ରାଜସୁନାଖଳା,6/10 : ରାଜସୁନାଖଳା ପୋଲିସ କୁ ମିଳିଛି ବଡ଼ ସଫଳତା. ଅନ୍ତଃ ରାଜ୍ୟ ଚୋରା ବାଇକ ରାକେଟ ଠାବ କରିବା ସହ ଅଭିଯୁକ୍ତ କୁ ଗିରଫ କରି ତାହା ନିକଟ ରୁ ଚାରି ଗୋଟି ଚୋରା ବାଇକି ଜବତ କରାଯାଇ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରିଛି ରାଜ ସୁନାଖଳା ପୋଲିସ…..ତେବେ ମିଳିଥିବା ସୂଚନା ଅନୁସାରେ ,ରାଜସୁନାଖଳା ଅଞ୍ଚଳରୁ ବାଇକ ଚୋରି ହେଉଥିବା ଅଭିଯୋଗ ହେଉଥିବା ବେଳେ ଏହା ଉପରେ କଡା ନଜର ରଖିଥିଲା ରାଜସୁନାଖଳା ପୋଲିସ | ବିଶେଷ ସୂତ୍ର ରୁ ଖବର ପାଇ ସର୍ବେଶ୍ୱର ବାରିକ (24) ନାମକ ଜଣେ ବ୍ୟକ୍ତି ରାଜସୁନାଖଳା ଅଞ୍ଚଳରୁ ଦୀର୍ଘ ଦିନ ହେବ ଅନେକ ବାଇକ ଚୋରି କରି ଏକ ରାକେଟ ଚଳେଇଥିବା ଜାଣିବାକୁ ପାଇଥିଲା ରାଜସୁନାଖଳା ପୋଲିସ ତାକୁ ଶୁକ୍ରବାର ଗିରଫ କରି କୋର୍ଟ ଚାଲାଣ କରିଥିବା ସୂଚନା ଦେଇଛନ୍ତି ସଡିପିଓ ସୁଧାକର ସାହୁ | ବିଭିନ୍ନ ଜାଗାରୁ ବାଇକ ଚୋରି କରି ଆଣି ସେ ବାଇକ ର ଚେଚିଶ ନମ୍ବର କୁ ଲିଭାଇ ମିଛରେ ଅଲଗା ଗାଡି ନମ୍ବର ଲଗାଇ ଗାଡି ବିକ୍ରି କରୁଥିଲା | ପୂର୍ବରୁ ମଧ୍ୟ ଖୋର୍ଦ୍ଧା ଥାନାରେ ତା ନାଁରେ 6ଟି କେସ, ରଣପୁର ଥାନା ରେ 2ଟି ଏବଂ ବେଗୁନିଆ ଥାନାରେ ଗୋଟିଏ କେସ ଥିବା ପୋଲିସ ସୂତ୍ରରୁ ସୂଚନା ମିଳିଛି |କିଛି ଦିନ ତଳେ ଜେଲ ଯାଇଥିବା ବେଳେ ଜେଲ ରୁ ଆସି ପୁଣି ଅପରାଧିକ କାମ କରୁଥିଲା | ଏଭଳି ବାଇକ ଚୋରି ଅଭିଯୋଗ ରାଜସୁନାଖଳା ଫାଣ୍ଡି ଅଧିକାରୀ ପ୍ରୀତିପ୍ରକାଶ ମହାନ୍ତି ଙ୍କ ନିକଟରେ ଖବର ହେବା ପରେ ଫାଣ୍ଡି ଅଧିକାରୀ ଏବଂ ରାଜସୁନାଖଳା ପୋଲିସ ଟିମ ଛାନଭିନ କରି ଉକ୍ତ ଅଭିଯୁକ୍ତ କୁ ଧରିବାରେ ସଫଳ ହୋଇଛନ୍ତି | ଅଭିଯୁକ୍ତ ର ଘର ଖୋର୍ଦ୍ଧା ଜିଲ୍ଲା ବେଗୁନିଆ ଅଞ୍ଚଳ ରେ ହୋଇଥିବା ବେଳେ ସେ ରାଜସୁନାଖଳା ଏବଂ ଏହାର ଆଖପାଖ ଅଞ୍ଚଳରେ ଏଭଳି କାମ କରୁଥିଲା |
