ନୂଆପଡ଼ା-୨୭/୧ ସକାଳ ଖବର (ସୁରେନ୍ଦ୍ର ପ୍ରସାଦ ତିୱାରୀ) : ନୂଆପଡ଼ା ହେଉଛି ଏକ ଉପାନ୍ତ ଜିଲ୍ଲା ତଥା ଛତିଶଗଡ଼ ସୀମାନ୍ତ ବର୍ତ୍ତି ଜିଲ୍ଲା । ଏଠାରେ ସବୁ ସମୟରେ ବିଭିନ୍ନ ସମସ୍ୟା ଲାଗି ରହିଥାଏ । ବିଶେଷ କରି ଉପାନ୍ତ ଅଞ୍ଚଳ ହୋଇଥିବାରୁ ମାଓ ସମସ୍ୟା ,ପୋଲିସ ପାଇଁ ମୁଣ୍ଡ ବ୍ୟାଥା ଓ ଚ୍ୟାଲେଞ୍ଜ ହୋଇ ରହିଥାଏ । ଏହି ପରିପେକ୍ଷୀରେ ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ଉପାନ୍ତ ଅଞ୍ଚଳ ଭଇଁସାଦାନି ସ୍ଥିତ ୧୯ ବାଟାଲିୟନ ସିଆରପିଏଫ କ୍ୟାମ୍ପ ପରିସର ମଧ୍ୟରେ ଶିଭିକ୍ସ ଆକ୍ସନ ପ୍ରୋଗ୍ରାମ ଅନୁଷ୍ଠିତ ହୋଇଯାଇଛି । ସିଆରପିଏଫ ଯବାନ ଓ ଉପାନ୍ତ ଅଞ୍ଚଳ ର ଅଧିବାସୀ ଓ ଜନସାଧାରଣଙ୍କ ମଧ୍ୟରେ ସୁସମ୍ପର୍କ ସ୍ଥାପନ କରିବା ପାଇଁ ଏହା ହେଉଛି ସରକାରଙ୍କ ଏକ ଭିନ୍ନ ପ୍ରୟାସ ।
ଏଣୁ ସାଧାରଣତନ୍ତ୍ର ଦିବସ ତଥା ମାଁ ସରସ୍ଵତୀଙ୍କ ପୂଜା ଅବସରରେ ସିଆରପିଏଫ ୧୯ବାଟାଲିୟନ ର ସିଭିସ୍କ ଆକ୍ସନ ପ୍ରୋଗ୍ରାମ ରେ ଭଇସାଦାନି ସିଆରପିଏଫ ୧୯ ବାଟାଲିୟନ ର କମାଣ୍ଡଡେଣ୍ଟ ସୁରେଶ ସାହୁ ଙ୍କ ତତ୍ତ୍ଵାବଧାନରେ ମୁଖ୍ୟ ଅତିଥି ଭାବରେ ସ୍ଥାନୀୟ ସରପଞ୍ଚ ଗିରିଜା ମାଝୀ ଯୋଗଦାନ କରିଥିଲେ । ସାଧାରଣତନ୍ତ୍ର ଦିବସ ଉପଲକ୍ଷେ ପ୍ରଥମେ ସିଆରପିଏଫ ଯବାନ ମାନଙ୍କ ମଧ୍ୟରେ କ୍ରିକେଟ ଓ ଭଲିବଲ ପ୍ରତିଯୋଗିତା ଅନୁଷ୍ଠିତ ହୋଇଥିଲା ପରେ ପରେ ଉପାନ୍ତ ଅଞ୍ଚଳ ଭଇସାଦାନି ପଞ୍ଚାୟତ ର ବିଭିନ୍ନ ଗାଁରୁ ଆସିଥିବା ଗରିବ ନିରୀହ ଲୋକ ମାନଙ୍କୁ ଯବାନ ମାନଙ୍କ ଦ୍ଵାରା ଗରମ ସୁସ୍ୱାଦୁ ଭୋଜନ ପରସାଜାଇଥିଲା ଓ ଅତି ନିରୀହ ୬୮ ଜଣ ମହିଳା ,ପୁରୁଷ , ତଥା ବୃଦ୍ଧ , ବୃଦ୍ଧାଙ୍କୁ ଡେକଚି ,ଗଞ୍ଜ ,ଚାମଚ୍ ,କଢ଼େଇ ,ଢାଙ୍କୁଣି , ପାତିଆ ଆଦି ରୋଷେଇ ସାମଗ୍ରୀ ବଣ୍ଟନ କରାଯାଇଥିଲା ।ଉପାନ୍ତ ଅଞ୍ଚଳ ଧୋବଘାଟ ଓ କୁଇମୁଣ୍ଡା ର କ୍ରିକେଟ ଖେଳାଳି ଙ୍କୁ କ୍ରିକେଟ ଉପକରଣ ଯଥା ବ୍ୟାଟ, ବଲ ,ଷ୍ଟାମ୍ପ ମଧ୍ୟ ପ୍ରଦାନ କରାଯାଇଥିଲା । ଭଇସାଦାନି ସିଆରପିଏଫ ୧୯ ବାଟାଲିୟନ ର ସମସ୍ତ ଯବାନ ତଥା ଯବାନ ଅମରେଶ ସାହୁ ଙ୍କ ପୂର୍ଣ୍ଣ ସହଯୋଗ ରେ ଆୟୋଜିତ କାର୍ଯକ୍ରମ ସଫଳ ହୋଇଥିଲା । ଯବାନ ମାନଙ୍କ ଏଭଳି ସେବା କୁ ନେଇ ଉପାନ୍ତ ବାସୀ ଭୂୟସୀ ପ୍ରଶଂସା କରିଥିଲେ ।
