ଭୁବନେଶ୍ୱର, ୩୧ ଅଗଷ୍ଟ – ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଦେହାନ୍ତରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି । ତାଙ୍କୁ ଭାରତର ଜଣେ ଉଦାହରଣପୁତ୍ର ବୋଲି ବର୍ଣ୍ଣନା କରି ମୁଖ୍ୟମନ୍ତ୍ରୀ କହିଛନ୍ତି ଯେ ସ୍ୱର୍ଗତ ମୁଖାର୍ଜୀଙ୍କର ସମସ୍ତ ବିଷୟ ଉପରେ ବିସ୍ତୃତ ଜ୍ଞାନ ଥିଲା ଏବଂ ଜୀବନର ସମସ୍ତ ଆଭିମୁଖ୍ୟରେ ସେ ବୁଦ୍ଧିମାନ, ଚତୁର ଏବଂ ସନ୍ତୁଳିତ ଥିଲେ । ତାଙ୍କର ଏକ ବିଶିଷ୍ଟ ରାଜନୈତିକ କ୍ୟାରିଅର୍ ଥିଲା ଏବଂ ତାଙ୍କର ନ୍ୟାୟପୂର୍ଣ୍ଣ ନିଷ୍ପତି ଏବଂ ଶାସନରେ ଅଭିଜ୍ଞତା ପାଇଁ ସମାଜର ସମସ୍ତ ବିଭାଗ ତାଙ୍କୁ ସମ୍ମାନିତ କରିଥିଲେ ଏବଂ ଭଲ ପାଉଥିଲେ । ଜାତୀୟ ପ୍ରସଙ୍ଗରେ ସହମତି ସୃଷ୍ଟି କରିବାରେ ତାଙ୍କର ଅତୁଳନୀୟ ଦକ୍ଷତା ପାଇଁ ତାଙ୍କୁ ସର୍ବଦା ସ୍ମରଣ କରାଯିବ । ତାଙ୍କର ଦେହାନ୍ତ ଫଳରେ ଏକ ଗୌରବମୟ ଜୀବନର ଅନ୍ତ ଘଟିଲା ବୋଲି ମୁଖ୍ୟମନ୍ତ୍ରୀ କହିବା ସହ ଶୋକସନ୍ତପ୍ତ ପରିବାରକୁ ଗଭୀର ସମବେଦନା ଜଣାଇଛନ୍ତି ।
