ଅନେକ ଗବେଷଣାରୁ ଜଣା ପଡ଼ିଛି ଯେ ରାତ୍ରି ଭୋଜନ ଆମ ସ୍ବାସ୍ଥ୍ୟ ସମସ୍ୟା ଉପରେ ଖୁବ୍ ପ୍ରଭାବ ପକାଇ ଥାଏ । ସ୍ୱାସ୍ଥ୍ୟକର ଖାଦ୍ୟ ଓ ବ୍ୟାୟାମ କରିବା ଦ୍ୱାରା ଓଜନ ହ୍ରାସ ଓ ଶରୀରର ଛୋଟ ଛୋଟ ରୋଗ , କୋଲେଷ୍ଟ୍ରାଲ ଜନିତ ସମସ୍ୟା ଦୂର କରାଯାଇ ଥାଏ । କିନ୍ତୁ ଯଦି ଆପଣ ଭୁଲ ସମୟରେ ରାତ୍ରି ଭୋଜନ କରୁଛନ୍ତି ତେବେ ଅନେକ ପ୍ରକାର ରୋଗ ଦ୍ଵାରା ଆକ୍ରାନ୍ତ ହୋଇ ଥାଆନ୍ତି । କେବଳ ଏତିକି ନୁହେଁ ସୂଗାର୍ ଲେବୁଲ ମଧ୍ୟ ବୃଦ୍ଧି ପାଇଥାଏ । ବିଶେଷ ଭାବରେ କରୋନା ମହାମାରୀ ପରେ ଆମର କିଛିଟା ଅଭ୍ୟାସ ଉପରେ ଗଭୀର ପ୍ରଭାବ ପଡିଛି । ବିଶେଷ ଭାବରେ ଯେଉଁ ବ୍ୟକ୍ତି ମାନେ ପୂର୍ବରୁ ଠିକ୍ ସମୟରେ ଖାଦ୍ୟ ଖାଉ ଥିଲେ ସେମାନଙ୍କ ଖାଦ୍ୟ ଖାଇବା ଶୈଳୀ ସଂପୂର୍ଣ୍ଣ ବଦଳି ଯାଇଛି ।
ଗୋଟିଏ ଗବେଷଣା ଅନୁସାରେ ରାତ୍ରି ଭୋଜନ ର ପ୍ରକୃତ ସମୟ ସନ୍ଧ୍ୟା ୭ ଟା ରଖିବା ଉଚିତ୍ । କିନ୍ତୁ ଆମ ମାନଙ୍କ ମଧ୍ୟରୁ ଅନେକ ଲୋକ ବିଳମ୍ବିତ ରାତିରେ ରାତ୍ରି ଭୋଜନ କରି ଥାଆନ୍ତି ।
* ଗୋଟିଏ ଠିକ୍ ରାତ୍ରି ଭୋଜନ ର ସମୟ ହେଉଛି ସନ୍ଧ୍ୟା ୬ଟା ରୁ ରାତ୍ରି ୮ ଟା ମଧ୍ୟରେ । ଯେଉଁ ବ୍ୟକ୍ତି ମାନେ ବିଳମ୍ବିତ ରାତିରେ ଭୋଜନ କରନ୍ତି ସେମାନଙ୍କର ସୂଗାର ଲେବୁଲ ହାଇ ରହିଥାଏ । ସାରା ଦିନ ଆପଣ କଣ ଖାଇଲେ ତାହା ଗୁରୁତ୍ଵ ପୂର୍ଣ୍ଣ ନୁହେଁ , କିନ୍ତୁ ରାତ୍ରି ଭୋଜନ ଓ ସକାଳ ସମୟର ଜଳଖିଆ ଶରୀର ଉପରେ ଖୁବ୍ ପ୍ରଭାବ ପକାଇ ଥାଏ ।
– ସର୍ବଦା ରାତ୍ରି ଭୋଜନ ଓ ଶୋଇବା ମଧ୍ୟରେ ୨ଘଣ୍ଟା ବ୍ୟବଧାନ ରହିବା ଆବଶ୍ୟକ । ଯାହାକି ଆମର କୋଲେଷ୍ଟ୍ରାଲ ସ୍ତର କୁ ନିୟନ୍ତ୍ରିତ କରିବାରେ ସାହାଯ୍ୟ କରିଥାଏ ।
– ରାତ୍ରି ଭୋଜନ ଶୀଘ୍ର କରିବା ଦ୍ୱାରା ଓଜନ ବୃଦ୍ଧି ସମସ୍ୟା ମଧ୍ୟ ଦେଖା ଯାଏ ନାହିଁ । କାହିଁକି ନା ଆମେ ଯଦି ଖାଦ୍ୟ ଖାଇବା ପରେ ତୁରନ୍ତ ଶୋଇ ପଡ଼ିଥାଉ ଏହା ମେଦ ବହୁଳତା
ର କାରଣ ହୋଇଥାଏ ।
– ଉଚ୍ଚ ରକ୍ତଚାପ ରୋଗୀ ମାନେ ମଧ୍ୟ ରାତ୍ରି ଭୋଜନ ଶୀଘ୍ର କରିବା ଉଚିତ୍ । ରାତ୍ରି ଭୋଜନ ରକ୍ତଚାପ କୁ ସନ୍ତୁଳନ କରିବାରେ ସାହାଯ୍ୟ କରିଥାଏ । ଉଚ୍ଚ ରକ୍ତଚାପ ରୋଗୀ ମାନେ ମଧ୍ୟ ରାତ୍ରି ଭୋଜନ ସାରିବାର କିଛି ସମୟ ପରେ ଚାଲିବା ଆବଶ୍ୟକ ।
– ନିୟମିତ ରାତ୍ରି ଭୋଜନ ରେ କିଛି ମାତ୍ରା ରେ ଗ୍ରୀନ ସାଲାଡ଼ ସେବନ କରନ୍ତୁ । ଏହା ଆପଣଙ୍କ ପେଟ କୁ ସଫା ରଖିବାରେ ସାହାଯ୍ୟ କରିବ । ଏହାଛଡା ରାତ୍ରି ଭୋଜନ ଶୀଘ୍ର କରିବା ଦ୍ୱାରା ପାଚନ ସମ୍ବନ୍ଧୀୟ ସମସ୍ୟା ମଧ୍ୟ ଦେଖା ଦେଇ ନଥାଏ ।
– ରାତ୍ରି ଭୋଜନ କରିବା ପୂର୍ବରୁ ସାମାନ୍ୟ ଉଷୁମ ପାଣି ସେବନ କରିବା ଆବଶ୍ୟକ । ଏହାଦ୍ବାରା ମେଟାବୋଲିଜୀମ ବୃଦ୍ଧି ହୋଇଥାଏ । ଯାହାଦ୍ଵାରା ଓଜନ ହ୍ରାସ ହେବାରେ ସାହାଯ୍ୟ କରିଥାଏ ।
