ଚଣ୍ଡିଖୋଲ : ଯାଜପୁର ଜିଲ୍ଲାର ଚଣ୍ଡିଖୋଲ ସ୍ଥିତ କୋର୍ଟ ବାର ଆସୋସିଏସନ କର୍ମକର୍ତ୍ତା ମାନେ ଗୁରୁବାର ଦିନ ନୂତନଭାବେ ନିଯୁକ୍ତ ଓଡିଶା ଉଚ୍ଚନ୍ୟାୟାଳୟର କାର୍ଯ୍ୟନିର୍ବାହୀ ମୁଖ୍ୟ ବିଚାରପତି ନ୍ୟାୟାଧୀଶ ବିଦ୍ୟୁତରଞ୍ଜନ ଷଡଙ୍ଗୀଙ୍କୁ ତାଙ୍କ କାର୍ଯ୍ୟାଳୟରେ ଭେଟି ସୌଜନ୍ୟ ମୂଳକ ଶାକ୍ଷାତ ଆଲୋଚନା କରିଛନ୍ତି! ଗତକାଲି ଶ୍ରୀ ଷଡ଼ଙ୍ଗୀ ଦାୟିତ୍ୱ ଗ୍ରହଣ କରିଥିବାରୁ କର୍ମକର୍ତ୍ତା ମାନେ ତାଙ୍କୁ ଅଭିନନ୍ଦନ ଜଣାଇଥିଲେ! ଏହି ଶାକ୍ଷାତ ଆଲୋଚନା ସମୟରେ ଚଣ୍ଡିଖୋଲ କୋର୍ଟର ବିଭିନ୍ନ ଅଭାବ ଅସୁବିଧା ଓ ହେବାକୁ ଥିବା ଉନ୍ନୟନ କାର୍ଯ୍ୟ ସମ୍ପର୍କରେ କର୍ମକର୍ତ୍ତା ମାନେ ନ୍ୟୟମୂର୍ତୀ ଶ୍ରୀଷଡ଼ଙ୍ଗୀଙ୍କ ଦୃଷ୍ଟି ଆକର୍ଷଣ କରିଥିଲେ! ଏହିସବୁ ସମସ୍ୟାର ସମାଧାନ ଖୁବ ଶୀଘ୍ର କରାଯିବ ବୋଲି ମୁଖ୍ୟ ବିଚାରପତି ସହମତି ପ୍ରକାଶ କରିଥିଲେ! ଚଣ୍ଡିଖୋଲ କୋର୍ଟ ବାର ଆସୋସିଏସନର ସମ୍ପାଦକ ପ୍ରକାଶ ଦାଶଙ୍କ ନେତୃତ୍ୱରେ ପୂର୍ବତନ ସଭାପତି ଦେବରାଜ ବେହେରା , ଉପସଭାପତି ଶ୍ରୀକାନ୍ତ ବଳ, କୋଷାଧ୍ଯକ୍ଷ ଚିନ୍ମୟ ପ୍ରତାପ, ସହ ସମ୍ପାଦକ ଜ୍ୟୋତି ସଙ୍କର ମହାପାତ୍ର ପ୍ରମୁଖ ମୁଖ୍ୟ ବିଚାରପତିଙ୍କୁ ଶାକ୍ଷାତ କରିଥିଲେ!
