ଅନୁଗୁଳ: ଗୁରୁବାର ଦିନ ଅନୁଗୁଳ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ୧୨୦ ଲିଟର ଦେଶୀ ମଦ ଜବତ କରାଯାଇଥିବା ସହ ଏହି ବେଆଇନ କାର୍ଯ୍ୟରେ ସଂଶ୍ଳିଷ୍ଟ ଥିବା ଜଣେ ମÿହିଳାଙ୍କ ସମେତ ୨ ଜଣଙ୍କୁ ଗିରଫ କରିଥିବା ଜଣାଯାଇଛି । ଘଟଣାରୁ ପ୍ରକାଶ ଯେ, ଗୁରୁବାର ସକାଳେ ଅନୁଗୁଳ ଅବକାରୀ ଓଆଇସି ଅରବିନ୍ଦ ପ୍ରସାଦ ରାଉତରାୟ, ଏ ଏସ ଆଇ ବିଜୟ କୁମାର ସାମଲ, ହେମନ୍ତ ନାୟକ, କନେଷ୍ଟବଳ ସୁରେଶ ପାଲ ଏବଂ ରଜନୀପ୍ରଭା କିଷାନ ପ୍ରମୁଖ ସଦଳବଳେ ଅନୁଗୁଳ ଥାନା ଅନ୍ତର୍ଗତ କରଡାଗାଡିଆ ଗ୍ରାମରେ ଚଢ଼ାଉ କରି ବିକାଶ ଗୋଚ୍ଛାୟତ (୩୫) କୁ ଗିରଫ କରିବା ସହ ତା ଠାରୁ ୧୧୦ ଲିଟର ଦେଶୀ ମଦ ଏବଂ ଗୋଟିଏ ଅଟୋରିକ୍ସାକୁ ଜବତ କରିଥିଲେ । ସେହିପରି ବେଣାଗାଡିଆ ଗ୍ରାମରେ ଚଢ଼ାଉ କରି ସେଠାରୁ ବୀଣା ସେଠୀ (୨୫) କୁ ଗିରଫ କରିବା ସହ ତା ଠାରୁ ୧୦ ଲିଟର ଦେଶୀ ମଦ ଜବତ କରାଯାଇ ଉଭୟଙ୍କ ବିରୋଧରେ କେସ ରୁଜୁ କରାଯାଇଥିବା ଜଣାଯାଇଛି ।
