃଦ୍ଧି ଏବଂ ବିଶ୍ୱସ୍ତରୀୟ ଏଆଇ ପ୍ରଭାବ ସୃଷ୍ଟି କରିବାର ପଥକୁ ସୁଦୃଢ଼ କରିଛି।
ଏଆଇ କ୍ଷେତ୍ରରେ ଭାରତର ପ୍ରତିଭା-ଗୋଷ୍ଠୀ ନେତୃତ୍ୱର ବିଶ୍ୱସ୍ତରୀୟ ସୂଚକାଙ୍କ
୨୦୪୭ ସୁଦ୍ଧା ‘ବିକଶିତ ଭାରତ’ର ସଂକଳ୍ପ ପଥରେ ଅଗ୍ରସର ହେଉଥିବା ଭାରତର ୫୦% ରୁ ଅଧିକ ଷ୍ଟାର୍ଟଅପ୍ ଏବେ ମେଟ୍ରୋ ସହର ବାହାରୁ ଉଭା ହେଉଛନ୍ତି, ଯାହା ଏହି ଭ୍ରମକୁ ଦୂର କରୁଛି ଯେ ଭାରତରେ ନବସୃଜନ କେବଳ ବଡ଼ ସହରଗୁଡ଼ିକରେ ସୀମିତ।
ଯୁବ-ନେତୃତ୍ୱାଧୀନ ଏଆଇ ନେତୃତ୍ୱକୁ ପ୍ରତିଫଳିତ କରୁଥିବା ବିଶ୍ୱସ୍ତରୀୟ ସୂଚକାଙ୍କ:
● ଏଆଇ ଦକ୍ଷତାର ଉଚ୍ଚ ପ୍ରବେଶ: ‘ଷ୍ଟାନଫୋର୍ଡ ଗ୍ଲୋବାଲ୍ ଏଆଇ ଇଣ୍ଡେକ୍ସ ରିପୋର୍ଟ ୨୦୨୫’ ଅନୁଯାୟୀ, ସମାନ ବୃତ୍ତିଗତ କ୍ଷେତ୍ରଗୁଡ଼ିକରେ ଭାରତର ଆପେକ୍ଷିକ ଏଆଇ ଦକ୍ଷତା ବିଶ୍ୱ ହାରାହାରି ତୁଳନାରେ ୨.୫ ଗୁଣ ଅଧିକ, ଯାହା ପ୍ରାରମ୍ଭିକ ଏବଂ ବ୍ୟାପକ ଦକ୍ଷତା ବିକାଶ ପଦକ୍ଷେପଗୁଡ଼ିକର ପ୍ରଭାବକୁ ଦର୍ଶାଉଛି।
● ବ୍ୟାପକ ଉଦ୍ୟୋଗିକ ଗ୍ରହଣ: ‘ନାସକମ୍ ଏଆଇ ଆଡପ୍ସନ୍ ଇଣ୍ଡେକ୍ସ’ ଅନୁଯାୟୀ, ଭାରତର ୮୭% ଉଦ୍ୟୋଗ ସକ୍ରିୟ ଭାବରେ ଏଆଇ ସମାଧାନ ବ୍ୟବହାର କରୁଛନ୍ତି, ଯାହା ଏଆଇ-ପ୍ରସ୍ତୁତ ଯୁବକମାନଙ୍କ ପାଇଁ ସ୍ଥାୟୀ ଚାହିଦା ସୃଷ୍ଟି କରୁଛି ଏବଂ ବିଦ୍ୟାଳୟରୁ କର୍ମକ୍ଷେତ୍ର ପର୍ୟ୍ୟନ୍ତ ସମନ୍ୱୟକୁ ସୁଦୃଢ଼ କରୁଛି।
● ଜନସଂଖ୍ୟାଗତ ସୁବିଧା: ଭାରତ ପାଖରେ ବିଶ୍ୱର ସର୍ବବୃହତ ଡିଜିଟାଲ୍-ଅନୁକୂଳ ଯୁବଗୋଷ୍ଠୀ ରହିଛନ୍ତି, ଯାହା ଣଟଠଇସ ପରି ଏଆଇ ଶିକ୍ଷା ଏବଂ ନବସୃଜନ କାର୍ୟ୍ୟକ୍ରମରେ ବ୍ୟାପକ ସହଭାଗିତାକୁ ସକ୍ଷମ କରୁଛି।
