ବେତନଟୀ : ବେତନଟୀ ବ୍ଲକ ବୈଶିଙ୍ଗା ଶିଳ୍ପ ତାଲିମ କେନ୍ଦ୍ର ଆନୁକୁଲ୍ୟରେ ସମ୍ବର୍ଦ୍ଧନା ପ୍ରଦାନ ନିମନ୍ତେ ଏକ ବୈଠକର ଆୟୋଜନ କରା ଯାଇଥିଲା। ବିଶିଷ୍ଟ ସମାଜ ସେବୀ ବିରାମ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ବୈଶିଙ୍ଗା ଓଡ଼ିଶା ଗ୍ରାମ୍ୟ ବ୍ୟାଙ୍କ ର ଶାଖା ପରିଚାଳକ ପ୍ରତ୍ୟୁଷ କୁମାର ହୁଇ ଯୋଗ ଦାନ କରି ଥିବା ବେଳେ ସମ୍ମାନୀତ ଅତିଥି ଭାବେ ନନ୍ଦ କିଶୋର ଜେନା, ହରିଣ ଚନ୍ଦ୍ର ଗିରି, ଶ୍ରୀ କର୍ଣ୍ଣକୋମଳ ତଥା ଅନୁଷ୍ଠାନ ର ଅଧ୍ୟକ୍ଷ ରମାକାନ୍ତ ଜେନା ପ୍ରମୁଖ ଯୋଗ ଦାନ କରି ବକ୍ତବ୍ୟ ରଖିଥିଲେ। ଏହି ଅବସରରେ ୨୦୨୧ -୨୦୨୩ ଶିକ୍ଷା ବର୍ଷରେ ସର୍ବୋଚ୍ଚ ନମ୍ବର ରଖି ଥିବା ଫିଟର ଟ୍ରେଡ ରୁ ଦୁଇ ଜଣ ଓ ଇଲେଟ୍ରିସିଆନ ଟ୍ରେଡ ରୁ ଦୁଇ ଜଣ ମୋଟ ଚାରି ଜଣ ଛାତ୍ର ଛାତ୍ରୀ ଙ୍କୁ ମାନପତ୍ର ସମେତ ସିଲ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇ ଥିଲା।ଏହି ଅନୁଷ୍ଠାନ ବୈଷୟିକ ଶିକ୍ଷା ଏହାର ଉପଯୋଗିତା ଓ ତାଲିମ କେନ୍ଦ୍ରର ବୈଷୟିକ ଶିକ୍ଷା କ୍ଷେତ୍ରରେ ବିରାଟ ପରିବର୍ତ୍ତନ ଆଣି ଥିବା ଯୋଗୁଁ ଏହି ଅନୁଷ୍ଠାନ ସର୍ବାଗ୍ରେ ବୋଲି ମତ ପ୍ରକାଶ ପାଇଥିଲା। ଏଥିରେ ଅନୁଷ୍ଠାନ ର ସମସ୍ତ ପ୍ରଶିକ୍ଷକ ଓ କର୍ମକର୍ତ୍ତା ତଥା ଛାତ୍ର ଛାତ୍ରୀ ମାନେ ଅଂଶ ଗ୍ରହଣ କରିଥିଲେ। ଶେଷରେ ସମାଜ ସେବୀ ସତ୍ୟଜିତ ପାଣି ଧନ୍ୟବାଦ ଅର୍ପଣ କରିଥିଲେ
