କାକଟପୁର 17/9 କାକଟପୁର ବ୍ଲକ ଛକ ସ୍ଥିତ ବିଶ୍ଵାମିତ୍ର ଆଶ୍ରମ ପରିସର ରେ କାକଟପୁର ପ୍ରାଚୀ ସଂସ୍କୃତି ସୁରକ୍ଷା ପରିଷଦ ର ଆବାହକ ପଣ୍ଡିତ ତ୍ରିଲୋଚନ ମିଶ୍ର, କାକଟପୁର ଶାଖା ଦୁର୍ନୀତି ସଂଘର୍ଷ ମଞ୍ଚ ର ସଭାପତି କୈଳାଶ ଚନ୍ଦ୍ର ନାୟକ ଙ୍କ ସହଯୋଗ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ ଜନ୍ମଦିବସ ଅବସରରେ ତାଙ୍କର ଦୀର୍ଘ ଜୀବନୀ କାମନା ନିମନ୍ତେ ଦେବାର୍ଚ୍ଚନା ସହ ପ୍ରାଚୀ ଆଳତି ଅର୍ପଣ ତଥା ଗୀତଗୋବିନ୍ଦ ଆସର ଅନୁଷ୍ଠିତ ହୋଇଯାଇଛି l ସମଗ୍ର ଭାରତ ବର୍ଷ କୁ ଏକ ପରିବାର ମାନୁଥିବା ତଥା ବିଶ୍ୱର କଲ୍ୟାଣ କରୁଥିବା ଭାରତୀୟ ସନାତନ ସଂସ୍କୃତିକୁ ବିଶ୍ୱ ବ୍ୟାପକ କରି ସମସ୍ତଙ୍କ ହୃଦୟ କୁ ଜୟ କରିପାରିଛନ୍ତି ମୋଦୀ, ଏହା ଭାରତକୁ ପୁନଃ ବିଶ୍ୱର ମାନ୍ୟତା ଦେବା କାର୍ଯ୍ୟକୁ କ୍ରିୟାଶୀଳ କରାଇଛନ୍ତି ବୋଲି ପଣ୍ଡିତ ଶ୍ରୀ ମିଶ୍ର କହିଥିଲେ l ସମଗ୍ର ଭାରତ ବର୍ଷ ର ଅଭିନନ୍ଦନ ତାଙ୍କ ଉପରେ ଆଜାଡ଼ି ହୋଇପଡ଼ୁଥିବା ବେଳେ ମହାପ୍ରଭୁ ଶ୍ରୀ ଜଗନ୍ନାଥ ଙ୍କ ଅତିପ୍ରିୟ ଗୀତଗୋବିନ୍ଦ ଗାୟନ କରାଯାଇ ମୋଦୀ ଙ୍କ ଦୀର୍ଘ ଜୀବନ କାମନାକରିବା ଏକ ଅନନ୍ୟ ପରମ୍ପରା ବୋଲି ପରିଷଦ ର ଉପଦେଷ୍ଟା ତଥା ପ୍ରାକ୍ତନ ପ୍ରଶାସକ କୈଳାଶ ଚନ୍ଦ୍ର ବରାଳ, ବରିଷ୍ଟ କାର୍ଯ୍ୟକର୍ତ୍ତା କୈଳାଶ ଚନ୍ଦ୍ର ନାୟକ, ରାଧାଶ୍ୟାମ ପ୍ରଧାନ ପ୍ରମୁଖ ପ୍ରକାଶ କରିଥିଲେ l ଶେଷରେ ପରିଷଦ ର ଯୁବ ସଂଯୋଜକ ଶିବାନନ୍ଦ ପ୍ରଧାନ ପୁରୀ ଶ୍ରୀକ୍ଷେତ୍ର ରୁ ଆନିତ ମିଷ୍ଟାନ୍ନ ମହାପ୍ରସାଦ ଶ୍ରଦ୍ଧାଳୁ ମାନଙ୍କୁ ଅର୍ପଣ କରିଥିଲେ l
