ଆଗରପଡ଼ା : ଆଗରପଡ଼ା ବରିଷ୍ଠ ନାଗରିକ ମଞ୍ଚ କରୋନାର ଭୟାବହତା ବିଷୟରେ ଗ୍ରାମ ଗ୍ରାମ ବୁଲି ସଚେତନ କରାଇ ଆସୁଥିବା ବେଳେ ଆଜି ସକାଳେ ସ୍ଥାନୀୟ କଲେଜଛକ ଠାରେ ଶତାଧିକ ଲୋକଙ୍କୁ ହାତ ଧୁଆ କରିବା ସହିତ, ମାସ୍କ ଓ ସାବୁନ ବଣ୍ଡନ କରିଛନ୍ତି । ଏହି ମଞ୍ଚ ବରିଷ୍ଠ ନାଗରିକଙ୍କ ସମସ୍ୟା ସମାଧାନରେ ସହଯୋଗ କରିବା ସହିତ ବିଭିନ୍ନ ଜନହିତକର କାର୍ଯ୍ୟ କରି ଆସୁଛନ୍ତି ।
ଆଜିର କାର୍ଯ୍ୟକ୍ରମରେ ମାଜିଷ୍ଟ୍ରେଟ ଦାୟିତ୍ୱରେ ଥିବା ଅତିରିକ୍ତ ତହସିଲଦାର ବିନୀତାରାଣୀ କିସ୍କୁ, ଥାନା ଏଏସଆଇ ରମେଶ୍ୱର ସୋରେନ, ସାମ୍ବାଦିକ ହେମନ୍ତ ସିଂହ ଲୋକମାନଙ୍କୁ ସଚେତନ କରାଇଥିଲେ । ସଂଘର ଉପସଭାପତି ଫକିର ବାରିକ, ସମ୍ପାଦକ କୈଳାସ ଚନ୍ଦ୍ର ଧଳ, ଫକିର ପାଳ, ରାଧାଶ୍ୟାମ ରାଉତ ସୁବାଶ ଦାଶ, ଅଶୋକ ମହାନ୍ତି, କୃଷ୍ଣଚନ୍ଦ୍ର ରଣା ପ୍ରମୁଖ ଉପସ୍ଥିତ ଥିଲେ ।
