ବାଲେଶ୍ୱର : ନୀଳଗିରି ବିଧାୟକ ସୁକାନ୍ତ କୁମାର ନାୟକ କରୋନାରେ ଆକ୍ରାନ୍ତ ହେବାର ଦିନ କେଇଟା ବିତିଥିବା ବେଳେ ଏବେ ରେମୁଣା ବିଧାୟକ ସୁଧାଂଶୁ ଶେଖର ପରିଡ଼ା କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଛି । ଏକ ସଭାରେ ରେମୁଣା ବିଧାୟକ ଶ୍ରୀ ପରିଡ଼ା ନୀଳଗିରି ବିଧାୟକ ସୁକାନ୍ତ ନାୟକଙ୍କ ସଂସ୍ପର୍ଶରେ ଆସିଥିଲେ ।
ନୀଳଗିରି ବିଧାୟକ ଶ୍ରୀ ନାୟକଙ୍କର କରୋନା ପଜିଟିଭ ଆସିବା ପରେ ରେମୁଣା ବିଧାୟକ ସୁଧାଂଶୁ ପରିଡ଼ା ନିଜକୁ ସଂଗରୋଧରେ ରଖିଥିଲେ । ଗତ ୧୧ ତାରିଖ ଦିନ ରେମୁଣା ବିଧାୟକଙ୍କ ସ୍ୱାବର ନମୁନା ପରୀକ୍ଷଣ ପାଇଁ ନିଆଯାଇଥିଲା । ଆଜି ତାଙ୍କ ରିପୋର୍ଟ ପଜିଟିଭ୍ ଆସିବା ପରେ ଶ୍ରୀ ପରିଡ଼ାଙ୍କୁ ବାଲେଶ୍ୱର କୋଭିଡ଼ ହସ୍ପିଟାଲରେ ଭର୍ତ୍ତି କରାଯାଇଛି ।