ଇଣ୍ଡିଆ-ଏଆଇ ଇମ୍ପାକ୍ଟ ସମିଟ୍ରେ ଗିନିଜ୍ ୱାର୍ଲ୍ଡ ରେକର୍ଡ
ଯୁବ ସହଭାଗିତା କେବଳ ନବସୃଜନ ମଧ୍ୟରେ ସୀମିତ ନରହି ଦାୟିତ୍ୱବାନ ଏଆଇ ଗ୍ରହଣ ପର୍ୟ୍ୟନ୍ତ ସମ୍ପ୍ରସାରିତ ହୋଇଛି, ଯେଉଁଠାରେ ଭାରତ ୨୪ ଘଣ୍ଟା ମଧ୍ୟରେ ୨.୫ ଲକ୍ଷରୁ ଅଧିକ ‘ଏଆଇ ଦାୟିତ୍ୱବୋଧ ଶପଥ’ (ଇଓ ଜରଗ୍ଦକ୍ଟ୍ରକ୍ଟଦ୍ଭଗ୍ଦସଭସକ୍ଷସଗ୍ଧଚ୍ଚ ଚକ୍ଷରୟଶରଗ୍ଦ) ସଂଗ୍ରହ ଦ୍ୱାରା ଏକ ଗିନିଜ୍ ୱାର୍ଲ୍ଡ ରେକର୍ଡ ସ୍ଥାପନ କରିଛି। ଇଣ୍ଟେଲ ଇଣ୍ଡିଆ ସହଯୋଗରେ ‘ଇଣ୍ଡିଆ-ଏଆଇ ମିଶନ’ ଅଧୀନରେ ପରିଚାଳିତ ଏହି ଦେଶବ୍ୟାପୀ ଅଭିଯାନ ନୈତିକ, ସ୍ୱଚ୍ଛ ଏବଂ ଉତ୍ତରଦାୟୀ ଏଆଇ ବ୍ୟବହାର ପାଇଁ ଛାତ୍ରଛାତ୍ରୀ ଓ ନାଗରିକମାନଙ୍କୁ ସଂକଳ୍ପବଦ୍ଧ କରିଛି। ବିଭିନ୍ନ ପାରସ୍ପରିକ କ୍ରିୟାଶୀଳ ଦୃଶ୍ୟାବଳୀ ମାଧ୍ୟମରେ ଡାଟା ଗୋପନୀୟତା, ବିଭ୍ରାନ୍ତିକର ସୂଚନା ଏବଂ ଉତ୍ତରଦାୟିତ୍ୱ ଉପରେ ଚିନ୍ତାଧାରାକୁ ଉତ୍ସାହିତ କରି, ଏହି ପଦକ୍ଷେପ ଯୁବପିଢ଼ିଙ୍କୁ ବିଶ୍ୱାସଯୋଗ୍ୟ ଏଆଇ ର ରକ୍ଷକ ଭାବରେ ସ୍ଥାପିତ କରିଛି। ଏହି ବିପୁଳ ଅଂଶଗ୍ରହଣ ଦାୟିତ୍ୱବାନ ଡିଜିଟାଲ୍ ନାଗରିକତ୍ୱର ବଢୁଥିବା ସଂସ୍କୃତିକୁ ସୂଚାଉଛି, ଯାହା ମାନବ-କେନ୍ଦ୍ରିକ ଏବଂ ନୈତିକତା-ଭିତ୍ତିକ ଏଆଇ ବ୍ୟବସ୍ଥା ଗଠନରେ ଭାରତର ଦୂରଦୃଷ୍ଟିକୁ ସୁଦୃଢ଼ କରୁଛି।
