Odisha news

ଦୁର୍ଦ୍ଦିନରେ ବନ୍ୟା ବିପନ୍ନ,ଭୋକ ଉପାସରେ ବିତୁଛି ଜୀବନ

0

କଣାସ ୧୮/୦୮/୨୦୨୨ : ଦୁର୍ଦ୍ଦିନରେ ବନ୍ୟା ବିନପ୍ନଙ୍କ ଦୁଃଖ କାହାଣୀ ଦେଖିବାକୁ ମିଳିଛି କଣାସ ବ୍ଲକରେ ।ଗତ ତିନି ଦିନ ହେଲା ମଣିଷ ଗୃହ ପାଳିତ ପଶୁ ଭୋକ ଉପାସରେ ଦିନ କାଟୁଛନ୍ତି ।ସରକାରୀ ସହାୟତା ସମୁଦ୍ରକୁ ସଂଖେ । ମକରା ଓ ରାଜୁଆ ନଦୀରେ ଘାଇ ହେବା ଦ୍ଵାରା ଜଳ ବନ୍ଦିରେ ୧୧ ପଞ୍ଚାୟତର ୩୦ ହଜାରରୁ ଉର୍ଦ୍ଧ୍ଵ ଲୋକ ପ୍ରଭାବିତ ହୋଇଛନ୍ତି ।ହୀରାକୁଦର ୪୦ଗେଟ୍ ଦେଇ ଆସୁଥିବା ବନ୍ୟାଜଳ ସବୁ ନଦୀର ବିପଦ ସଙ୍କେତ ଉପରେ ପ୍ରଭାବିତ ହେଉଛି ।ଯାହା ଦ୍ଵାରା ବ୍ଲକରେ  ଦୁଇଟି ଘାଇ ସୃଷ୍ଟି ହୋଇଥିବା ବେଳେ ଅନେକ ଘଳିଆ ମଧ୍ୟ ସୃଷ୍ଟି ହୋଇଛି।ଗଡବଡ଼ପୁଟ,ଗଡସାନପୁଟ,ଦୋକନ୍ଦା, ବଡାସ,ଗଡ ବଳଭଦ୍ରପୁର ବାହ୍ୟ ଜଗତରୁ ବିଚ୍ଛିନ୍ନ ହୋଇଛି।ଘରେ ଘରେ ପାଣି ପଶିଯିବାରୁ ରୋଷେଇ କରି ଖାଇବା ଅସମ୍ଭବ ହୋଇପଡିଛି ।ପ୍ରଶାସନ ପକ୍ଷରୁ ଦେଇଯାଇଥିବା ରିଲିଫ ସାମଗ୍ରୀକୁ ବନ୍ୟା ବିପନ୍ନ ଆସୋନ୍ତୋଷ ପ୍ରକାଶ କରିଛନ୍ତି ।ଏଭଳି ସ୍ଥିତିରେ ଲୋକମାନଙ୍କୁ ସଠିକ୍ ପରିମାଣରେ ଖାଦ୍ୟ ଯୋଗାଇବା ପାଇଁ ଲୋକମାନେ ଦାବି କରିଛନ୍ତି ।ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟ ବନ୍ୟା ବିପନ୍ନଙ୍କ ପାଖରେ ପହଞ୍ଚି ସେମାନଙ୍କର ସମସ୍ୟା ଦେଖିବା ସହ ସରକାରୀ ଅଧିକାରୀଙ୍କୁ ଅଧିକରୁ ଅଧିକ ସମସ୍ତ ପ୍ରକାର ସହାୟତା ଦେବାପାଇଁ ନିର୍ଦ୍ଦେଶ ଦେଇଛନ୍ତି ।ସେପଟେ ବିଜେପିର ଏକ ଟିମ୍ ବନ୍ୟାଞ୍ଚଳ ପରିଦର୍ଶନ କରି ଫେରିଛନ୍ତି ।ଏଥିରେ ରାଜ୍ୟ ସଭାପତି ସମୀର ମହାନ୍ତି,ପୂର୍ବତନ ବିଧାୟକ ରମାରଞ୍ଜନ ବଳିଆରସିଂହ,ଜିଲ୍ଲା ସଭାପତି ଆଶ୍ରିତ ପଟ୍ଟନାୟକ,ପୁରୀ ବିଧାୟକ ଜୟନ୍ତ କୁମାର ଷଡଙ୍ଗୀ ଓ ଓମ୍ ପ୍ରକାଶ ମିଶ୍ର ପ୍ରମ୍ମୁଖ ଉପସ୍ଥିତ ଥିଲେ ।

Leave A Reply