ଡେରାବିଶ : ଆଜି କେନ୍ଦ୍ରାପଡ଼ା ଜିଲ୍ଲାପାଳ ସମର୍ଥ ବର୍ମା ଡେରାବିଶ ବ୍ଳକର ବିଭିନ୍ନ ପଂଚାୟତକୁ ଗ୍ରସ୍ତ ସେଠାରେ ଚାଲିଥିବା ମନରେଗା କାର୍ଯ୍ୟ ତଦାରଖ କରିବା ସହିତ କୋଭିଡ଼୍ ସେଂଟର ପରିଦର୍ଶନ କରିଥିଲେ । ଆଜି ପୂର୍ବାହ୍ନରେ ଶ୍ରୀ ବର୍ମା ମୁକୁନ୍ଦପୁର ପଂଚାୟତର ପଂଚାୟତ ହାଇସ୍କୁଲରେ କୋଭିଡ଼୍ ନିମନ୍ତେ ହୋଇଥିବା ଅସ୍ଥାୟୀ ସ୍ୱାସ୍ଥ୍ୟ କେନ୍ଦ୍ରରେ ପହଂଚି କେନ୍ଦ୍ରର ପରିଚାଳନା ସମ୍ପର୍କରେ ସରପଂଚ ଯୋଗାନନ୍ଦ ମହାନ୍ତିଙ୍କୁ ପଚାରି ବୁଝିଥିଲେ । ଏଥିସହିତ ଅନ୍ତେବାସୀଙ୍କୁ ସେମାନଙ୍କର ସୁବିଧା ଅସୁବିଧା ସମ୍ପର୍କରେ ପଚାରିଥିଲେ ।
ଏହା ପରେ ପଂଚାୟତ ଅନ୍ତର୍ଗତ ଡାବଳ ଠାରେ ମନରେଗା ଯୋଜନାରେ ହେଉଥିବା ଶ୍ରୀଧରପୁର ଆରଡି ରାସ୍ତାରୁ ଡାବଳ ଶ୍ମଶାନଯାଏ ନିର୍ମାଣଧିନ ରାସ୍ତା କାର୍ଯ୍ୟକୁ ବୁଲି ଦେଖିଥିଲେ । ସେହିପରି ପଲେଇ ପଂଚାୟତ ଅନ୍ତର୍ଗତ ଅଢ଼ଙ୍ଗା ମଲ୍ଲିକେଶ୍ୱରପୁର ବିଦ୍ୟାଳୟରେ ହୋଇଥିବା କୋଭିଡ଼୍ ସେଂଟରକୁ ଶ୍ରୀ ବୁଲି ଦେଖିବା ସହ ମନରେଗା ଯୋଜନାରେ ଚାଲିଥିବା ପଲେଇ-କାଜିପୁର ରାସ୍ତା ଓ ମାର୍କେଟ୍ କମ୍ପ୍ଲେକ୍ସ ଗୃହ କାର୍ଯ୍ୟ ତଦାରଖ କରିଥିଲେ । ଜିଲ୍ଲାପାଳଙ୍କ ଏହି ଗ୍ରସ୍ତ ସମୟରେ ତାଙ୍କ ସହିତ ଡେରାବିଶ ବିଡ଼ିଓ ଗୋପବନ୍ଧୁ ଭୋସାଗର, ଏବିଡ଼ିଓ ଭଞ୍ଜକିଶୋର ନାୟକ, କୋଭିଡ଼୍ ଡାକ୍ତର ଚିତରଞ୍ଜନ ବେହେରା, ସ୍ୱାସ୍ଥ୍ୟକର୍ମୀ ସାବିତ୍ରୀ ମନ୍ତ୍ରୀ ପ୍ରମୁଖ ଉପସ୍ଥିତ ରହିଥିଲେ
