Odisha news

କୋଣାର୍କ : ରାମଚଣ୍ଡୀ ନିକଟରୁ ବେଆଇନ ଚିଙ୍ଗୁଡ଼ି ଘେରି ଉଚ୍ଛେଦ ପାଇଁ ବନ ବିଭାଗ କଲା ପ୍ରସ୍ତୁତି।

0

କୋଣାର୍କ : ବେଳାମାର୍ଗର ରାମଚଣ୍ଡୀ ମନ୍ଦିର ପଛରୁ ଖାଲକଟା ପାଟଣା ଦେଇ ଟିକନା ଗ୍ରାମ ପର୍ଯ୍ୟନ୍ତ ଶହଶହ ଏକର ବେଆଇନ ଚିଙ୍ଗୁଡ଼ି ଘେରି ଖୋଳା ଯାଇ  ଚାସ କରାଯାଉଛି। ଏହି ଅଭିଯୋଗ ହେବା ପରେ ବନବିଭାଗ ପକ୍ଷରୁ ଉକ୍ତ ବେଆଇନ ଚିଙ୍ଗୁଡ଼ି ଘେରି ଉଛେଦ ପାଇଁ ପ୍ରସ୍ତୁତି ଆରମ୍ଭ ହୋଇଛି ।ଏଥି ସହିତ କୁଶଭଦ୍ରା ନଦୀରୁ ମଧ୍ୟ ବେଆଇନ ଭାବେ ଚିଙ୍ଗୁଡ଼ି ଜାଆଁଳ ଧରା ହେଉଛି ।ଏନେଇ କ୍ରମାଗତ ଭାବେ ଅଭିଯୋଗ ପରେ ମଧ୍ୟ ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆଯାଇନଥିଲା ।

ଏସଂପର୍କରେ ଅଭିଯୋଗ ଜୋର ହେବା ପରେ ଆଜି କୋଣାର୍କ ବନାଞ୍ଚଳ କାର୍ଯ୍ୟାଳୟ ଓ ବାଲୁଖଣ୍ଡ ବନାଞ୍ଚଳ କାର୍ଯ୍ୟାଳୟର ଅଧିକାରୀଙ୍କ ସହିତ ବନକର୍ମଚାରୀ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି ।ବାଲୁଖଣ୍ଡ ଅଭୟାରଣ୍ୟ ସନ୍ନିକଟ ଅଂଚଳରେ ଗଢ଼ି ଉଠିଥିବା ଏହି ବେଆଇନ ଚିଙ୍ଗୁଡ଼ି ଘେରି ଅଭୟାରଣ୍ୟ ଅଂଚଳ ନିକଟରେ ଥିବାରୁ ଏହା ବନ୍ୟପ୍ରାଣୀଙ୍କୁ କ୍ଷତି ପହଞ୍ଚାଇବାର ଆଶଙ୍କା ରହିଛି ବୋଲି ଆଜି ସ୍ଥିତି ଅନୁଧ୍ୟାନରେ ଯାଇଥିବା ବନବିଭାଗ ଅଧିକାରୀଙ୍କ ଠାରୁ ସୂଚନା ମିଳିଛି ।

ବେଆଇନ ଭାବେ ଗଢ଼ି ଉଠିଥିବା ଏହି ଚିଙ୍ଗୁଡ଼ି ଘେରି ମଧ୍ୟରୁ କେତେକ ଘେରି ସଂପୂର୍ଣ୍ଣ ରାଜସ୍ବ ବିଭାଗ ଜମିରେ ରହିଥିବାର ସୂଚନା ମିଳିଛି ।୪ ଏକରରୁ ଅଧିକ ଘରୋଇ ଜମିରେ ମଧ୍ୟ ବେଆଇନ ଚିଙ୍ଗୁଡ଼ି ଘେରି କରାଯାଇଛି ।ଏସଂପର୍କରେ ବନ ବିଭାଗ ପକ୍ଷରୁ ରାଜସ୍ବ ବିଭାଗ କୁ ଅବଗତ କରାଯିବ ବୋଲି ସୂଚନା ମିଳିଛି ।ରାଜସ୍ବ ବିଭାଗ ଓ ବନବିଭାଗ ପକ୍ଷରୁ ଏସଂପର୍କରେ ବିଦ୍ଧିବଧ ଭାବେ ଅନୁଧ୍ୟାନ କରାଯିବା ପରେ କୁଶଭଦ୍ରା ନଦୀ ଅବବାହିକାରେ ଗଢ଼ି ଉଠିଥିବା ବେଆଇନ ଚିଙ୍ଗୁଡ଼ି ଘେରି ଗୁଡ଼ିକୁ ଖୁବଶିଘ୍ର ଉଛେଦ କରାଯିବ ବୋଲି ବନବିଭାଗ ପକ୍ଷରୁ ସୂଚନା ମିଳିଛି ।

Leave A Reply

Your email address will not be published.