କାକଟପୁର ୨/୧୦ କାକଟପୁର ବ୍ଳକ ନୂତନ ପେନସନଭୂକ୍ତ ପ୍ରାଥମିକ ଶିକ୍ଷକ ସଂଘର ନୂତନ କର୍ମକର୍ତ୍ତା ମନୋନୟନ ଶାନ୍ତି ଶୃଙ୍ଖଳାର ସହ ସମ୍ପନ୍ନ ହୋଇଯାଇଛି। ପବିତ୍ର ଗାନ୍ଧୀ ଜୟନ୍ତୀ ଅବସରରେ ଶିକ୍ଷକ ଭବନରେ ଅନୁଷ୍ଠିତ ସାଂଗଠନିକ ବୈଠକରେ ବିଷ୍ଣୁ ଚରଣ ମହାନ୍ତି ସଭାପତିତ୍ବ କରିଥିଲେ। ନିଖିଳ ଉତ୍କଳ ପ୍ରାଥମିକ ଶିକ୍ଷକ ସଂଗଠନର ବ୍ଳକ ସମ୍ପାଦକ ଅକ୍ଷୟ କୁମାର ଖୁଣ୍ଟିଆ ଓ ପ୍ରାଥମିକ ଶିକ୍ଷକ ସଂଗଠନର ସମ୍ପାଦକ ମୁନିର ଅହମ୍ମଦ ଖାଁ ପର୍ଯ୍ୟବେକ୍ଷକ ଭାବେ ଯୋଗଦେଇ ମନୋନୟନ ପ୍ରକ୍ରିୟାକୁ ପରିଚାଳନା କରିଥିଲେ। ଉପସ୍ଥିତ ସଭ୍ୟ ମାନଙ୍କ ସ୍ବୀକୃତି କ୍ରମେ ସାଂଗଠନିକ ପଦବୀ ଗୁଡିକ ପାଇଁ ନିର୍ବାଚନ ପରିବର୍ତ୍ତେ ମନୋନୀତ ପ୍ରକ୍ରିୟାରେ ପୂରଣ କରାଯାଇଥିଲା। ସଂଗଠନର ସଭାପତି ରକ୍ଷକ କୁମାର ସ୍ବାଇଁ, ସମ୍ପାଦକ ବିଶ୍ଵଜିତ ସ୍ବାଇଁ,ଓ କୋଷାଧ୍ୟକ୍ଷ ଶେଖ ହାରିସ୍ ଙ୍କୁ ସର୍ବସମ୍ମତିକ୍ରମେ ମନୋନୀତ କରାଗଲା। ସଂଗଠନର ବ୍ୟାପକତା ଦୃଷ୍ଟିରୁ ସୁପରିଚାଳନା ପାଇଁ ୪ଜଣ ଉପସଭାପତି ଓ ୪ଜଣ ସହ ସମ୍ପାଦକଙ୍କ ସହ ୨ଜଣ ଅଡିଟର ମଧ୍ୟ ମନୋନୀତ କରାଯାଇଥିବା ଯୁଗ୍ମ ମିଡ଼ିଆ ସଂଯୋଜକ ଶେଖ ଫଜଲୁର ରହମାନ ଏବଂ ଦେବାଶିଷ ବାହିନୀପତିଙ୍କ ଠାରୁ ପ୍ରକାଶ।
