ପଦ୍ମପୁର,( ସକାଳ ଖବର) ନିରୋଜ କୁମାର ପାଣୀ : ବର୍ତ୍ତମାନ ର କରୋନା ମହାମାରୀ ପରିସ୍ଥିତି ରେ ବିପର୍ଯ୍ୟସ୍ତ ଶିକ୍ଷା ବ୍ୟବସ୍ଥା ର ଉନ୍ନତି କଳ୍ପେ ଜିଲ୍ଲା ଶିକ୍ଷା ଅଧିକାରୀ ,ବରଗଡ଼ ଓ ଜିଲ୍ଲା ଶିକ୍ଷା ପ୍ରତିଷ୍ଠାନ, ବରଗଡ଼ ର ମିଳିତ ଉଦ୍ୟମ କ୍ରମେ ନିରନ୍ତର ଶିକ୍ଷଣ କାର୍ଯ୍ୟକ୍ରମ ଆରମ୍ଭ ହୋଇଛି। ଏହି ପରିପ୍ରେକ୍ଷୀ ରେ ବରଗଡ଼ ବ୍ଲକ ଶିକ୍ଷା କାର୍ଯ୍ୟାଳୟ ତରଫ ରୁ ସ୍ଥାନୀୟ ନିଶାମଣୀ ଉଚ୍ଚ ବିଦ୍ୟାଳୟ ପରିସର ରେ ବ୍ଲକ ର ସମସ୍ତ ଆଞ୍ଚଳିକ ସାଧନ ସଂଯୋଜକ, ଉତ୍ସର୍ଗୀକୃତ ପ୍ରଧାନ ଶିକ୍ଷକ ୵ ଶିକ୍ଷୟିତ୍ରୀ, ଜିଲ୍ଲା ସାଧନ କର୍ମୀ ମାନଙ୍କର ଏକ ମିଳିତ ବୈଠକ ଅନୁଷ୍ଠିତ ହୋଇ ଯାଇଛି । ବ୍ଲକ ଶିକ୍ଷା ଅଧିକାରୀ ଶ୍ରୀମତୀ ସେବାଶ୍ରୀ ଭୋଇଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଉକ୍ତ ବୈଠକରେ ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଶ୍ରୀ କପିଳେଶ୍ୱର ରଥ ଉଦ୍ଦେଶ୍ୟ ଜ୍ଞାପନ କରିଥିଲେ । ଉକ୍ତ କାର୍ଯ୍ୟକ୍ରମ ରେ ନିରନ୍ତର ଶିକ୍ଷଣ ର ଉପାଦେୟତା, ଶିକ୍ଷକ ତଥା ଶିକ୍ଷିକା ମାନଙ୍କର ସକାରାତ୍ମକ । ମନୋଭାବ ସହ ସକ୍ରିୟ ଅଂଶଗ୍ରହଣ,ଘର କୁ ଘର ବୁଲି ପ୍ରାଥମିକ ଶିକ୍ଷା ର ପ୍ରସାର , ଏହି ସମସ୍ତ ଦିଗ ଉପରେ ଆଲୋଚନା କରା ଯାଇଥିଲା । ଏହି କାର୍ଯ୍ୟକ୍ରମ ର ସଫଳ ରୂପାୟନ ପାଇଁ ଶ୍ରୀମତୀ ଭୋଇ ଓ ଜିଲ୍ଲା ଶିକ୍ଷା ପ୍ରତିଷ୍ଠାନ ର ପ୍ରଶିକ୍ଷିକା ଶ୍ରୀମତୀ ବବିତା ସାହୁ ଦିଗଦର୍ଶନ ଦେଇଥିଲେ ଓ ସହଯୋଗୀ ମନୋଭାବ ପୂର୍ବକ ଏହି କାର୍ଯ୍ୟକ୍ରମ କୁ ଆଗେଇ ନେବା ପାଇଁ ଉତ୍ସାହିତ କରିଥିଲେ। ପରିଶେଷ ରେ ଆଞ୍ଚଳିକ ସାଧନ କେନ୍ଦ୍ର ସଂଯୋଜିକା ଶ୍ରୀମତୀ ନମିତା ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ ।
Comments are closed.