ଖୋର୍ଦ୍ଧା :ଆଜି ଖୋର୍ଦ୍ଧା ଜିଲା ପୁଲିସ ପ୍ରଶାସନ ପକ୍ଷରୁ କରୋନା ସଂକ୍ରମଣକୁ କିପରି ମୁକାବିଲା କରାଯିବ ତାହା ଉପରେ ଏକ ସଚେତନତା ରଥ ଆଜି ଖୋର୍ଦ୍ଧା ଜିଲା ଏସପି ଅଜେୟ ପ୍ରତାପ ସ୍ୱାଇଁ ଉଦଘାଟନ କରିଛନ୍ତି । ଏସପି ଶ୍ରୀ ସ୍ୱାଇଁ ଉଦଘାଟନ କରି କୋଭିଡ-୧୯କୁ ପ୍ରତିହତ କରିବା ପାଇଁ ଓ ଏହା ଏକ ଲମ୍ବା ସମୟ । ଏହି ଲଢେଇକୁ ମୁକାବିଲା କରିବା ପାଇଁ ଲୋକମାନେ ସାମାଜିକ ଦୂରତା ବଜାୟ ରଖିବା, ହାତ ଧୋଇବା, ମୁହଁରେ ମାସ୍କ ପିନ୍ଧିବା ଉପରେ ଗୁରୁତ୍ୱ ଦେବା ପାଇଁ ପରାମର୍ଶ ଦେଇଥିଲେ । ସ୍ଥାନୀୟ ମୁକୁନ୍ଦପ୍ରସାଦ ଠାରୁ ଏହି ରଥ ବାହାରି ସହର ପରିକ୍ରମା କରିଥିଲା । ଏଥିରେ ଏସପିଙ୍କ ସମେତ ଏସଡିପିଓ ସୁଶିଲ କୁମାର ମିଶ୍ର, ଡିଏସପି ସତୀଶ ପାଢୀ, ଆର୍ଦଶ ଥାନା ଭାରପ୍ରାପ୍ତ ଅଧିକାରୀ ଉମାଶଙ୍କର ସିଂ, ଇନସପେକ୍ଟର ଅର୍ଚ୍ଚନା ମଲିକ, ସ୍ଥାନୀୟ ଶିଳ୍ପାଚଂଳ ଫାଣ୍ଡି ଅଧିକାରୀ ତଥା ମହିଳା ଏସଆଇ ସମିତା ମିଶ୍ରଙ୍କ ସମେତ ବହୁ ପୁଲିସ ଅଧିକାରୀ ଉପସ୍ଥିତ ଥିଲେ ।
