ତାଳଚେର ତା ୨୨/୦୧ ତାଳଚେର ସଦର ଥାନା ପକ୍ଷରୁ ବାଘୁଆବୋଲ ଅଂଚଳରେ ଆତର୍କିତ ଚଢ଼ାଉକରି ୧୮.୦୯୦ ଗ୍ରାମ ବ୍ରାଉନ୍ସୁଗାର ଜବତ କରିବା ସହିତ ଦୁଇଜଣଙ୍କୁ ଗିରଫ କରିଥିବା ଘଟଣା ତାଳଚେର ସହରରେ ଚର୍ଚ୍ଚାର ବିଷୟ ହୋଇଛି । ଘଟଣାରୁ ପ୍ରକାଶ ବାଘୁଆବୋଲ ଗ୍ରାମର ୱାର୍ଡ଼ ନଂ-୧୫ ମଦଭାଟ୍ଟି କଲୋନୀର ସସ୍ମିତା ଦାସ (୩୫) ଓ ଦେବାଶିଷ ମହାରଣା (୨୪)ଙ୍କୁ ତାଳଚେର ସଦରଥାନା ଆଇଆଇସିଙ୍କ ନିର୍ଦ୍ଦେଶକ୍ରମେ ଏସ୍ଆଇ ଅର୍ଚ୍ଚନା ନାୟକ ସଦଳବଳେ ସେହି ଦୁଇଜଣଙ୍କୁ କାବୁ କରିବା ସହିତ ତାଙ୍କ ଠାରୁ ୧୮.୦୯୦ ଗ୍ରାମର ବ୍ରାଉନ୍ସୁଗାର ଓ ଦୁଇଟି ମୋବାଇଲ୍ ଜବତ କରିଥିବା ସହ ଗିରଫକରି କୋର୍ଟ ଚାଲାଣ କରିଥିବା ପୋଲିସ୍ ସୂତ୍ରରୁ ଜଣାପଡ଼ିଛି । ଏହାର ମୂଲ୍ୟ ଆନୁମାନିକ ଲକ୍ଷାଧିକ ଟଙ୍କା ହେବ ବୋଲି କୁହାଯାଉଛି ।
