ମାନବ ଶରୀର ୮୦ ପ୍ରତିଶତ ଜଳରେ ତିଆରି ହୋଇଛି । ଆମ ଶରୀରର ସମସ୍ତ ଅଙ୍ଗ ଓ କୋଷିକା ଗୁଡ଼ିକ ଠିକ୍ ଭାବରେ କାମ କରିବା ପାଇଁ ଆମେ ପାଣିର ବ୍ୟବହାର କରିବା ଉଚିତ୍ ।ତେଣୁ ପ୍ରତିଦିନ ସଠିକ୍ ମାତ୍ରାରେ ପାଣି ପିଇବା ଆବଶ୍ୟକ । ଚିକିତ୍ସକ ମାନଙ୍କ ମତରେ ଆମ ଶରୀର ଅଧିକ ପାଣିରେ ତିଆରି ହୋଇଥିବା କାରଣରୁ ଅତି କମ୍ ରେ ଦିନକୁ ୮-୧୦ ଗ୍ଲାସ୍ ପାଣି ପିଇବା ଜରୁରୀ ଅଟେ ।
ଯଦି ଆପଣ ଅଧିକ କାର୍ଯ୍ୟ କରୁଛନ୍ତି ଯେପରିକି ଝାଳ ବାହାରିବା ଭଳି ତେବେ ଏହାଠାରୁ ଅଧିକ ପାଣି ପିଆନ୍ତୁ । ପାଣି କମ୍ ପିଇବା ଦ୍ଵାରା ଆମେ ଅନେକ ଗୁଡ଼ିଏ ରୋଗରେ ଆକ୍ରାନ୍ତ ହୋଇ ଥାଉ ।
* କମ୍ ପାଣି ପିଇବା ଦ୍ଵାରା ଆମେ ଲଗାତାର ମୁଣ୍ଡ ଯନ୍ତ୍ରଣା ଅନୁଭବ କରି ଥାଉ । ଯଦି ମୁଣ୍ଡ ବ୍ୟଥା ସମସ୍ୟା ଲାଗି ରହୁଛି ତେବେ ଆପଣ ସେଥିରୁ ଆରାମ ପାଇବା ପାଇଁ ଦିନକୁ ୩ ଗ୍ଲାସ୍ ଉଷୁମ ପାଣି ପିଅନ୍ତୁ ।
* ଆମେ ଯଦି ଉଚିତ୍ ପରିମାଣ ର ପାଣି ପିଇ ନଥାଉ ତେବେ କୋଷ୍ଠ କାଠୀନ୍ୟ ସମସ୍ୟା ଦେଖା ଦେଇଥାଏ । କାରଣ କୋଲୋନ୍ ରେ ପାଣି ରିଷ୍ପଟର୍ସ ରହିଥାଏ ଯାହା ପାଣି କୁ ଟାଣି ଝାଡ଼ା କୁ ନରମ କରିଥାଏ ।
* ଯଦି ଆପଣ ପାଣି କମ୍ ପିଇବେ ତେବେ ଏହା ଆପଣଙ୍କ ଚେହେରା ଉପରେ ମଧ୍ୟ ପ୍ରଭାବ ପକାଇବ । ଆପଣଙ୍କ ତ୍ବଚା ର ଚମକ୍ ନଷ୍ଟ ହୋଇଯିବ ।
* ଯଦି ଆପଣ ଦିନ ରେ ଠିକ୍ ମାତ୍ରାରେ ପାଣି ପିଇବେ ନାହିଁ ତେବେ ଆପଣଙ୍କ ଶରୀରରୁ ଶକ୍ତି ହିନ ହେବା ସହ ଥକା ଲାଗିବ ଓ କୌଣସି କାମ କରିବାକୁ ଇଛା ହେବ ନାହିଁ ।
* ପାଣି ପିଇବା ଦ୍ଵାରା ଆପଣଙ୍କ ଓଜନ ହ୍ରାସ ହୋଇଥାଏ । ଯଦି ଆପଣ ପାଣି ଉଚିତ୍ ପରିମାଣରେ ପିଇବେ ନାହିଁ ତେବେ ଓଜନ ବୃଦ୍ଧି ହେବାର ସମ୍ଭାବନା ରହିଛି ।
* ପାଣି କମ ପିଇଲେ ରକ୍ତଚାପ ସମସ୍ୟା ଦେଖା ଦେଇଥାଏ , କଲେଷ୍ଟ୍ରାଳ ବୃଦ୍ଧି ହୁଏ , ହୃଦପିଣ୍ଡ ସମସ୍ୟା ମଧ୍ୟ ଦେଖା ଦେଇଥାଏ । ତେଣୁ ସଠିକ୍ ମାତ୍ରାର ପାଣି ପିଇବା ନିହାତି ଆବଶ୍ୟକ ।
Comments are closed.