ତିହିଡ଼ି,୨୦ା୧୧: ଭଦ୍ରକ ଜିଲା ତିହିଡ଼ି ପୁଲିସ ବେଆଇନ୍ ଇଟା ଭାଟିଆଙ୍କ ଠାରୁ ୨୨୮ ବସ୍ତା ଚୋରା କୋଇଲା ଜବତ କରିଥିବା ବେଳେ ଅଭିଯୁକ୍ତ ଗିରଫ ହୋଇଥିବା ସୂଚନା ମିଳିଛି । ଗିରଫ ଅଭିଯୁକ୍ତ ପାଳିଆବିନ୍ଧା ପଞ୍ଚାୟତର ସାନହାଟୁଆରୀ ଗାଁର ମନୋରଂଜନ ପୃଷ୍ଟି ବୋଲି ଜଣାଯାଇଛି । ପୁଲିସର ଚୋରା କୋଇଲା ଉଦ୍ଧାର ଅଭିଯାନ ଏଇ ବେଆଇ ଇଟାଭାଟିଆଙ୍କ ତଥ୍ୟ ଆଇଆଇସି ପ୍ରସନ୍ନ ନାୟକଙ୍କ ନଜରରେ ଥିଲା । ଗୋଟିଏ ଭାଟିରୁ ୧୮୫ ବସ୍ତା ଓ ଅନ୍ୟ ଏକ ଭାଟିରୁ ୪୩ ବସ୍ତା ଚୋରା କୋଇଲା ଜବତ କରାଯାଇଥିବା ନେଇ ପୁଲିସ ପକ୍ଷରୁ ୫୧୭ ଓ ୫୨୦ ଦୁଇଟି ମାମଲା ରୁଜୁ କରାଯାଇ ଅଭିଯୁକ୍ତ ମନୋରଂଜନକୁ କୋର୍ଟ ଚାଲାଣ କରାଯାଇଛି । ଏହି ଘଟଣାଟି ଏକ ଉଦାହରଣ ହେବ ଏବଂ ଏହି ଚୋରା କୋଇଲାକୁ ଯେଉଁ ବେଆଇନ ଇଟାଭାଟିଆମାନେ ବ୍ୟବହାର କରିବେ ସେମାନଙ୍କ ପାଳି ମଧ୍ୟ ପଡ଼ିବ ବୋଲି ସାଧାରଣରେ ଆଲୋଚନା ହେଉଛି ।
