ଆର.ଉଦୟଗିରି : ଗତଗୁରୁବାର ମଧ୍ୟରାତ୍ରୀରେ ମୋହନା ଥାନାର ଚାନ୍ଦିପୁଟ ଗ୍ରାମରେ ଏକ ମୋବାଇଲି ଦୋକାନ ଏବଂ ସ୍କୁଲରୁ ଚୋରି ଘଟଣାରେ ପୁଲିସ ୩ ଅଭିଯୁକ୍ତଙ୍କୁ ଗିରଫ କରିଛି । ଗିରଫ ମାନେ ହେଲେ ଚାନ୍ଦିପୁଟର ଅନିଲ ମାହାପାତ୍ର , ସୁଦର୍ଶନ ମହାଙ୍କୁଡ ଏବଂ ଗୋଳନ୍ଥରା ଥାନା ସୁନପୁର ଗ୍ରାମର ରାଜା ବେହେରା ।
ଅଭିଯୁକ୍ତ ମାନଙ୍କ ଠାରୁ ଚୋରୀ ହୋଇଥିବା ସାମଗ୍ରୀ ସହ ଚୋର ବେଳେ ବ୍ୟବହୃତ ଏକ ଶାବଳ ମଧ୍ୟ ଜବତ କରାଯାଇଛି । ସିସିଟିଭି ଫୁଟେଜ ଆଧାରରେ ସେମାନଙ୍କୁ ଗିରଫ କରାଯାଇଥିବା ପୁଲିସ ସୁଚନା ଦେଇଛନ୍ତି ।
ସୁଚନା ଯୋଗ୍ୟ ଯେ ଗତ ଗୁରୁବାର ମଧ୍ୟ ରାତିରେ ଲକ ଡାଉନ ର ସୁଯୋଗ ନେଇ କିଛି ଦୃର୍ବୃତ୍ତ ମୁଖ୍ୟ ବଜାରୁ ମୋବାଇଲି ଦୋକାନ ସହ ବିଦ୍ୟାଳୟରୁ ତାଲାଭାଙ୍ଗି ଲକ୍ଷ୍ୟାଧିକ ଟଙ୍କାର ସାମଗ୍ରୀ ଚୋରୀ କରି ନେଇଥିଲେ , ଅଭିଯୋଗ ପରେ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଥିଲେ । ତେବେ ଅଭିଯୁକ୍ତ ମାନେ କେବଳ ଏହି ଚୋରୀରେ ସମ୍ପୃକ୍ତ ନା ପୂର୍ବରୁ ହୋଇଥିବା ଚୋରୀ ଗୁଡିକରେ ମଧ୍ୟ ସେମାନଙ୍କ ହାତ ଅଛି ବତ୍ତମାନ ପୋଲିସ ତଦନ୍ତ ପରିସରଭୁକ୍ତ ।
