ଆଗରପଡ଼ା : ଆଗରପଡ଼ା ନିକଟସ୍ଥ କାଦବରାଙ୍ଗ ପଞ୍ଚାୟତ ବନ୍ତଳା ଗ୍ରାମର ଅମିତ ରାଉତ ୩୮ ସୋମବାର ସକାଳେ ତାଙ୍କ ବାଡ଼ିରେ ଥିବା ଗଛରୁ ଆମ୍ବ ପାରିବା ପାଇଁ ଚଢିଥିଲେ । ତେବେ ହଠାତ୍ ଅସୁସ୍ଥ ହୋଇପଡ଼ି ଗଛଡ଼ାଳକୁ ଜାବୁଡ଼ି ସଜ୍ଞାହୀନ ହୋଇପଡ଼ିଥିଲେ । ସ୍ଥାନୀୟ ବନ୍ତେଳେଶ୍ୱର ୟୁଥକ୍ଲବର ସଦସ୍ୟମାନେ ତାଙ୍କୁ ତଳକୁ ଉହ୍ଲାଇବାକୁ ଚେଷ୍ଟା କରି ବିଫଳ ହୋଇଥିଲେ ।
ପରେ ଆଗରପଡ଼ା ଦମକଳ ବାହିନୀକୁ ଖବର ଦେବାରୁ ଅଗ୍ନିଶମ କେନ୍ଦ୍ରାଧୀକାରୀ ସଂଜୀବ ପ୍ରଧାନଙ୍କ ନେତୃତ୍ୱରେ କର୍ମ·ରୀ ଭୀମଚରଣ ନାୟକ, ସିଦ୍ଧିଲାଲ ମୁର୍ମୁ, ପିଙ୍କୁ ବେହେରା, ରାମଚନ୍ଦ୍ର ସ୍ୱାଇଁ, ଶରତ ଚନ୍ଦ୍ର ପୁର୍ତ୍ତୀ, ଅଶୋକ ଦାସ ପ୍ରମୁଖ ଘଟଣାସ୍ଥଳରେ ପହଞ୍ଚି ତାଙ୍କୁ ଦଉଡ଼ି ସାହାଯ୍ୟରେ ଗଛରୁ ବେହୋସ ଅବସ୍ଥାରେ ଉଦ୍ଧାର କରି ଦମକଳ ଗାଡ଼ିରେ ଆଗରପଡ଼ା ଗୋଷ୍ଠୀସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ । ସେଠାରେ ତାଙ୍କ୍ର ଅବସ୍ଥା ଗୁରୁତର ଥିବାରୁ ତାଙ୍କୁ ଭଦ୍ରକ ଓ ପରେ କଟକ ବଡ଼ଡ଼ାକ୍ତରଖାନାକୁ ପଠାଯାଇଛି । ଦମକଳବାହିନୀର ଏହି ଦୁôଃସାହସିକ କାର୍ଯ୍ୟକୁ ଗ୍ରାମବାସୀ ପ୍ରଶଂସା କରିଛନ୍ତି ।