ଏହି ସମସ୍ତ ସୂଚକାଙ୍କ ଏହା ସ୍ପଷ୍ଟ କରେ ଯେ ଣଟଠଇସ ଏକ ବ୍ୟାପକ ଜାତୀୟ ପରିବେଶ ମଧ୍ୟରେ କାର୍ୟ୍ୟ କରୁଛି, ଯାହା ବିଶ୍ୱସ୍ତରରେ ପ୍ରତିଯୋଗିତାମୂଳକ ଏବଂ ଭବିଷ୍ୟତ-ମୁଖୀ। ପ୍ରାରମ୍ଭିକ ଏଆଇ ଏକ୍ସପୋଜର୍କୁ ସୁଦୃଢ଼ ବିଶ୍ୱ ମାନ୍ୟତା, ଉଦ୍ୟୋଗିକ ଗ୍ରହଣ ଏବଂ ବିଶାଳ ଜନସଂଖ୍ୟା ସହିତ ଯୋଡି ଭାରତ ନିଜର ଯୁବପିଢ଼ିଙ୍କୁ ବିଶ୍ୱସ୍ତରୀୟ ଏଆଇ ପରିଦୃଶ୍ୟରେ ସକ୍ରିୟ ଅଂଶଗ୍ରହଣକାରୀ ଏବଂ ଭବିଷ୍ୟତର ନେତା ଭାବରେ ସ୍ଥାପିତ କରୁଛି। ଏହା ଦାୟିତ୍ୱବାନ ଏବଂ ଅନ୍ତର୍ଭୁକ୍ତୀକରଣ ଏଆଇ କ୍ଷେତ୍ରରେ ଏକ ବିଶ୍ୱସ୍ତ କେନ୍ଦ୍ର ଭାବରେ ଭାରତର ଭୂମିକାକୁ ଅଧିକ ମଜବୁତ କରୁଛି।
ଆର୍ଟିଫିସିଆଲ୍ ଇଣ୍ଟେଲିଜେନ୍ସ ବା କୃତ୍ରିମ ବୁଦ୍ଧିମତା ଯୁଗରେ ଭାରତର ‘ଯୁବ ଲାଭାଂଶ’ (ଣକ୍ଟଙ୍କଗ୍ଧଷ ଊସଙ୍ଖସୟରଦ୍ଭୟ) ଏକ ନିର୍ଣ୍ଣାୟକ ଶକ୍ତି ଭାବରେ ଉଭା ହେଉଛି। ସ୍ଥାୟୀ ନୀତିଗତ ସହାୟତା, ବ୍ୟାପକ ଦକ୍ଷତା ବିକାଶ ପଦକ୍ଷେପ ଏବଂ ଗଣତାନ୍ତ୍ରିକ ଡିଜିଟାଲ୍ ଭିତ୍ତିଭୂମି ମାଧ୍ୟମରେ ଦେଶ ନିଜର ଜନସଂଖ୍ୟାଗତ ସୁବିଧାକୁ ଏକ ବିଶ୍ୱସ୍ତରୀୟ ପ୍ରତିଯୋଗିତାମୂଳକ ପ୍ରତିଭା ବ୍ୟବସ୍ଥାରେ ପରିଣତ କରୁଛି। ‘ଇଣ୍ଡିଆ ଏଆଇ ଇମ୍ପାକ୍ଟ ସମିଟ୍ ୨୦୨୬’ ଦର୍ଶାଉଛି ଯେ କିପରି ଯୁବ-ନେତୃତ୍ୱାଧୀନ ନବସୃଜନ, ଦାୟିତ୍ୱବାନ ଏଆଇ ଗ୍ରହଣ ଏବଂ ଶିଳ୍ପ-ସମନ୍ୱୟ ଏକାଠି ହୋଇ ସାମଗ୍ରିକ ଏବଂ ପରିଣାମ-ମୁଖୀ ଅଭିବୃଦ୍ଧିକୁ ଆଗକୁ ନେଉଛନ୍ତି। ଭାରତ ‘ବିକଶିତ ଭାରତ’ ଦିଗରେ ଅଗ୍ରସର ହେଉଥିବାବେଳେ, ନିଜର ଯୁବ ଜନସଂଖ୍ୟାକୁ ଏଆଇ କ୍ଷମତାରେ ସଶକ୍ତ କରିବା ଦୀର୍ଘକାଳୀନ ଉତ୍ପାଦକତା, ସହନଶୀଳତା ଏବଂ ବିଶ୍ୱସ୍ତରୀୟ ନେତୃତ୍ୱ ପାଇଁ କେନ୍ଦ୍ରବିନ୍ଦୁ ହୋଇ ରହିବ।