ଚୋରକୁ ଲାଗିଲା ନିଦ , ଘରମାଲିକଙ୍କ ଝିଅ କୋଠରୀରେ ଶୋଇପଡ଼ିଲା ଚୋର : ତାପରେ ଘଟିଲା ଏପରି …

ନୂଆଦିଲ୍ଲୀ : ବେଳେବେଳେ ଚୋରିର ଅଦ୍ଭୁତ ଘଟଣା ଶୁଣିବାକୁ ପଡିଥାଏ , ସେହି ଭଳି ଗୋଟିଏ ଘଟଣା ଥାଇଲାଣ୍ଡରେ ଘଟିଯାଇଛି l ଗୋଟିଏ ଚୋର ଚୋରି କରିବା ଉଦେଶ୍ୟରେ ଜଣେ ବ୍ୟକ୍ତିଙ୍କ ଘରକୁ ପଶିଲା , ସେଠାରେ ସେ ଗୋଟିଏ କୋଠରୀରେ AC ଚାଲୁଥିବାର ଦେଖିଥିଲା l ଏହି ଚୋରଟିର ବୟସ ୨୨ ବର୍ଷ , ସେ ରାତି ୨ ଟା ବେଳେ ଚୋରିକରିବା ପାଇଁ ପଶିଥିବା ବେଳେ ACର ଥଣ୍ଡା ପବନରେ ତାକୁ ପ୍ରବଳ ନିଦ ଲାଗିଲା l ଏହାପରେ ସେ ଘର ମାଲିକଙ୍କ ଝିଅ କୋଠରୀରେ ଶୋଇପଡ଼ିଲା l

ସକାଳୁ ଘର ମାଲିକ ଯେତେବେଳେ ଉଠିଲେ ସେ ଆଶ୍ଚର୍ଯ୍ୟ ହୋଇଗଲେ l ଘର ମାଲିକ ଦେଖିଲେ ଯେ ତାଙ୍କ ଝିଅ କୋଠରୀରେ କେହିଜଣେ ଯୁବକ ଖାଟ  ଉପରେ ସୋଇଛି l  ତାଙ୍କ ଝିଅ ରାତିରେ ଭୁଲରେ AC ଅନ କରିଦେଇ ନିଜ ସାଙ୍ଗ ସହିତ ବାହାରକୁ ଚାଲିଯାଇଥିଲା l ଘର ମାଲିକ ଚୋରଟିକୁ ଦେଖିବା ପରେ ପୋଲିସକୁ ସୂଚନା ଦେଇଥିଲେ l

ପୋଲିସ ଘଟଣା ସ୍ଥଳରେ ପହଞ୍ଚି ଚୋରଟିକୁ ଉଠାଇବା ବେଳକୁ ସେ ଆଖିମଳି  ଉଠିଥିଲା l  ସବୁଠାରୁ ମଜା କଥାଟି ହେଲା ଉକ୍ତ ଘରମାଲିକ ମଧ୍ୟ ଜଣେ ପୋଲିସ କର୍ମୀ ଅଟନ୍ତି l ଚୋରଟି ଶୋଇବା ପୂର୍ବରୁ ଅତ୍ୟନ୍ତ ମୂଲ୍ୟବାନ ଜିନିଷ ଗୁଡିକ ଚୋରିକରି ନିଜ ତକିଆ ପାଖରେ ରଖି ଆରାମରେ ସୋଇଯାଇଥିଲା l ତାକୁ ଯେତେବେଳେ ପୋଲିସ ଗିରଫ କରିଥିଲା ସେ ଉତ୍ତରରେ କହିଲା ମୁ ଭାବିଥିଲି ଟିକିଏ ରେଷ୍ଟ ନେଇସାରି ଚୋରି ଜିନିଷ ଧରି ଫେରାର ହୋଇଯିବି l