ନିରାକାରପୁର,୨୦/୯: ମହାନଦୀ ର ବନ୍ୟା ଜଳ ରାଜୁଆ ନଦୀରେ ପଶି ଖୋରଧା ବ୍ଲକ ର ତିନି ପଞ୍ଚାୟତ ଓରବରସିଂହ, ନରଣଗଡ଼ ଏବଂ ବ୍ରଜମୋହନପୁର ରେ ଅକଥନୀୟ ଦୁର୍ଦ୍ଦଶା ପ୍ରତିବର୍ଷ ଆଣିଦେଇଥାଏ l ହଜାର ହଜାର ଏକର ଚାଷ ଜମି ବନ୍ୟା ପ୍ଲାବିତ ହେବାସହ ଗାଁ ଦାଣ୍ଡରେ ତିନି ଫୁଟ ଉଚରେ ବନ୍ୟା ଜଳ ପ୍ରଭାହିତ ହେଉଥିବାରୁ ଜନସାଧାରଣ ଏବଂ ଗୃହ ପାଳିତ ପଶୁମାନେ ନାହଁ ନଥିବା ଦୁର୍ଦ୍ଦଶା ର ସମ୍ମୁଖୀନ ହେଉଛନ୍ତି l ଏପରିକି ହିରିମୂଳ ଗାଁ ବାହ୍ୟ ଜଗତରୁ ବିଛିର୍ଣ୍ଣ ହୋଇଆସୁଅଛି l ସଂପ୍ରତି ହିରିମୂଳ ଗ୍ରାମବାସୀଙ୍କର ଦୁର୍ଦ୍ଦଶା କୁ ଉପଲବ୍ଧି କରି ରାଜ୍ୟ ବିଜୁ ମହିଳା ଜନତା ଦଳ ବରିଷ୍ଠ ଉପସଭାପତି ବାସନ୍ତୀ ମହାପାତ୍ର ବନ୍ୟା ବିପନ୍ନ ମାନଙ୍କୁ ଭେଟି ଶୁଖିଲା ଖାଦ୍ୟ ବଣ୍ଟନ କରିବାସହ ପ୍ରଶାସନ ଦ୍ୱାରା ଯାତାୟତ ପାଇଁ ଯୋଗାଇ ଦିଆଯାଉଥିବା ଏକ ମାତ୍ର ଡ଼ଙ୍ଗା ପ୍ରଯ୍ୟାପ୍ତ ହେଉନଥିବାରୁ ଅଧିକ ଡ଼ଙ୍ଗା ଯୋଗାଇଦେବା ପାଇଁ ଅନୁରୋଧ କରିଛନ୍ତି।
