କେନ୍ଦୁଝର : ଘସିପୁରା ନିର୍ବାଚନ ମଣ୍ଡଳୀ ବିଜେଡି ପକ୍ଷରୁ ଶୁକ୍ରବାର ଢେଙ୍କିକୋଟରେ ଜନ ସମ୍ପର୍କ ସମାବେଶ ଓ ପଦଯାତ୍ରା ଘଟଗାଁ ବ୍ଲକ ବିଜେଡି ସଭାପତି ଦୋଳଗୋବିନ୍ଦ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି। ସମାବେଶରେ ୮ହଜାରରୁ ଉର୍ଦ୍ଧ୍ବ କର୍ମୀ ଓ ସମର୍ଥକ ଅଂଶଗ୍ରହଣ କରିଥିଲେ। ଉକ୍ତ ବିଶାଳ ଜନ ସମ୍ପର୍କ ସମାବେଶରେ ପୂର୍ବତନ ମନ୍ତ୍ରୀ ତଥା ଘସିପୁରା ବିଧାୟକ ପ୍ରଫେସର ବଦ୍ରିନାରାୟଣ ପାତ୍ର ଯୋଗଦେଇ କହିଥିଲେ ଯେ ରାଜ୍ୟସରକାରଙ୍କ ଜନକଲ୍ୟାଣ ଯୋଜନାକୁ ଲୋକଙ୍କ ନିକଟରେ ପହଞ୍ଚାଇବାକୁ ଶପଥ ନେବା ସହିତ ଏଥିପାଇଁ କର୍ମୀମାନଙ୍କୁ ନିଷ୍ଠାର ସହିତ କଠିନ ପରିଶ୍ରମ କରିବା ଆବଶ୍ୟକ। ଆମରାଜ୍ୟକୁ ଦେଶର ଏକ ନମ୍ବର ରାଜ୍ୟ ରେ ପରିଣତ କରିବାପାଇଁ ମାନ୍ୟବର ମୁଖ୍ୟମନ୍ତ୍ରୀ ନବୀନପଟନାୟଙ୍କ ଯୋଜନାକୁ ସାକାର କରିବାକୁ ହେଲେ କର୍ମୀମାନଙ୍କ ଆନ୍ତରିକ ଉଦ୍ୟମ ଏକାନ୍ତ ଆବଶ୍ୟକ । କେନ୍ଦୁଝର ସାଂସଦ ଚନ୍ଦ୍ରାଣି ମୂର୍ମୁ ପାଟଣା ବିଧାୟକ ତଥା ଯୋଜନା ବୋର୍ଡ ଅଧ୍ୟକ୍ଷ ଜଗନ୍ନାଥ ନାଏକ , ପୂର୍ବତନ ମନ୍ତ୍ରୀ ତଥା ତେଲକୋଇ ବିଧାୟକ ପ୍ରେମାନନ୍ଦ ନାୟକ, ଆନନ୍ଦପୁର ବିଧାୟକ ଭାଗୀରଥି ସେଠୀ, ଚମ୍ପୁଆ ବିଧାୟକ ମିନାକ୍ଷୀ ମହାନ୍ତ, ଜିଲ୍ଲା ବିଜେଡି ସଭାପତି ମାଧବ ଚନ୍ଦ୍ର ସର୍ଦ୍ଧାର, ବିଜେଡି ଜିଲ୍ଲା ମହିଳା ମୋର୍ଚ୍ଚା ସଭାପତି ରମଣୀ ନାୟକ, ଜିଲ୍ଲା ମହିଳା ମୋର୍ଚ୍ଚା ସାଧାରଣ ସମ୍ପାଦକ ସୁମିତ୍ରା ମହାନ୍ତ, ଜିଲ୍ଲା ଏସଟିସେଲ ସଭାପତି ଭରତ ଚନ୍ଦ୍ର ପାତ୍ର, କେନ୍ଦୁଝର କେନ୍ଦ୍ର ସମବାୟ ବ୍ୟାଙ୍କ ସଭାପତି କାନନ ବିହାରୀ ପହି, ଜିଲ୍ଲା ପରିଷଦ ସଦସ୍ୟ ସୁରେନ୍ଦ୍ର ଜେନା, ଘସିପୁରା ବ୍ଲକର ପୂର୍ବତନ ଅଧ୍ୟକ୍ଷ ଦେବାଶିଷ ପାତ୍ର, ପାଟଣା ବ୍ଲକ ପୂର୍ବତନ ଅଧ୍ୟକ୍ଷ ବିଶ୍ଵନାଥ ନାୟକ, ଜିଲ୍ଲା ଯୁବ ବିଜେଡି ଉପସଭାପତି ଏସକେ ଇମିରାନ, ଢେଙ୍କକୋଟ ସରପଞ୍ଚ ଖ ଇର ନାଏକ ଓ ଏସକେ ତାହିର ପ୍ରମୁଖ ମଞ୍ଚାସିନ ଥିଲେ । ଉକ୍ତ ସଭାରେ ବିଭିନ୍ନ ନେତୃବୃନ୍ଦ ରାଜ୍ୟ ସରକାରଙ୍କ ଜନକଲ୍ୟାଣ କାରୀ ଯୋଜନା ଓ ମୂଖ୍ୟ ମନ୍ତ୍ରୀଙ୍କ ରାଜ୍ୟକୁ ଏକନମ୍ବର କରିବାରେ କର୍ମୀମାନଙ୍କ ନିଷ୍ଠା ଓ ଏକାଗ୍ରତାକୁ ବଜାୟ ରଖିଥିବାରୁ ଆଗାମୀ ସାଧାରଣ ନିର୍ବାଚନକୁ ଆଖି ଆଗରେ ରଖି କାମ କରିବାକୁ କର୍ମୀଙ୍କୁ ଆହ୍ୱାନ ଦେଇଥିଲେ। ପଦଯାତ୍ରା ସଭାରେ ପୂର୍ବତନ ମନ୍ତ୍ରୀ ତଥା ଘସିପୁରା ବିଧାୟକ ପ୍ରଫେସର ବଦ୍ରିନାରାୟଣ ପାତ୍ରଙ୍କ ନେତୃତ୍ବକୁ ଆସ୍ତା ପ୍ରକଟ କରି ଉପସ୍ଥିତ ସମସ୍ତ ବିଧାୟକ ଓ ସାଂସଦ ଉଚ ପ୍ରସସା କରିଥିବାରୁ କର୍ମୀମାନଙ୍କ ମଧ୍ୟରେ ଉତ୍ସାହ ସୃଷ୍ଟି ହୋଇଥିଲା। ଢେଙ୍କକୋଟ ଉଚ୍ଚ ବିଦ୍ୟାଳୟ ଠାରୁ ଏକ ବିଶାଳ ସମାବେଶରେ କର୍ମୀମାନେ ପଦଯାତ୍ରା କରି ଟିକିରା ହାଟ ପଡିଆଠାରେ ପହଞ୍ଚି ଥିଲେ ।
